استفسار بخصوص النسخ الاحتياطي

[جروحي]

السلام عليكم ورحمة الله وبركاته

مساء الخيرات

اخواني حبيت استفسر عن نقاط :

1- خدمة البكب للسيرفر بحيث يكون بكب بعيد كل البعد عن المستضيف.

هل يوجد داتا سنتر اجنبية تقدم الخدمه.

وماهي طريقة عملها.

2- هل لابد من تركيب برامج معينه تقوم باخذ النسخ الاحتياطي لذالك.

3- هل لابد من معرفة الشركة التي تقوم بادارة السيرفر بموضوع البكب الخارجي.

4- ماهي افضل طريقة لاخذ النسخ الاحتياطي للسيرفر بحيث يكون عندي نسخه سلمية ومتواجده عند الضروره.

5- هل يوجد ضغط للسيرفر بسبب عملية اخذ البكب.

ولكم تحياتي ....

[مزاجك بالعربي]

شركات كثير تقدمها

وتكون اسعارها غالبا حسب عدد النسخ المحفوظة + عدد المرات + حجم موقعك

يعني يومي شهري

او يومي شهري اسبوعي

وفي الغالب دايم يكون سعرها تقريبا 150$

لكن الافضل انك تبعد وبقووة عن الشركة الي انت ماخذ عليها سيرفرك

لكن من يقدمها مادري صراحة ومن الافضل

[جروحي]

يعطيك العافيه اخوي مزاجك

بس انا اتكلم على داتا سنتر ( وليس شركات وسيطة )

يعني ابيها تكون على داتا سنتر مباشرة

وفي انتظار رد الاخوان الفاهمين في الموضوع

[مزاجك بالعربي]

يس انا اتكلم عن الداتا سنتر

لاني سبق وراسلت احد الداتا سنتر وكان ردهم كذا

يعتمد ع الي ذكرته فووق

[جروحي]

صحيح انا حصلت عروض مقدمه من سوفت لير

بس مافهمت طريقة العمل او الالية بصراحه

وحصلتها عندك كليود نفس الطريقة

بس محتاجين احد يوضحها لنا

بالذات الموجوده في سوفت لير

[مزاجك بالعربي]

خل المواقع تفتح ويصير خير

[AD4host.ae]

السلام عليكم

تقدر تحجز لك سيرفر بمعالج بسيط مثلا " أتوم " مع هارديسك مثلا 250 جيجا ( او حسب احتياجك ) وما راح تحتاج لسي بانل .

السعر بيطلع عليك مناسب جداً وما راح يتجاوز الـ 100-120$ ( حسب الداتا سنتر والخدمة والاسعار )
وتقدر بعد مثلا تتشارك فيه انت و3 من ربعك ، ويطلع عليك بسعر رمزي جداً !

اما آلية النقل ، ففي اكثر من طريقة ،وتعتمد على حسب الحاجة والآلية الي انت تبيها .
تقدر تعتمد على النسخ الخارجي تبع السي بانل ( ما انصح بها ) ، وتقدر تبرمج لك سكربت صغيرون يقوم بعملية النقل بشكل آلي وانت بس تدخل سيرفر الباك اب وتشوف وتتأكد من ان الباك اب انتقل بشكل كامل!

وتقدر تسوي النسخ بشكل يدوي ! بحيث انه يكون عندك صلاحية شيل على السيرفر الرئيسي للموقع وتنقل الباك اب بواسطة الأمر rsync او scp او حسب الي تشوفه مناسب وسهل بالنسبة لك ! وتقدر بعد تجهز نسخة كاملة من cPanel وتحطها داخل الموقع ، وتبدأ بسحبها من سيرفر الباك اب ( هذي مثلا تسويها بشكل اسبوعي ) ...وعندك طرق غيرها وكثيرة جدا .

يعني الاهم من الطريقة ، هو ان تجد السيرفر والعرض المناسب لعمل الباك اب عليه!



