من المسؤول الذي يحاسب شركات الاتصالات على الاختلاسات التي تأخذها من المشتركين

[ابوعمار]

اخواني الكرام


انا احد مشتركين موبالي مفوتر
في الاشهر الاخيرة اصبحت الفاتورة تجي بمبالغ خيالية كل شوي اسدد ويقفل الخط

المهم

كل ما اتصل على 1100 الموظف مسكين ما يعرف وش السالفة اساله وش سبب التوقف ياخي

يقولي مو مبين عندي موب ظاهر عندي النظام بطيء النظام متخلف

وربي شي يقهر احس اني انغبن والله في الفاتورة

قلت اسجل في موقعهم واشوف وش السالفة

حصلت في اشياء كثيرة ما استخدمتها

من ضمنها



اتصلت عليهم كالعادة اخي الكريم انا شايف ان الفاتورة تجي بمبالغ كبيرة واشياء انا ما استخدمها

قالي ياخي انت يوم 31-5-2009 مشترك مع خدمة شركاء موبالي في النظام حق مادري ايش حقت الارقام الي هي ترسل رسائل قلت له والله ما اشتركت فيها يقولي هذا مبين عندي بالنظام

قلت له الله يرحم ابوك والله ما طلبتها قالي هذا الي ظاهر


قلت له طيب ظاهر لي في الفاتورة 89 ريال الي ظاهرة عندم بالصورة اشتراك موبيالي على الهوا وانا مااستخدمت موبيالي على الهوا

قالي النظام مو مبين


الله يقلع ابوه نظام هذا ياشيخ :app:

كل ما عرف شي قالي النظام ما يبين النظام ما يظهر


والله طفشت ماعرف ايش اسوي

الحين ودي اعرف

وش يخلي الناس تثق بهذه الشركات هل معقول انهم امناء جدا

والله ياخون مقهور مادري وش اسوي


هذول موبيالي فما بالكم بغيرها :looking:

احس في لهف رهيب منهم وش الحل


غير لما تستعرض الفاتورة

يعطيك بس اول 20 عملية طيب والباقي وين ياخون


مخفي

حط ببطنك بطخية صيفي واطمن انت مسروق مسروق

[musleeem]

ما اتوقع في احد يحاسبهم ..

[moh_elferg]

غير

[عالم المبدعون]

ياعمي فيه والله فيه لاحد يقول مافيه
هيئة الاتصالات وتقنية المعلومات

او خذ رقمهم من الموقع واتصل عليهم وقت الدوام وخذ رقم الشكوى وراجعهم فيها

مشكلتتنا مع شركات الاتصالات عموما ان ما احد يحب يطالب بحقه ويقول اغربل نفسي علشان مبلغ ما يستاهل

علشان كذا لا نستغرب لو شفنا سرقات عيني عينك زي كذا

[إينـاسوفت]

اغربل نفسي علشان مبلغ ما يستاهل

مبلغ ما يستاهل وفوقة ما بيستاهل وفوقة وفوقة صارت ملايين

[فتى الخفجي]

ولو مبلغ مايستاهل لازم ياخذ حقه ولو ريال السبب تحصل للكثير

[العبقري]

الله يحاسبهم ربك فوووق

[ابوعمار]

ياخي شلون هيئة الاتصالات تحاسبهم بالعقل
السيستم حقهم الخربان هذا يلبعون في ابوه لعب

تخيل كم عميل عند موبيالي
قل اقل شي 2 مليون او 3 مليون عميل


بضغطة زر بالسييستم يقدر يسحب من كل عميل قل لو انت محسب النيه ريال ريال واحد فقط
كام جاه 3 مليون ريال

فما بالك لو خصص موظفين يحطوا اشياء وهمية بالفاتورة في النص بحيث ان العميل مسكين مايدري وش الطبخة

والله يااخوان المفروض يكون هناك مراقبه

[راعي الأوله]

انا عندي موبايلي كونكت 1 قيقا

الشريحه ماطلعها نهائي من الكونكت ... المهم

سددت 240 قبل اسبوعين 200 = شهرين للانرتنت + 40 = شهرين رسوم

المهم نهاية الشهر الميلادي الماضي شهر 5 فصلوه

اتصل عليم يقول النظام مافيه شي انتظر الفاتورة تصدر

دخلت على حسابي بموقعهم لقيت الفاتورة 697 وكسور ..!.!!

انا مدري هم يستهبلون والا وش يحسون فيه ؟؟

يقول الموظف الموقر يمكن استهلكت اعلى من الـ 1 قيقا ..!!

قلت له نزلت من النت بحدود 900 ميقا وحدود الشريحه 1 قيقا يعني حتى لو زودت ولو 1 بايت المفروض يفصل ..!!

