ماستر كارد مسبقة الدفع

[صحراء]

بسم الله الرحمن الرحيم
السلام عليكم

حبيت نناقش بخصوص الماستر كارد مسبقة الدفع
لان صراحة الواحد مل يدور ناس تسدد له من بطاقاتهم

اول شئ انا سمعت هالخدمة يقدمها البنك الاهلي حاب اعرف في بنوك يقدمونها غيره ?
سمعت الراجحي عنده بطاقات شراء انترنت مسبقة الدفع اللي يعرف فيها شئ ياليت يفيدنا

والبطاقة اشوف فيها امان لانها مسبقة الدفع غير مربوطة بالحاسب
لكن سمعت قبل فترة في ناس يتكلمون ان الرصيد كان بالسالب يعني -1000 ويوم شحن مثلا بـ 2000 صار رصيده 1000 يعني معقول يكون الحساب بالسالب وهي مسبقة الدفع ?

وياليت نشوف افضل بنك سعودي يقدم الخدمة + الرسوم حق البطاقة

[majed54]

الاهلي بدون منازع من افضل الخدمات
لسهولة التعامل معها وبامكانك شحنها اون لاين بالتحويل من الحساب الجاري

الراجحي ماجربتها بس اعتقد ماتجي مثل مميزات البنك الاهلي

عيوب البنك الاهلي :
اذا فتحت حساب ماتستلم بطاقة الصراف مباشره ( تنتظر اسبوعين او اكثر على ماتوصل على البريد وبعد ماتوصل تروح الفرع عشان تفعلها مو مثل البنوك الثانيه تخرج من البنك والبطاقه معاك وامورك منتهيه )
ونفس الوضع مع الماستر كارد
كذلك تفعيل الهاتف المصرفي تروح البنك عشان تفعله اول مره

مع الخدمات المميزه اللي يقدمها البنك الاهلي لكن هذي العيوب تخليك تحس ان البنك مغبر لأنها من اسهل الخدمات المقدمه في كل البنوك

[عادل الظفيري]

بطاقه الاهلي اضطريت اني اطلبها يوم السبت الي فات بسبب الفيزا القديمه


طبعا طلبت من الفرع يسرعون شوي قالو طيب قالو نرسلها لك بالبريد قلت لا تبي تنقعونا اسبوع قالو فيه دي اج ال تدفع 35 ريال قلت ماشي ارسلوها عليه

مرت خمس ايام اتصل في البنك يقول لسا ما جا الطلب يبي لك اسبوع بعد

وما اتوقع فيه فيزا مسبقه الدفع غير الي في الاهلي

الراجحي فيه فيزا للأنترنت ولكنها فرعيه للفيزا العاديه يعطونك لها لمت منخفض بس

[صحراء]

بس انا سمعت بمشكلة السالب في بنك الاهلي شف اكثر من شخص حصلت له المشكلة
غريبه صراحة اسبوعين بطاقة البنك باقي البنوك يطلعونها بثواني

شفت في اكثر من موقع يقدم بطاقات مسبقة الدفع هل تغني عن الماستر كارد ?

الراجحي لازم تكون عندي فيزا علشان اطلع بطاقة انترنت >_<
طيب الفيزا انا سمعت لازم تكون موظف علشان تطلعها يعني لك راتب شهري هل صحيح هالكلام
وكم رسوم الفيزا اذا لها رسوم ?

الحلو ببطاقة الاهلي سمعت انك تقدر تطلعها بدون مايكون لك حساب ولا كلامي غلط
بس فترة اسبوعين وزيادة طويلة صراحة

ومشكور majed54 , Jealous

[بدر شفاقة]

انا مطلع ماستر كارد الاهلي مسبقة الدفع

المطلوب
1- فتح حساب بالبنك الاهلي ( عشان اذا تبي تشحن الماستر كارد تشحنها عن طريق الاهلي اون لاين تدخل على حسابك وتسوي تحويل من حسابك لـ حساب الماستر كارد وتشوف كم فيها وتفاصيل عمليتها من الاهلي اون لاين )
2- تقدم طلب وتدفع رسومها السنوية 100 ريال وتجيك مدتها 3 سنوات وكل سنه يخصمون 100 ريال الرسوم
3- تدفع 100 ريال شحن رصيد فيها وتشتري من خلال الانترنت

وسالفة السالب فيه بعض الاخوان صارة معهم مثل الاخ سلطان المالكي
لكن لو جاك سالب منت ملزوم تدفع لانها مثل جوال الشحن ما يكلم الا بالرصيد الي تحطه انت ( ادري مثال ماله داعي لان مرات يخلونك تكلم بدون رصيد ويسحبونه بعدين )