تحياتي لك ،،

[جروحي]

AD4host.ae

كل عام وانت بخير

ومبارك عليك الشهر

بيض الله وجهك

هل يوجد طريقة تقوم باخذ ونقل البكب بشكل آلي من السيرفر الخاص فيني الى سيرفر البك.

او من هردسك البكب الخاص فيني الى السيرفر الخاص في البكب

وهل الطريقة عمليه او غير عمليه

وهل استطيع النقل بشكل يومي بعد اخذ البكب في السيرفر

[AD4host.ae]

وانت بصحة وسلامة حبيب قلبي ،،

تقدر بكل بساطة تستخدم الأمر التالي في الكرون جوب :

rsync -arzgopu -e ssh /backup/cpbackup/daily root@BACKUP-SERVER-IP:/home/backup_server1

حيث انه :
/backup/cpbackup/daily مسار الباك اب الداخلي بالسيرفر الرئيسي
BACKUP-SERVER-IP آي بي سيرفر الباك اب
/home/backup_server1 المسار الذي تريد ان يتم نقل الباك اب إليه ( في سيرفر الباك اب)

وبكذا بتحصل على نسخ احتياطي خارجي بأفضل طريقة موجودة ! علماً ان هذي الطريقة ممتازة جداً وتفيدك بانها ما راح تستهلك عليك ترافيك كثير ( إلا اول مرة فقط ) وبعدها راح يتم نقل الملفات والداتا الجديدة فقط*

* بمعنى انه مثلا لو حصل تحديث على قاعدة بيانات منتدى ، راح يتم نقل التحديث فقط والباقي زي ماهو




تحياتي لك ،،

[AD4host.ae]

تستخدمها بهذي الطريقة :

echo > /etc/cron.weekly/backup 'rsync -arzgopu -e ssh /backup/cpbackup/daily root@BACKUP-SERVER-IP:/home/backup_server1' && chmod 777 backup

بحيث انه يآخذ الباك اب اليومي كل اسبوع إلى سيرفر الباك اب ( بشكل آلي )

[جروحي]

AD4host.ae

الله يسعدك ياشيخ ويوفقك ان شاء الله

وتسلم والله على المعلومة المفيده

استفسار اخير ( هل يوجد مواصفات معينه لسيرفر البكب )

او عادي اشي يمشي

يعني لو اخذت مواصفات ضعيفه مثلاُ مثل

Server : Intel Xeon

CPU Speed : 2x2.40GHz

Bus Speed : 1066MHz

Cache : 1x4MB

RAM : 2GB DDR2 533/667

هل ينفع او مواصفاته عالية

وماهو اهم شي يعتمد عليه سيرفر البكب

[AD4host.ae]

الله يسلمك ، ولا يهمك يالغالي ..

المواصفات فوق الممتازة لسيرفر باك اب ، لان اصلا السيرفر راح يستخدم كـ Storage فقط ! فما راح تحتاج حتى نصف هذه المواصفات

الاهم من هذا كله ، هو الترافيك وحجم الهارديسك ( حسب احتياجك )



تحياتي لك

[جروحي]

يعافيك ربي اخوي AD4host.ae

بصراحه معلومات حلوه ومفيده بنفس الوقت

استفسار ( انت وسام )

Storage <-- ايش تقصد فيها بالضبط اذا ماعليك كلافه

[جروحي]

ما ادري عن عروض سوفت لير هنا

SoftLayer StorageLayer

هل هي مناسبة او غير مناسبة

اتمنى الافاده بخصوصها

ولك تحياتي

[AD4host.ae]

حياك الله يالغالي ، اي نعم انا وسام

الستوريج Storage = تخزين ( بيانات مو قات )
والسيرفر راح يكون استخدامه تخزين الباك اب فقط ( البيانات ) ما راح يكون في عليه ضغط قواعد ولا ايميلات ولا غيره ، لذلك ما راح تحتاج لمواصفات كبيرة !


تحياتي لك