شي مو معقول وافكر وش الحل معهم الآن

[ابوعمار]

انا عندي موبايلي كونكت 1 قيقا

الشريحه ماطلعها نهائي من الكونكت ... المهم

سددت 240 قبل اسبوعين 200 = شهرين للانرتنت + 40 = شهرين رسوم

المهم نهاية الشهر الميلادي الماضي شهر 5 فصلوه

اتصل عليم يقول النظام مافيه شي انتظر الفاتورة تصدر

دخلت على حسابي بموقعهم لقيت الفاتورة 697 وكسور ..!.!!

انا مدري هم يستهبلون والا وش يحسون فيه ؟؟

يقول الموظف الموقر يمكن استهلكت اعلى من الـ 1 قيقا ..!!

قلت له نزلت من النت بحدود 900 ميقا وحدود الشريحه 1 قيقا يعني حتى لو زودت ولو 1 بايت المفروض يفصل ..!!

شي مو معقول وافكر وش الحل معهم الآن

والله لازم نشوف حد لهم لان بكذا صاير استنزاف وانا متأكد لو الموضوع تثبت راح تشوف العجب العجاب من موبالي وافعالها


ياتري وش الحل

[مغرور]

ياخي شلون هيئة الاتصالات تحاسبهم بالعقل
السيستم حقهم الخربان هذا يلبعون في ابوه لعب

تخيل كم عميل عند موبيالي
قل اقل شي 2 مليون او 3 مليون عميل


بضغطة زر بالسييستم يقدر يسحب من كل عميل قل لو انت محسب النيه ريال ريال واحد فقط
كام جاه 3 مليون ريال

فما بالك لو خصص موظفين يحطوا اشياء وهمية بالفاتورة في النص بحيث ان العميل مسكين مايدري وش الطبخة

والله يااخوان المفروض يكون هناك مراقبه

كنت موظف بموبايلي وبالفتره الي كنت فيها عرفت فيها تقريبا كل صغيره وكبيره عن النظام

النظام فيه ضعف وما في نظام كامل بأي شركه محليه او عالميه لكن مافيه اي شي مثل التفكير هذا وتوظيف ناس بتغيير الحسابات وغيرها من اضافه او تغيير بنص الشهر لأن كل هذا يتم آليا ومن حق اي عميل يعترض على فاتورته باي وقت وببلاش ايضا

وللعلم النظام هذا محمي بأنضمه ثانيه وتحت مراقبه من هيئة الاتصالات يعني المسأله لو كانت كذا كان ارباح الشركه وصلت الى 900 ضعف بكل سنه وبدون حسيب ولا رقيب

النقطه الاهم ان اكثر من 99% من الاشكاليات تحصل بسبب عدم المام العميل بسياسة الاستخدام وكيفية الحساب

يا جماعه ليه كل ما نزل عرض واعلان دربينا روسنا واشتركنا ولا شرينا وحنا ما نسأل عن تفاصيله
بعض عملاء الشركات يجي ويسأل عن تفاصيل نفس الموظف ما يتوقعها ولا يدري عنها احيانا ويضطر انه يسأل وهذا من حق العميل وغصب على الموظف يشرح له وينوره

لكن الي يجي وابي اشتراك وهو حتى الاتصال مستعين فيه بمحل كمبيوترات وما عرف الا يضغط انتر ويشبك معه تتوقعون هذا صح ؟؟

طبعا انا ما اقول هذا عشان اقول انه مافي اخطاء تصير والمفترض ان اي واحد ما يسكت عليها بالعكس لكن كلامي عشان نوصل لمرحله اننا نبحث ونتوعى قبل لا نقبل على اي شي بعد كذا نقدر نحاجج اي جهه لأننا نملك المعلومات الكامله والصحيحه حول المنتج الي نستخدمه

[ابوعمار]

اخي مغرور

انا ما تكلم على العروض او غيره

ياخي الفاضل فيه غبن بالفواتير ودس اشياء ماهي واضحة شف الصورة الي فوق حقت موبالي على الهواء لا انا اعرف كيف استخدم موبالي على الهوا ولا عمري استخدمتها يقوم الاقي 89 ريال مخصومة من الحساب

فضلا عن انواع القصص الي اسمعها من اصحابي عن التخلف الي صاير

مثل واحد مشترك بموبالي كونكنت طبعا ما جاه رسالة تفعيل طبعا هو يعرف انه اذا ما وصلته رسالة تفعيل راح يحسب عليه ال ميجا بريالين المهم استخدم الاشتراك وما وصلت رسالة التفعيل استخدمه كمتصفح ما حمل مدة يوم جا اليوم الثاني و الا محصل الاشتراك واقف كلم الموظف قاله انت استهلكت 750 ميجا من الكونكنت وان خلاص رصيدك حق المفتوح بح

قاله شلون ياخي بالعقل او بالجنان انا استخدمت االاشترك تصفح فقط ما حملت ولا شي قاله هذا الي قدامي

ظلم عيني عينك ولا احد قادر يدافع عن حقه

[bArHoMi]

انا شريحتي من الإتصالات ..
كيف أطلع قائمة الأشياء الي انا مشترك فيها؟

[عبادي القرني]

