هل الـ DNS يمشي بالترتيب في حال التوقف ؟ يعني ns1 ثم ns2 ؟؟

[elamaken]

السلام عليكم ورحمة الله وبركاته
أسعد الله صباحكم بكل خير

الآن وعند تعديل الـ DNS الخاص بالدومين .. هناك حقول متعددة كالتالي:
Name server1
Name server2
Name server3
Name server4
وهكذا .. أقدر أزيد من عندي

الآن ودي أعرف بس .. هل الدومين يمشي بالترتيب على هذه الأسماء ؟؟ يعني ياخذها من رقم واحد وإذا كان متوقف أو عطلان يروح لرقم ثنين وهكذا ؟؟ أم أنه بشكل عشوائي ؟؟
لأني كتبت فيه :
ns1.blablabla.com
ns2.blablabla.com
ns1.example.com
ns2.example.com
بس بعد ما حفظت الصفحة تغير الترتيب يعني صار الترتيب تقريباً كالتالي

ns1.blablabla.com
ns2.example.com
ns2.blablabla.com
ns1.example.com

فما أدري وش السبب .. أهم شي ودي أعرف هل هو يمشي بالترتيب مثل ماقلت ولاّ بشكل عشوائي ؟؟


وألف شكر للجميع

[سورية]

99 بالمية بالترتيب لانه و مو بالترتيب كان سوا مشاكل بالسشن للمواقع الكبيرة
والله اعلم

[IrIsH]

الخوارزمية الافتراضية تقول بالترتيب

بس تقدر ترتب حسب مافي بالك (اذا كنت خبير رتب حسب اعدادات معينة في بالك) اما اذا ماتعرف الفائدة من الترتيب او اي شي ثاني رتب بشكل 1-2-3 .. افضل لك

[elamaken]

سوري يالغالين على التأخر في الرد

طيب حلو أنا عندي كم DNS وأبيهم بالأولوية .. ودوميناتي عند شركة Enom بس رتبتها بالأرقام وأول ما أسوي حفظ على طول يتغير الترتيب .. قلت مو مشكلة
بس للأسف الآن بعض الشباب في بعض المناطق يشبكهم على آخر واحد وبعضهم على الثالث وبعضهم على الأول

فهل أنتم متأكدين أنه يمشي بالترتيب ؟؟
يعني هل المشكلة من شركة Enom ؟؟ ولو كانت دوميناتي عند شركة ثانية هل راح ترتبهم بالشكل المطلوب ؟
إذا فيه أحد عند Goddady ياليت يجرب ويحط خمس DNS ويشوف هل راح تتلخبط على طول ولاّ لا ؟؟ وأكون شاكر له

وألف شكر لكم يالغالين على ردودكم الحلوة

[ishell4fun]

سوري يالغالين على التأخر في الرد

فهل أنتم متأكدين أنه يمشي بالترتيب ؟؟

في DNS بشكل عام، ما يمشي على الترتيب، يمشي على مين البرايمري - الرئيسي - ومين السكندري - الثانوي -.

لما كل سيرفرات الـDNS الرئيسية تطيح، وقتها يروح للثانوي.

[quote=elamaken;1892432]
طيب حلو أنا عندي كم DNS وأبيهم بالأولوية .. ودوميناتي عند شركة Enom بس رتبتها بالأرقام وأول ما أسوي حفظ على طول يتغير الترتيب .. قلت مو مشكلة
بس للأسف الآن بعض الشباب في بعض المناطق يشبكهم على آخر واحد وبعضهم على الثالث وبعضهم على الأول
[quote/]

فكرة " المستخدم 1 يروح لDNS الأول والمستخدم 2 يروح ل DNS الثاني " هذي تتم عن طريق المستخدم نفسه، مو عن طريقك.

خلني أوضح لك الفكرة عشان تفهمها زين، إنت الحين لما تسجل الدومين وتقوله هذي هي سيرفرات الدي أن أس، السيرفر راح يبلغ سيرفرات الدي إن أس الثانية إنه فيه دومين جديد، وتبدأ السيرفرات الثانية تأخذ معلومات عن هالدومين، و أيش الأي بي حقه عشان توفره لمستخدمي سيرفرهم.
وقتها (لما أي مستخدم يطلب موقعك)، ما يروح مزود الخدمة حقك ( لسيرفر الدي أن أس الخاص بموقعك ويرجع من جديد عشان يحضر الأي بي )، لأنه يمكن يكون مخزن cached عنده، وعلى طول راح يرد على المستخدم، والعكس صحيح لما ما يكون مخزن cached.