فا نصيحه قدم عليها من اي بنك


ولك تحياتي
بدر

[صحراء]

مشكور يالمجرات على هالمعلومات الطيبه

لكن حابين نعرف ايش افضل بنك يقدم هالخدمة مااتوقع الخدمة بس يقدمها الاهلي
مو شرط بنك لاني شفت في بطاقات تباع في جرير مثل كاش يو بس اتوقع وقفوها مثل ماسمعت
يعني نبي افضل طريقة واسرعه طريقه للتعامل مع الانترنت
لان صراحة الماستر كارد تبع الاهلي بيجلس اسبوعين مثل ماذكر majed وبعدها تفعيل يعني سالفه

بعدين لو بشتري مثلا من جودادي لازم اربطها بالـ paypal ولا اقدر استخدم الماستر كارد في الدفع مباشرة
لاني سمعت في مواقع اجنبية مانعه التعامل من السعودية مثل ماذكر الاخوان البالتوك كمثال

[صحراء]

طيب لو جاني سالب اكسر البطاقة وااخذ بطاقه جديده !!
لان اذا عبيتها بنخصم من المبلغ هنا المشكلة

بكل مرة يجي سالب بنكسر صعبه

[بدر شفاقة]

حالياً الخدمه ما يقدمها الا البنك الاهلي وفيه بطاقات كاش يو وغيرها بس مهو مثل الاهلي بالثقه والتعامل الاهلي تقدر تسحب فيها بالصرافه عادي وتشتري فيها باي مكان وتاخذ الخدمات المقدمه لاصاحب بطاقات الفيزا والماستر كارد كامله

بالنسبه لـ قودادي عادي
انا البطاقه الي عندي اشتريت فيها يعني دومينات من , نيم و اينوم و قودادي , وحجزة فيها تذاكر طيران وعطيتها واحد من اصدقاي فيز فيها ايميلات وتعشيت فيها بمطعم ستيك هاوس

طبعاً بالنسبه لـ البي بال عيبهم انهم اغلب من شخص معطينهم بلوك لان كنت اشحن الرصيد و اشتري تراخيص منتديات بشكل عادي لكن صار علي بلوك و انحلت المشكله بعد ما ارسلت صورة جوازري + صورة البطاقه


نصيحة اخ اذا تبي بطاقة تشتري فيها بالنت وغيرهـ لا تخاطر بنفسك بموضوع كاش يو وغيره
ماستر كارد الاهلي المدفوعه خدمة من بنك معتمد وكانك مطلع منهم فيزا بس الي تبي تشتريه تشحنها


وبالنسبه لـ السالب انا الى الان ما صارة معي وهي نادرهـ بس اذا صار سالب طالبهم واذا ما فيه استجابه لك مؤسسة النقد يخلونهم يأذنون انجليزي لان الخدمه من البدايه ما يعطونك ريال الي تشحنه تشتري فيه و مستحيل يكون فيها سالف لكن ممكن موظفين البنوك كل من يفتي من كيفه وهذا الي حاصل الان

[صحراء]

اها شكلي راح اطلبها يوم السبت والله يعين على الزحمة

وبالعافيه عليك ستيك هاوس انا سمعت اذا سحبت فيها من الصراف ياخذون 30 فلوس العملية

ومشكور على هالمعلومات وان شاء الله مانواجه مشكلة السالب

[احمد ابوعيشة]

اخي العزيز صحراء

عيوب البنك الاهلي :
اذا فتحت حساب ماتستلم بطاقة الصراف مباشره ( تنتظر اسبوعين او اكثر على ماتوصل على البريد وبعد ماتوصل تروح الفرع عشان تفعلها مو مثل البنوك الثانيه تخرج من البنك والبطاقه معاك وامورك منتهيه )
ونفس الوضع مع الماستر كارد

تفعيل الماستركارد لا يلزم ذهابك للفرع
فعند استلامك للبطاقة تجد بها لاصق مدون به لتنشيط البطاقة اتصل على الرقم هاتف مجاني 800 لا اذكره ويتم تفعيلها فورا من قبل الموظف

بالنسبة لشحن البطاقة فمن خلال الاهلي فكما تفض به الاخ المجرات عبر موقع اهلي اون لاين بامكانك شحن بطاقة من خلال التحويل من حسابك بالاهلي الى الماستر :
من قائمة "بطاقات الاتمان"
اختر " تسديد البطاقة" وتختار حسابك الاصلي بالاهلي والمبلغ المراد شحن به البطاقة "ماستركارد"

مدة ارسال البطاقة :
بعد التـأكد من بياناتك في البنك يتم اصدارها وترسل لك البطاقة والرمز السري "اذا طلبته" في مدة من اسبوع لاسبوعان

طرق الارسال لدى البنك
البريد العادي
DHL بمبلغ

[albanner]

=== البنك الاهلي ===

بالنسبة لي استخدمت بطاقة الماستر كارد الاهلي "مسبقة الدفع" .. ولا يظهر لي اي مشاكل ..

