العنترنت المصري ... و سياسة الإستخدام الظالم

[moh_elferg]

كلمت الموزع الرئيسي عندنا في المركز
وهو صحبي
قالي مفيش حاجة جديده
والمفروض لو حاجة مهمة هيبلغونا
والمفروض ان ده كلام ورق
يعني مش هيتطبق
ده كلامه

[hossam elkady]

ياجماعة الموضوع ده معمول بيه من زمااااان
حتى وانت بتشترك بتوقع على ورقة فيها الكلام ده
وفي اي اعلان بيكون في تحت زي اللي في الورقة

بيكتبوا
طبقا لسياسة الاستخدام المعتدل

ممكن تكون مش ظاهرة وانهم ظهروها
لكن موجوده من زمااااان

وده الاسلوب المتبع في اي خدمة زي كده

[moh_elferg]

ياجماعة الموضوع ده معمول بيه من زمااااان
حتى وانت بتشترك بتوقع على ورقة فيها الكلام ده
وفي اي اعلان بيكون في تحت زي اللي في الورقة

بيكتبوا
طبقا لسياسة الاستخدام المعتدل

ممكن تكون مش ظاهرة وانهم ظهروها
لكن موجوده من زمااااان

وده الاسلوب المتبع في اي خدمة زي كده

انا تي داتا السرعه 2 ميجا
ومش شغال عندي الي بتقول عليه ده
السرعه زي ما هي طول الشهر
والتحميل كتير اوي اوي اوي
لاننا اكتر من 20 مشترك

[hossam elkady]

ايوه ياريس ماقلناش حاجه

انا اقصد اننا ماضيين وموافقين على الكلام ده

هما مش بيطبقوه وزي ما قالك الموزع حبر على ورق

لكن شكلهم هايطبقوه لغرض ما
وبالتالي ليس لنا حق الاعتراض لاننا موافقين من البداية على سياسة الاستخدام المعتدل

يعني من الاخر شربناها وبمزاجنا

[young coder]

يعني اللي هيتكلم

هيطلعوا العقد بتاعه

و يقولوله مش توقيعك ده ؟ اقرأ الكلام اللي انت وافقت عليه
بطبيعتنا بنمضي من غير ما نقرا

[hossam elkady]

صح
وبعدين المشلكة في اننا مش بنقرا
احنا بنقرا سياسة الاستخدام المعتدل ونروح ماضيين

ماحدش استفسر او اصر يشوف السياسة دي

بالنسبة للاستخدام الفردي معقوله جدا
لكن الجماعي اكيد هايتعبوا منها

[moh_elferg]

ولو قريت هيكون ايه النظام
هتشوف شركة تانيه
ولا هيعملولك عقد لوحيدك ؟

[hossam elkady]

لأ طبعا هاتوافق برضو لان كل الشركات اولا كده وثانيا
هايقولك مش عاجبك ماتشتركش

[young coder]

بالظبط

هيقولك مش عاجبك متشتركش

بس هي فعلاً الاستخدام الفردي مش هتفرق قوي

لكن دي ضربة قاضية للشبكات
و اكيد هما عملوها علشان كده
دول عالم صايعة برضه مش اي كلام

[hossam elkady]

طبعا مقصود بيها الشبكات

وبصراحة انا ليا وجهة نظر
بدل شبكه ووجع دماغ الموضوع كله 45 ولا 90 جنيه

الشاب مننا بيروح يصرفها في اكل ولا خروجة كل اسبوع
يعني افضل واحسن بصراحة اكون مستقل

انا مرة زمااان جربت الشبكة يومين وبعدها طلعت وقلت شكرا اكون ملك نفسي احسن
وسلامي لصياعة الشركات ههههه

[ayklam]

طيب جايين يطبقوا الاستخدام العادل في النت ؟؟


والله فيه حاجات كتير أساسية محتاجة الحكاية دي غير النت

[hossam elkady]

اكيد في حاجات كتييييرة
بس اللي اكيد برضو مش هاتجيب لهم فلوس وينهبوا من وراها زي النت

التفكير في مصلحة الشركات والكبار مش المواطن....

[mo2men]

معلش يا شباب ممكن حد يفهمنى المشكله بظبط

هل موضوع تحديد الانترنت لينا 25 جيجا شهريا

فيها ازمه كبيره اووى لاى واحد بيستخدم الانترنت

هل احنا بنحمل فى الشهر اكتر من 25

وازاى نقدر نعرف اننا هنعدى 25 جيجا ازاى

انا عاوز حد بس يفهمنى وضعنا عامل ازاى
و ايه الى حصل فينا

[hossam elkady]

بص يا موؤمن

الموضوع مافيهوش مشكلة خالص

التحميل حلو جدا للفردي لكن في شبكات فيها بال10 وال15 وال20 فرد يعني لو كل واحد نزل في يوم جيجا واحده هاتخلص في يوم ويقعدوا بقية الشهر يغنوا ظلموه

[moh_elferg]

طبعا مقصود بيها الشبكات

وبصراحة انا ليا وجهة نظر
بدل شبكه ووجع دماغ الموضوع كله 45 ولا 90 جنيه

الشاب مننا بيروح يصرفها في اكل ولا خروجة كل اسبوع
يعني افضل واحسن بصراحة اكون مستقل

انا مرة زمااان جربت الشبكة يومين وبعدها طلعت وقلت شكرا اكون ملك نفسي احسن
وسلامي لصياعة الشركات ههههه

الكلام ده عندكم في القاهرة او في المحافظات التانيه
انت بتاخد النت ب 45 او 90
احنا عندنا موزعين بيحطوا ارقام خيالية
وبعدين مش بيقضيني لوحدي 521 او واحد ميجا