إذا كنت تبغى الشباب يشبكون على سيرفراتك على طول، خلهم يعدلون إعدادت الدي إن أس الخاصة بالشبكة حقتهم او على أجهزتهم، ويكتبون الأي بيات حقت سيرفرات موقعك.

مثلاً في أنظمة لينكس ويونكس الشخصية، كذا انا راح أحدد ( أولوية ) الدي أن أس ومين اللي يرد علي أول:

echo -e "nameserver 12.34.56.78\nnameserver 21.43.65.87" >> /etc/hosts

اول سيرفر راح يرد علي هو:
12.34.56.78

اما في ويندوز، فتلاقيها في إعدادت الشبكة.

[elamaken]

ياسلام عليك يالغالي .. كلام كبير والله

طيب كيف أحدد البرايمري والسكندري ؟؟
هل هي عند طريق إدخالها بالترتيب .؟؟ سويتها بس أقول لك تلخبطت على طول بعد ماسويت إرسال للفورم

بالعربي .. أنا عندي موقع على السيرفر رقم 1 والـ DNS اللي يودي للسيرفر رقم 1
ns1.example.com
ns2.example.com

أبغي إذا طاحت كل الثنين هذي يروح للسيرفر رقم 2 على الـ DNS هذي:
ns1.blablabla.com
ns2.blablabla.com
ويكون فيها ملفات أخرى غير الملفات اللي موجودة على السيرفر الأول .. مثلاً تقل بعض خيارات الموقع والخدمات اللي فيه ..

بس اللي صاير معي الآن .. أني حاط للسيرفر رقم 1 أربعة DNS والسيرفر رقم 2 حاط له 2 DNS ومع ذلك يودي بعض الزوار للسيرفر رقم 2 ورقم 1 بكيفه بدون مايطيح السيرفر .. ما أدري وش السبب .. لأن فيه موقع ثاني على نفس السيرفر يكون شغال مضبوط .. بس هذا الموقع بالذات رايح للسيرفر رقم 2

والموضوع ماوقف على الشباب بس .. المطلوب أن كل الزوار يروحون بدون توجيه يدوي

طيب هل المشكلة من Enom لأنه يلخبط الـ DNS من أول ما أسوي إرسال للفورم ؟؟

السالفة ملخبطة شوي .. الله يعطيك ألف عافية على الرد الوافي

[ishell4fun]

طيب كيف أحدد البرايمري والسكندري ؟؟
هل هي عند طريق إدخالها بالترتيب .؟؟ سويتها بس أقول لك تلخبطت على طول بعد ماسويت إرسال للفورم

هالشيء وانا أخوك لازم ترجع للشركة فيه، كيف تحدد البرايمري وكيف تحدد السكندري، ماعندي خلفة عن إينوم.

ويكون فيها ملفات أخرى غير الملفات اللي موجودة على السيرفر الأول .. مثلاً تقل بعض خيارات الموقع والخدمات اللي فيه ..

وش علاقة الملفات بالدي إن أس؟ مافيه ترابط!

عندي لك حل، أكتب مشكلتك بالكامل اللي مواجهتك، وإن شاء الله نشوف حلها بدون هالزحمة اللي فوق

[elamaken]

هلابك يالغالي
أدري أتعبتك .. وانت ماقصرت وضحت كل شي

السالفة كلها .. أن موقعي إذا طاح ما ودي تطلع صفحة Service error أو DNS Error يعني الرسائل اللي تطلع إذا كان الموقع طايح
أنا ودي تطلع صفحة بسيطة .. مكتوب فيها إعتذار .. متى ماطاح الموقع تطلع هذي الصفحة وهي على سيرفر ثاني .. بس عشان يدري الزائر أن الموقع موجود .. لعل وعسى يكرر الزيارة .. بس أهم شي مايشوف الرسائل العادية ثم يحسب الموقع غير موجود أو أن الرابط خطأ ..
فهمت السالفة ؟؟

وراح أراسل إينوم عن مشكلة الترتيب هذي ..
ألف شكر لك على اهتمامك يالغالي ..!

أطيب تحية ،،

[3thome.net]

فكرة جوهرية واتمنى من الاخوة يشوفون لك حل

تخيلوا معاي موقع كبير يقفل بسبب مشكله بالسيرفر

يقوم واحد نصاب ويذيع اشاعه انه هو الي اخترق الموقع

يقوم عشر مواقع تنشر اشاعة الهكر

يظطر الموقع بعد حل المشكلة لنفي الشائعه !!

لو فيه حل كذا كان ارتاحنا والله

انا من رايي تدرس سالفة ال off site dns

لانها اسرع شي باعادة توجيه الدي ان اس في حالة اغلاق الموقع او وجود عطل لاسمح الله :nice: