وداعا للاستضافات المدفوعه (فكره تحتاج الدعم ليعم النفع)

[f0lf0l]

السلام عليكم


باختصار شديد انا لقيت موقع استضافه أجنبى الموقع ده بيتيح
الاستضافه بدون مقابل مادى !!! ولكن كل ما عليك هو المشاركه
فى منتدى الدعم للشركه دى وللاسف الشديد لقيته مش بيدعم
العرب والموقع كله انجليزى وفوق كده الادمن بيعمل حظر للاعضاء العرب
المهم وصلت لايميل الادمن ده وبعتله رساله وجالى الرد انهارده
وهى انه يدعم العرب ويعمل منتدى زى بتاعه بس بالعربى للمشاركه فيه
مقابل الاستضافه دى وانا هكون ممثله فى المنتدى العربى اللى هيعمله للعرب
وهو شبه وافق خلاص بس محتاج يعرف الفكره هتجيب ناس ولا لاء وانا طبعا
هقنعه انها هتكون ناجحه بس لما اطمن الاول منكم وانا هحط نفس الموضوع ده
فى منتديات كتيره عشان اعرف مين اللى هيبقى معانا وعايز استضافه مجانيه

وبالنسبه للخطه اللى بيديها هى جيجا ونص مساحه + 30 جيجا باندويث+ انك ممكن تضيف دومنين كمان

منتظر ردكم ولو لقيت ناس فعلا مهتمه بالموضوع هخليه يبتدى الشغل ويعمل المنتدى
ولو مش مصدقين هتشوفوا وهحطلكم لنكه المنتدى الرسمى ان شاء الله


منتظر الردود

[f0lf0l]

????????????????????????

[صلاح الديب]

مش فاهم

000webhost تقصد هذا ؟؟

موفق

[f0lf0l]

لا يباشا مقصدش الموقع ده خالص
وبعدين 000webhost موقع مجانى ومش
بيديك سى بانل ولا كل امكانيات الاستضافه المدفوعه
انا بتكلم على جيجا ونص و30 جيجا باندويث معاهم سى بانل
مجانا ....

[Neklawy.com.eg]

وما المقابل من ذلك؟
بمعنى ما الفائدة التى ستعم لصاحب هذا الموقع؟


تحياتى

[f0lf0l]

وما المقابل من ذلك؟
بمعنى ما الفائدة التى ستعم لصاحب هذا الموقع؟


تحياتى

هو اكيد مفيش حاجه بدون مقابل بس المقابل بسيط جدا
هو عامل منتدى دعم للخدمه مطلوب من عملاء الاستضافه المجانيه
المشاركه ب15 مشاركه فى الشهر فى المنتدى للاحتفاظ بحسابهم
وممكن للعميل يرقى بعد كده لاستضافه مدفوعه لو عايز يزود المساحه
او الباندويث مثلا يبقى هو كده استفاد برضه
على العموم الموقع العربى اللى اقترحته عليه
خلص بس لسه محتاج منه شويه صلاحيات عشان أقدر أكريت الحساب للاعضاء ..

[uparab.com]

هل تمثل العرب بكلامك هذا
لا أظن ذلك
أرجو أن تتكلم باللغة العربية حتى نفهم ما تكتب

حتودينا نحن العرب في داهيه بكلامك ده

[فتى الخفجي]

حلو والله بس الدومين كيف شكله ؟

[young coder]

ياريت تشاركني بالموقع و انا معاك فيه بالنسبة للدعم و لا احتاج لاستضافة

اكيد الموقع مثل Ej.am و trap17

( اعتقد ان الموقع اللي تقصده هو meekhost.com ,, صح ؟ )
راسلني على
hossam991@gmail.com

[khashabawy]

والدومين ?

[f0lf0l]

شكرا لمروركم بالظبط هو meekhost زى الاخ ما قال او خمن
والموضوع مش هزار ولازم نستغله أمثل استغلال ليعم النفع
أولا خلونا نفكر شويه لو انا مكنتش خليته يعمل منتدى عربى
مكنش هتبقى زى ما احنا عايزين لان انا مشرف هناك فى المنتدى الاجنبى
والقوانين هناك صارمه جدا يعنى مثلا كلمه thanks كرد ممنوعه هناك وبيتاخدلها انذار
وممنوع البرامج الغير مرخصه وممنوع حاجات كتيره يعنى اى واحد ملوش خبره
صعب انه يكمل فى المنتدى ويعمل مشاركات بدون حظر فكان لابد من فكرتى وكويس
انه وافق عليها عشان كده أرجو من يهمه الامر انه يسجل فى المنتدى العربى وليس الاجنبى
على الرابط ده
Meek for free and paid hosting | ميك لخدمات الاستضافه المدفوعه والمجانيه

وهو على بكره ان شاء الله هيربطلى المنتدى بالbilling account عشان اى حد مسجل ياخد
السى بانل والمساحه بتاعته

وأنا هوعدكم ان قوانين المنتدى العربى مش هتبقى بفظاعه الاجنبى


منتظر تعليقاتكم ......

[محمد سيف]

^_^ عادي فى مواقع عربيه عاملها ومجاناً زي الموقع اللى تابع لمربع 201 ميجا يعني مفيش جديد

وفى شركات كتيره بتعملها

لكن السؤال ماذا اذا حذف موقعك فجأه وماذا عن الباك اب وخلافه ؟

[f0lf0l]

^_^ عادي فى مواقع عربيه عاملها ومجاناً زي الموقع اللى تابع لمربع 201 ميجا يعني مفيش جديد

وفى شركات كتيره بتعملها

لكن السؤال ماذا اذا حذف موقعك فجأه وماذا عن الباك اب وخلافه ؟

شكرا لمرورك ياريت امثله عن المواقع اللى بتتكلم عنها
مفيش حذف مواقع طول ما بتعمل ال15 مشاركه كل شهر
وأنا شخصيا هبقى مسئول عن الموضوع ده لأن الادمن
مدينى صلاحيات كتيره وملوش دعوه الا بالمنتدى الانجليزى
الباك اب وكل حاجه كأى استضافه مدفوعه ...

[فهد الغثبر]

السلام عليكم

تم الاشتراك وبارك الله في جهدك

[نور المنسي]

لا توجد أي ضمانات لأي شئ علي الاستضافات المجانية

لا تصلح إلا للتجارب فقط ...

مشكور لمجهودك

و لكن المدفوع يبقي سيد الساحة ..