كيف أعيد تسجيل أسم , وماهي الشركات الممتازة ؟

[scan]

ماذا تقصدون بتحويل الاسم بعشرة دولار ؟

1/هل اذا كان مسجل لدى شركة وأردت أن أعيد تسجيله لدى شركة أخرى ؟
2/ أم تحويله إلى رقم IP مساحة جديدة ؟ وهل في كل مرة عشرة دولار ؟

[llkl.net]

الاختيار الاولي اخوي سكان

وبنسبة لاخوي الزايد
شي جميل تكون خبير لامور الانترنيت و الشراء عن طريقة .. بس للعمل .. كلامك كله صحيح عامة .. الي اقصده ان للاسف في شركات لها قوانين خاصة .. تحددها السياسية اللي تتبعها ..

في شركات .. ان اعرف مواقعها ..
ما تسمح لك مثلا تشتري ان كانت جنسيتك معاديه لها .. واعرف شركة تمنع جنسيات 3 دول عربية من الشراء منها

في شركة ان اشتريت منها ..
ورفضت تسحب الفلوس لانهم يبون يشيكون مع الفيزا قبل
وردوا لي خبر بعد يوم .. لان الاسم مب مطابق للي في البطاقة .. وارسلت لهم ايميل .. في شدة شوي .. قلت لهم ان اسلوب استخدام الاسماء ممكن ما تكون مثل استخدامها لدولكم .. حيث ان اسم الاب يمكن يكون معكوس .. وكملت .. بان لو تبون اسوي سكان للبطاقة مالتي وارسلها لكم انا جاهز عسب تتاكدون ان الاسم نفس اللي بالبطاقة .. .. في اليوم اللي بعده .. ارسلوا لي موافقة الشراء .. لانهم بكل تأكيد ما بيضيعون زبون

ومن هالسياسات .. سياسة جو دادي ..
هي لو تبا تسحب الفلوس .. و ملاحظه .. كلمة تسحب يمكن مب الانسب .. اللي اقصده .. انهم يقبلون عملية ادخال البطاقة .. والشراء .. والحصول على النقود عن طريق البطاقة .. ما عنيت عملية سحب حقيقية ..
المهم .. جو دادي لو تبا تسحب الفلوس .. بتسحبها .. لان بس المطلوب هو رقم البطاقة .. وربما تاريخ الانتهاء .. لاني ذاكر ان سجلت مرة اسمي غير .. و مشت .. لكن الجو دايدي مستحيل ..

ولو تبا تراهن انا جاهز
اتكلم جد .. هم لو يبون .. يقدرون يوافقون .. لكن سياستهم تمنع هالشي .. ومثل ما قلت انا جاهز اراهنك .. ولو الرهان حرام .. خلها من طرف واحد .. واشتري لي سكربت لو طلع كلامي غلط .. شو قلت

لاني شاري حتى الان 10 اسماء من عندهم .. وفي احد الخطوات يطلبون اسمك .. لما تحط اسم ... تنتقل لخطوة الدفع .. الي فيها تحط الاسم اللي في البطاقة .. ولو طلع غير .. ترفض البطاقة بدون ما يقولوا لك ليش .. مع ان كل شي صح .. بس خلي الاسمين نفس الشي و بقية المعلومات صح .. تمشي العملية تمام ..

فاسل مجرب ولا تسأل طبيب اخي الزايد ..
وشكرا لمعلوماتك القيمة

[المثنى]

السلام عليكم

الأخوة الكرام لدي أسمين و أود أن أعيد تسجيلها , فهل استجد شيء في الموضوع

أشكركم كثيراً

[WWF Manager]

رد مقتبس من Net Hunter
http://registerfly.com
شركة جيده بعد .. ورخيصه

تحياتي

خذ مني الكلالالام هذي الشركة ولا غيرها

[llkl.net]

وانا مع اخوي WWF Manager

انا اكرر .. جربت ال جو دادي .. وما فيهم اي عيب ..
لكن ما يعطوك ميزات اضافية .. يشترون لك الاسم و انتهى الموضوع بس طبعا ما يسووون لك اي مشكلة و محترمين ..

لكن registerfly
يعطوك ميزات حلوة لو تباها من الجو دادي لازم تدفع مبلغ اضافي ..
منها ايميل لك .. ممكن يوجهون موقعك لصفحة اخرى او موقع اخر .. ممكن تسوي اسماء صغرى للادارة بالاضافة الى مساحة 3 ميجا .. ممكن تسوي فيها شي .. الجو دادي .. ما يعطيك شي .. لما تحصل سرفر .. تقوم بعملية التوجيه للسرفر لكن ما عندك مساحة و لو صغيرة تدبر فيها امرك لين تحصل سرفر ..

اقصد ادرس الموضوع و اختار ..
وبرايي اخترت الجو دادي او الريجستر فلاي .. ما بتندم باذن الله ..
و اختار اللي يناسبك

[المثنى]

أشكركما كثيراً أخوي WWF Manager و llkl.net

و في الحقيقة قررت أن أحجز واحد عند كل منهما , نجرب .

أشكركما كثيراً

[llkl.net]

العفو اخوي المتنبي ..
وفكرة زينه ..

على الاقل نسألك بعدين

لان كل واحد منا جرب شركة .. اعجبته .. ثبت فيها ..
لما بتجرب الشركتين ...
بنعتمد على خبرتك ..

بس هاااااااا ..
لو صادفتك مشكلة مع الجو دادي عن تسبني
لاني ما واجهت مشاكل ابدا ابدا ..
و كل واحد يسألني اقول رح هناك ..
بس مثل ما قلت لك .. ال ..

اقول ما اريد اتوهك مرة ثانية ..
قرارك حلو .. و توكل على الله