مشتركي تي داتا tedata ... أفرحوا .. هللو

[محب الله ورسوله]

السلام عليكم

اليوم تم عمل عرض جديد من تي داتا هيكسر الدنيا
هيعمل ركود لدل كل المنافسين

ضعف السرعة بنفس السعر

رحت لهم علي الفور ورفعوا لي السرعة ل 1 ميجا بدل 512 وب 140 جنيه مثل ما هو

مبروك لمستخدمي تي داتا ولا عزاء للباقين

[مايكروسوفت]

الف مبروك وشكلى انا كمان هنقل على Tedata

وانصحك تاخد سرعة 2 ميجا ب 200 جنيه فرق مش كتير

[young coder]

انا شوفت العرض

و انا دافع 3 شهور 512 بس لسه مكلمتهومش

هو انا لازم اروح الفرع ولا ممكن بالتلفيون علشان يرفعوا السرعة ؟؟

[محمد كيوان]

طب انا دلوقت علي العربية
و تي اي داتا لازم اخد من الموزع
و الموزع رافع الاسعار
ايه الحل دلوقت

[محب الله ورسوله]

طب انا دلوقت علي العربية
و تي اي داتا لازم اخد من الموزع
و الموزع رافع الاسعار
ايه الحل دلوقت

العربية اللي عند بوابة ستاد الجامعة
اعرفهم واحد واحد
أنصحك تتركهم وتاخذ من الشركة الأم
فرعها علي المشاية السفلية وسعرهم الارخص دائماً

===============

انا شوفت العرض

و انا دافع 3 شهور 512 بس لسه مكلمتهومش

هو انا لازم اروح الفرع ولا ممكن بالتلفيون علشان يرفعوا السرعة ؟؟

لا يمكن بالإتصال
يجب ان تذهب للفرع

بعد الذهاب سيحسب لك الفرق فلديهم علي الحاسب برنامج يعطيه السرعة الجديدة والأيام يطلع له الحسبة اللي هتدفعها زيادة
ولكن لاتنسي ان العرض الجديد تم لغي كل العروض القديمة معه ومنه الخصم 10% للطلاب ( من 126 ل 140 )
ومنه اي عروض أخري

تم رفع السرعة وعلي ما وصلت البيت كانت أترفعت
الداونلود علي 104 كيلو ( المفروض يكون 128 ولكن الخط السابق كان الدونلود 52 وهو المفروض يكون 64 فعادي هذا متوقع من شركة عربية !! )

[young coder]

يعني لازم مشوار للفرع

و انا مكنتش مشترك في اي خصومات قبل كده فالفرق تقريباً 15 جنيه على الـ3 شهور كلهم
و عادي 104 حلو قوى كفاية انه بنفس السعر

و اعتقد كده انهم لغوا الـ256 لانهم مرخصوهاش و كانوا حطينها الظهر بنفس سعر الـ512 بس دلوقتي شالوها من الجدول خالص
TE Data -ADSL Prices

اظن دلوقتي مشتركي ال265 رفعولهم السرعة اتوماتيك

[trialless]

انا مقدم على خط بقالى يجى شهر

ولسه مفيش اى حاجة وصلت

[7ota]

سؤال من شخص خارج مصر :

شفت بالصفحة عروض Unlimited ADSL
هل هي انلمتد بشكل تام ؟ ولا في حد اعلى ؟

[young coder]

سؤال من شخص خارج مصر :

شفت بالصفحة عروض Unlimited ADSL
هل هي انلمتد بشكل تام ؟ ولا في حد اعلى ؟

سياسة الاستخدام العادل الـfair use

[محب الله ورسوله]

في الغالب لا يتم تنفيذ أي سياسة وحمل كما تحب

ما لم تكن لديك سرعة 8 ميجا وما فوق وقتها قد يتم التدقيق قليلاً

ولكن لا تهتم بالأمر مع شركة محترمة مثل تي داتا لو كلمتهم بينسوا الأمر !!

[Mostafa Maher]

مبروك عليكم العرض ، وعقبالي لما أوصل نت وأشترك فيها أنا كمان.
أعتقد إن مافي شركة في مصر أفضل منها .. ايه رأيكم ؟

وكمان أنا عايز أعرف .. هل العرض ده ساري لفترة محدودة أم دائم ؟

[young coder]

ليس عرض بل هو تغيير في الاسعار .

[abdelrahman]

لا أظن ان تبقى الشركات الأخرى على اسعارها بعد هذه النقلة

وإلا فلن يتبقى لديهم عميل واحد

للأسف لازلت أواجه صعوبة في النقل لـ تي داتا

[mo2men]

على فكره لينك كمان نزلت اسعارها
و فودافون كمان اكيد

و اتصالات هتدخل مجال توزيع الانترنت كمان

و 256 متلغتش موجوده زى مهى و بنفس السعر 512
95 جنيه للشهر

[abdelrahman]

على فكره لينك كمان نزلت اسعارها

هل في مصدر ؟؟

لأني دخلت على موقعهم ولقيت الاسعار زي ماهي