برجاء المساعدة بخصوص شركة تي اي داتا Te-Data

[محمد كيوان]

السلام عليكم ورحمة الله وبركاته

دلوقت يا شباب انا عاوز اجيب خط من شركة تي اي داتا
بس الشركه بيقولولنا ان البلد مقفوله
و علشان اخد منهم لازم اخد من الموزع بتاعهم عندنا
طبعا الموزع الخط بيرفع ثمنه مره و نص
يعني 512 المفروض 90 جنيه مصري ... هيعطيهولنا بـ 140 تقريبا ..

بس انا سمعت ان ممكن اجيب من الشركه علطول و ان النظام ده غير شرعي ..
يا ريت لو حد عنده معلومات لن تعبت من الشركة العربيه الله يحرقها ..:court::court:

[moh_elferg]

السلام عليكم
انا ليه مية واربعين
هو هينهب
قبل اخم عندنا كان علي 115 علي ما اعتقد
مش عارف 512 ولا واحد ميجا
بس اعتقد 512
واحنا من المنيا
يعني مش تبع التي داتا علي طول
واحد واخد التوكيل
بالنسبة للشركة
هتكلم واحد في الشركة
هتلاقيه محترم معاك جدا
وهيقلك هديك الخط ب 90
طبعا هتفرح
بس اول ما هيخلص معاك هيتصل بالموزع
وهيتكلم معاه
وفي الاخر لو علي 140 مش هينفع تاخده غير ب 140
والشركة ملهاش حق في اي حاجة خالص خالص خالص
دا حتي ممكن يرفع عليهم قضيه لانه عامل عقد معاهم
..
سؤوال
هو انت من اصل ايه ؟

[محمد كيوان]

حاسس ان مش مستوعب تناسق الكلام شوية << يمكن بسبب اني جاي من امتحان !!

انا من المنصورة يا غالي

[trialless]

+
انا ايضا من المنصورة

بس مشكلتى انى مقدم على خط من شهر ونص

ولسه لحد الوقتى مركبش و اتصل بيهم يرموها على السنترال ويقولك بنجدد البن ات

[mr_m]

روح للشركة في المنصورة عادي وقول لهم انك عاوز تشترك معاهم

والشركة حاليا زيها زي أي موزع يعني لك الحرية تاخد من اللي يعجبك . ولو أصريت انك تاخد منهم مباشرة هيوافقوا
وهيعطوك ايضا ورقة مطبوعة لبيانات حسابهم في البنك الاهلي علشان لو حبيت تدفع من غير ما تروح للفرع وده اللي حصل معايا.


لكن اذا حصل في خطك عطل من عند السنترال

- لو مشترك معاهم مباشرة الدعم الفني هتكلمهم 9 مكالمات على الاقل وكل مكالمة موظف الدعم هيعطيك حجة شكل او طريقة شكل
وفي الاخر هينزلوا مهندس للسنترال والوقت المقدر لنزول حضرته هو 5 ايام

- لو مشترك مع موزع فاهم يبقا هيحب يحافظ عليك وطبعا مش هيتهرب منك لأنك بتكلمه وجها لوجه
وفي حالة العطل بيكون معظم الموزعين مظبطين مع موظفين السنترال والمشكلة بتتحل بينهم وبين بعض في خلال يوم

--

وبخصوص التأخر في التركيب بيكون ناتج هن اهمال الشركة لأن مفيش اي slots يركبوا فيها الكارت بتاعك
وأيضا في بعض سنترالات ممكن تاخد 512 والداونلود بيكون 3 كيلو لأن السرعة المخصصة له قليلة والشركة مش عاوزة تزودها.

--

أيضا لما الشركة ضاعفت السرعة فالمفروض تضاعف السرعة الأساسية اللي داخلة للسنترال أو تزودها لكن ده محصلش في معظم الاماكن في مصر.

[محمد كيوان]

طب الكلام ده معناه ايه :-s افضل زي ما انا .. ؟ و الله انا فكرت اجيب خط فودافون usb و اريح نفسي ..

[mo2men]

يا شباب انا من المنصوره وعاوز اجيب 512 ما te

قلقتونى

اجيب ولا لاء ولا افضل فى الوصله (:

[mr_m]

elalbab ممكن تعمل حركة ظريفة انك تروح للموزع وتقول له انك عاوز الخط ب90 أو هتروح تاخد من الشركة دايركت

بنسبة 80% هيوافق لأنه لو حسبها لك ب90 هيكون كسبان.

لو مرضاش شوف السنترال اللي انتا تبعه لو مش فيه مشاكل خد من الشركة ولو فيه مشاكل يبقا الافضل انك تاخد من الموزع وامرك لله.

