ما مدى خطورة هذا الامر

[bilba]

السلام عليكم

عندي استفسارين

1- ما مدى خطورة وضع بيانات الدومين كامله كعنوان السكن كامل صحيح ورقم الجوال وكل شي وطبعا كل من يسوى whois راح يعرف كل شي عنك

2- هل من الافضل وضع بريد مجاني او مدفوع للدومين ؟

[عالم المبدعون]

وعليكم السلام
بالنسبه للسؤال الاول تقدر تخفي البيانات وفيه شركات تقدم الخدمه مجاني مثل name و اينوم بفلوس واذا الموقع مافيه شي ليش خايف
السؤال الثاني اعتقد ما تفرق هذا بالنسبه لي

[Ntaqe.com]

الافضل تستخدم بريد غير الياهو والهوتميل

يعني ينصحون بمدفوع في الاغلب ، وانتبه تحط ايميل مدفوع على نطاق موجود في لوحة تحكمك اللي تحط ادارتها عن طريق الايميل



يعني مثلا عندك نطاق ntaqe.com في قودادي ،
سويت ايميل مدفوع info@ntaqe.com
لا تسخدم الايميل info@ntaqe.com كايميل مدير لنفس الحساب اللي موجود فيه النطاق لاسباب كثيره



المجاني يفي بالغرض لو بعدت عن الرسائل المشبوهه والسبام ، وما انصح بالهوتميل والياهو



---------------------

بالنسبة لاخفاء معلومات النطاق :

بعض الشركات تقدم الخدمة مجانا ، كريسلر كلوب - نيم

مدفوعة / اينوم ، قودادي ( تقريبا 6 - 8 دولار )

لو موقعك مافيه شي مخالف تقدر تحطه ، لكن بعض الناس يحبون يخفونه حتى ما يوصلهم سبام كثير واتصالات مزعجة ، بعض الناس ما تبي تبيع مواقعها او نطاقاتها ، فتزعجهم الاتصالات اللي تبي تشتري الموقع او النطاق

شي اخر / لا سمح الله لو واحد من اعضاء المنتدى كتب شي ، واحد اخترق عضوية الادراة في منتداك ، كتب شي ساسي او طائفي بحت ، ممكن يآخذونك بس للتحقيق في الموضوع

نزلت شي في موقعك سياسي ، شي غير اخلاقي <<< هذه المرة اكيد بتتوقف

وحتى لو اخفيت معلومات النطاق ، ممكن لو جهة حكومية او جهة مسؤوولة يعرفون من انت بطرق كثيرة جدا

الملخص : ما يفرق اخفيته او لا ، الا لو ما كنت تبي احد يعرف ان النطاق لك ( بالنسبة للعامة )

لكن احذر تحط النطاق باسم شخص اخر ، ممكن تعدل الايميل ، رقم الجوال تحطه ناقص رقم ، تسوي شي ، الا الدولة والاسم دايم حطهم صح

لاسمح الله واحد سرق نطاقك ، تقفل حسابك ، سويت شي تبي تراسل الشركة اكيد راح يطلبون اثباتك

من وين تجيب لهم جواز سفر بالاسم اللي كان في الحساب لو كان الاسم وهمي !!





// *