يا رجال والله كلهم نصابين

سواء موبايلي أو الاتصالات

الكل يتفنن في نزف العميل

[مغرور]

اخي مغرور

انا ما تكلم على العروض او غيره

ياخي الفاضل فيه غبن بالفواتير ودس اشياء ماهي واضحة شف الصورة الي فوق حقت موبالي على الهواء لا انا اعرف كيف استخدم موبالي على الهوا ولا عمري استخدمتها يقوم الاقي 89 ريال مخصومة من الحساب

فضلا عن انواع القصص الي اسمعها من اصحابي عن التخلف الي صاير

مثل واحد مشترك بموبالي كونكنت طبعا ما جاه رسالة تفعيل طبعا هو يعرف انه اذا ما وصلته رسالة تفعيل راح يحسب عليه ال ميجا بريالين المهم استخدم الاشتراك وما وصلت رسالة التفعيل استخدمه كمتصفح ما حمل مدة يوم جا اليوم الثاني و الا محصل الاشتراك واقف كلم الموظف قاله انت استهلكت 750 ميجا من الكونكنت وان خلاص رصيدك حق المفتوح بح

قاله شلون ياخي بالعقل او بالجنان انا استخدمت االاشترك تصفح فقط ما حملت ولا شي قاله هذا الي قدامي

ظلم عيني عينك ولا احد قادر يدافع عن حقه

بو عمار انا ما اختلف معك كلامك صحيح لكن انت تقول الان ما تعرف حتى استخدام موبايلي على الهوا هذ خدمة الواب الموجوده بالموبايل يعني مجرد ما تضغط صفر خمس ثواني بتفتح لك موبايلي على الهوا هذي شغله

الشغله الثانيه من حقك تطلب توضيح كامل وهم غصب عليهم يعطونك تفاصيل كامله للي صار

عشان أككد لك شغله اخوي بو عامر ووالله اقولها للأمانه وبدون اي مبالغه

اخطاء النظام في قسم خاص يعرفها ويعوض العميل مجرد ما يبلغ عنها وهنا المشكله ان النظام ما يكتشف الاخطاء بنفسه بل لما يبلغ العميل عن مشكله يتم العوده للنظام والتأكد من التفاصيل

انا حدث معي تفعيل 4 خدمات سابقا عن طريق الخطأ ودون طلب مني ولا تدخل ورفعت فيها طلب وتم التأكد وتعويضي عليها وبنفس الوقت تم تفعيل باقة الانترنت 1 جيجا على رقم اهلي الي هو بأسمي مع انهم ما يستخدمون الانترنت عن طريق الجوال نهائيا ورفعت فيها طلب وتم التأكيد لي اني انا من فعلها عن طريق الجوال ولما بحثت لقيت ان اخوي الصغير فعلها عن طريق الرد الألي بالخطأ

بخصوص الاستخدام هناك حلقه ضايعه اخوي بو عامر ربما وخلني اوضحها

نقول ان صاحبك شحن بمبلغ 350 ريال وما وصلته رسالة التفعيل ؟؟؟

المفروض يتصل ويطلب التفعيل وما يستخدم نهائيا لين ما توصله الرساله او يأكد له الموظف انها تفعلت ,,,, اذن ( عدم المام بسياسة الاستخدام )

طيب الي صار استخدمها صاحبك وبلغوه بإستهلاك 750 ميجا ؟؟؟؟ هنا سؤال

مو من حق صاحبك يستخدم الكميه هذي اساسا على حسابه لأنها بحسبه بسيطه

750 ميجا *2.48 = 1860 ريال ( صاحبك ما في رصيده اصلا هالمبلغ صح ) ؟

طيب ليه رصيد صاحبك فارغ اجل ؟

لانه استخدمها بدون تفعيل الباقه والاستخدام خارج الباقه يحسب كالتالي

350 ريال ÷ 2.48 = 141.2 ميجا ( استخدام طبيعي جدا لمدة ساعتين الى 3 ساعات كحد اقصى )

طبعا انا ردي بناء على الي ذكرته انت وماهو بدخول بالتفاصيل لاني ما اعرفها

( 1 جيجا داخل الباقه = 100 ريال ) ( 1 جيجا استخدام عادي = 1048 ريال ) لاحظ الفرق

للعلم كلامي ( الوعي بحقوقك كعميل والتزامك تجاه الشركه يجنبك امور جدا كثيره ويخليك توفر فوق ما تتصوره ومافي فرق بين العميل الي فاتورته 300 ريال وبين العميل الي فاتورته 2000 ريال مقدار الاستهلاك والكثير من الالمام بالمعلومات )

لا احد يقول اني ادافع لأني والله اليوم الصباح رافع شكوى من سوء الخدمه وعندي هم مشكله ما انحلت الى الآن لكن كلامي واعيد واكرر لأن صدقني لو العميل ما خاف على مصلحته مافي اي شركه بتخاف عليها ولا بتهتم لها من الاساس

والله يعينكم