لكن انصحك تبعد عن خط فودافون لأنه مكلف بالاضافة انه ليمتد وسريع يعني الباندويدث هيخلص ومش هتلاحظه.


mo2men انا كنت اخد وصلة لكن كانت غير مناسبة واخدت خط عادي من حوالي سنتين .
لو عندك الداونلود مقبول ومفيش حد بيقطع عليك فالاحسن تستمر
لكن اذا كان على العكس يبقا شوفلك خط افضل وفي النهاية القرار يرجع لك طبعا.

[محمد كيوان]

بص بالنسبه للموزع فـ ممكن تقول انه اصلا مبيعرفش عربي علشان يعرف انجليزي
من الآخر واخدها تجاره و هو حمار مبيفهمش فـ اكيد مش هيرضي غير كدا مبحبش اعامل الناس الي زي دي
قعدت معاه مرة و تفكيره رجعي جداا ..

بالنسبه لمشاكل السنترال زي ايه . ؟

فودافون واحد صاحبي كان معاه الخط ده و نزل ملفات كتير و بيقول لي انه مش ليمتيد

[mr_m]

على فكرة الناس اللي زي ده سهل جدا تاخد منه اللي انتا عاوزه بس لو عرفت مدخله. لكن لو الامر صعب يبقا تاخد من الشركة دايركت لأن الضرر هيكون اكبر من المنفعة

بالنسبة للاعطال اللي ممكن تحصل ودي بتحصل بكثرة في السنتراات الغير رئيسية

- انقطاع الحرارة من التليفون وانقطاع الadsl ودي اسمها line down
- الحرارة واصلة عادي لكن الadsl مش منور ودي اسمها data down تقريبا

والمشكلتين بيمثلوا اغلب الاعطال اللي ممكنة و ناتجين عن كابل انفصل نتيجة اهمال الناس في السنترال اثناء تركيب خط جديد مثلا
لكن المنطقة بتاعت المعدات الخاصة بكل شركة مينفعش يوصل لها الا موظفين معينين فقط علشان كدة الموزع بيظبط معاهم بدل ما ينتظر الباشمهندس اللي بينزل من te data علشان يوصل لك السلك .

* في حالات تانية لكن نادرة الحدوث ودي مثلا ان كارت التليفون اتحرق او كدة وهنا وقت حل المشكلة مش هيختلف كتير.


وممكن توصل لأبعد من حل المشاكل لأني مثلا كنت مشترك ايجي نت و قلت للموزع اني عاوز اوصل تي اي داتا
المعروف اني في الحالة دي انه يعمل لي cancellation في خلال 3 اسابيع بعدها يقدم لي تي اي داتا ودي بتاخد من 2-3 اسابيع
يعني اكون بدون نت لمدة 5 اسابيع على الاقل وده كارثة في الشغل.
لكن هوا وصلني على تي اي داتا وعطاني يوزر وباسورد كل ده في 4 ايام في مقابل 50ج بس.


واللي اعرفه عن فودافون اني لما سألت الموظف قال لي على ما اذكر ان الخط ليمتيد 2جيجا وبعدها السرعة تقل جدا وبتتحاسب على الزيادة
لكن لم أهتم لان الترافيك عندي 35 جيجا على الاقل!

[كارم ابراهيم]

منصورة ايه الى مش فيها خطوط تى داتا !

من امتى ده .. وعموما لو فى مشاكل هات اتصالات usb شغال معايا تمام هو فى ليمت 6 جيجا وبيقلل السرعة بس

بتفضل شغال عادي وعايش حياتك وزى الفل فى كل مكان معايا

[محمد حلمي]

انت منين من المنصوره !!

[محب الله ورسوله]

والله أخي مشكلة تي داتا مشكلة
يعني لو حدث لديك عطل فستجد الأمر شاق جدا بعكس الوكيل فهو يمكنك الذهاب له وعمل شكله معه لتحصل علي حقك سريعاً ( أتحدث هنا لو لم تكن في مدينة المنصورة نفسها ولكن كنت في أماكن أخري تابعه )

المشكلة ان الوكلاء نصابين قليلاً ويتلاعبوا بالأسعار
ولا أنصحك بالعربية مطلقاً
جرب تذهب لشركة أسمها إيجيبت نتورك موجودة في طلخا

الله يوفقك أخي
ولو لديكم لنك جربها أولاً فهي شركة جيدة

[محمد كيوان]

على فكرة الناس اللي زي ده سهل جدا تاخد منه اللي انتا عاوزه بس لو عرفت مدخله. لكن لو الامر صعب يبقا تاخد من الشركة دايركت لأن الضرر هيكون اكبر من المنفعة

بالنسبة للاعطال اللي ممكن تحصل ودي بتحصل بكثرة في السنتراات الغير رئيسية

- انقطاع الحرارة من التليفون وانقطاع الadsl ودي اسمها line down
- الحرارة واصلة عادي لكن الadsl مش منور ودي اسمها data down تقريبا

والمشكلتين بيمثلوا اغلب الاعطال اللي ممكنة و ناتجين عن كابل انفصل نتيجة اهمال الناس في السنترال اثناء تركيب خط جديد مثلا
لكن المنطقة بتاعت المعدات الخاصة بكل شركة مينفعش يوصل لها الا موظفين معينين فقط علشان كدة الموزع بيظبط معاهم بدل ما ينتظر الباشمهندس اللي بينزل من te data علشان يوصل لك السلك .