وعلى العموم ، إذا طلع لك الحساب بالسالب يمكنك مراجعة البنك فيما بعد قبل شحنها ..

علما ً إن لي مدة طويلة مع بطاقة الاهلي "مسبقة الدفع" ، والحمد لله كل شيء تمام.

علما ً أن البعض يتخوّف من شيء طبيعي .. فأعطيك مثال بسيط:
عندما تستأجر فندق وتعطيه رقم الماستركارد يسوون عليها "تفويض" أي احتجاز للمبلغ ، وبعدين تتفق معهم على الدفع كاش ..
التفويض يرجع بعد 14 يوم لبطاقتك .. والبعض ينتظر لمدة يومين ، ويشاهد حسابه ان فيه عملية معلقة ، بقيمة المبلغ ، وان الفندق ما رجع المبلغ ، فيفكر انهم "سرقوه" .. علما ً بإنها بعد 14 يوم تقريبا ترجع لبطاقتك اتوماتيكي.

=== البنك الراجحي ===

طلبت منهم بطاقة مسبقة الدفع وهذا الكلام قبل بطاقة الاهلي ، ولكن ارسلوا لي بطاقة ائتمانية اساسية ومعها بطاقة ملحقة للشحن.

ولأني اتعامل كثير مع حسابي في الاهلي ، الغيت بطاقة الراجحي ، واكتفيت بالاهلي ..

================

ولو تحسب على المشاكل فطبيعي ان تجد على الحساب الجاري "العادي" عليه مشاكل .. اللي اودع ولا وجد المبلغ في حسابه ، وسوالف مضحكة .. علما انها لا تحصل إلا نادرا جدا جداً ..

لكن بمراجعتك للبنك ينحل كل هذه المشاكل هذا إذا طرأت أصلا ..

بالتوفيق ،،،

بسم الله الرحمن الرحيم
السلام عليكم

حبيت نناقش بخصوص الماستر كارد مسبقة الدفع
لان صراحة الواحد مل يدور ناس تسدد له من بطاقاتهم

اول شئ انا سمعت هالخدمة يقدمها البنك الاهلي حاب اعرف في بنوك يقدمونها غيره ?
سمعت الراجحي عنده بطاقات شراء انترنت مسبقة الدفع اللي يعرف فيها شئ ياليت يفيدنا

والبطاقة اشوف فيها امان لانها مسبقة الدفع غير مربوطة بالحاسب
لكن سمعت قبل فترة في ناس يتكلمون ان الرصيد كان بالسالب يعني -1000 ويوم شحن مثلا بـ 2000 صار رصيده 1000 يعني معقول يكون الحساب بالسالب وهي مسبقة الدفع ?

وياليت نشوف افضل بنك سعودي يقدم الخدمة + الرسوم حق البطاقة

[صحراء]

المسك جزاك الله خير

البنر / بالنسبة لبطاقة الراجحي هل تقوم بالغرض وكل المواقع تقبلها ?
لاني مالي خلق اجمع بطاقات بنوك عندي الراجحي والعربي وسامبا طفشت من كثرهم
لان اذا نقص المبلغ عن 5 الاف في الاهلي يخصمون والراجحي 10 الاف كيف بنلحق عليهم
هههههه

لو في بالراجحي مثل عمل البطاقة افضلها صراحة

[مغرور]

لي كم يوم مقدم على بطاقة فيزا المسبقه الدفع من الاهلي وما كان عندي علم ان عندهم ماستر كارد لاني سألت الموظف وبلغني بوجود فيزا

المهم اني فتحت حساب قبل كذا عشان ادير عمليات البطاقه لان بدون حساب ما تعرف تسوي شي تصير شحن ما تعرف شنو فيه

بطاقة الحساب وقعت الاوراق من هنا وجا موظف ثاني اعطاني اياها من هنا يعني في نفس الوقت

بخصوص الماستر كارد يا ليت احد يفيدنا

عموما لسه ما استخدمتها بس بحثت كثير وقارنت ولقيتها افضل حاجه خصوصا اذا ما كنت تبي تراجع عليها يعني كشف ورقم وغيرها لانها كلها بحساب

اما بخصوص البطاقات الثانيه فما اعتقد انها موثوقه زيها وبنفس الوقت عمولات وخرابيط انت بغنى عنها

بالتوفيق