* في حالات تانية لكن نادرة الحدوث ودي مثلا ان كارت التليفون اتحرق او كدة وهنا وقت حل المشكلة مش هيختلف كتير.


وممكن توصل لأبعد من حل المشاكل لأني مثلا كنت مشترك ايجي نت و قلت للموزع اني عاوز اوصل تي اي داتا
المعروف اني في الحالة دي انه يعمل لي cancellation في خلال 3 اسابيع بعدها يقدم لي تي اي داتا ودي بتاخد من 2-3 اسابيع
يعني اكون بدون نت لمدة 5 اسابيع على الاقل وده كارثة في الشغل.
لكن هوا وصلني على تي اي داتا وعطاني يوزر وباسورد كل ده في 4 ايام في مقابل 50ج بس.


واللي اعرفه عن فودافون اني لما سألت الموظف قال لي على ما اذكر ان الخط ليمتيد 2جيجا وبعدها السرعة تقل جدا وبتتحاسب على الزيادة
لكن لم أهتم لان الترافيك عندي 35 جيجا على الاقل!

شِكرا لك يا غالي علي هذه المعلومات و النقاش
بس بالنسبه للانقطاعات اعتقد هيتساوي فيها ان كنت واخد من العربيه او تي داتا او اي شركة تانيه ...


بالنسبه لخط فودافون مش فاهم كويس ايه النظام .. او اسلوب الحساب بتاعهم و السرعات هو او اتصالات ...
شبكة اتصالات و فودافون عندي تمام .. لأن في ابراج قريبه جدا مني ..

منصورة ايه الى مش فيها خطوط تى داتا !

من امتى ده .. وعموما لو فى مشاكل هات اتصالات usb شغال معايا تمام هو فى ليمت 6 جيجا وبيقلل السرعة بس

بتفضل شغال عادي وعايش حياتك وزى الفل فى كل مكان معايا

مين قال ان تي داتا مش في المنصوره
المشكله عندي في البلد الي انا فيها .. مش فاهم نظام غريب كدا ..

بس انا بعتلك رساله بريديه علشان توضحي نظام المحاسبه بتاع اتصالات او نظامهم ازاي و يالسرعات .. ممكن ترد علي :$

...

والله أخي مشكلة تي داتا مشكلة
يعني لو حدث لديك عطل فستجد الأمر شاق جدا بعكس الوكيل فهو يمكنك الذهاب له وعمل شكله معه لتحصل علي حقك سريعاً ( أتحدث هنا لو لم تكن في مدينة المنصورة نفسها ولكن كنت في أماكن أخري تابعه )

المشكلة ان الوكلاء نصابين قليلاً ويتلاعبوا بالأسعار
ولا أنصحك بالعربية مطلقاً
جرب تذهب لشركة أسمها إيجيبت نتورك موجودة في طلخا

الله يوفقك أخي
ولو لديكم لنك جربها أولاً فهي شركة جيدة

اممممممممممممممممممم
شكرا لك يا غالي ..
بالنسبه للعربيه عندهم بنت جابتلي شلل بتتكلم و بترد علي نفسها
لسه مزعقلها النهارده << اسكتي شوية خليني اتكلم ايه القرف ده

بس المشكله الاساسيه ان الشركات المتاحه قدامي
العربية او تي داتا
و تي داتا نظام الاحتكار الغريب و لازم اعمل مشاكل مع الشركه تقريبا علشان اخد او معرفش النظام ازاي و ده سبب اني كتبت الموضوع ..

او غير كدا الانترنت USb ..

مشكلة الوكيل عندي انه بكل معني الكلمه " حمار "
مبيعرفش حتي يعمل كونفجريشن لراوتر ....

و النت ممكن يفصل اسبوعين و يكسل يكلم الشركه ..

[محمد كيوان]

شكرا لكم جميعا اخواني .. علي المساعده
و اتمني اوصل لحل قبل يوم 25 .. علشان الحق اجدد مع شركه ؛ مع العلم انا ممكن اجدد مع تي داتا مثلا برقم جديد علشان النت ميفصلش عندي ..