النتائج 1 إلى 14 من 14

الموضوع: محمد عبد التواب يفتح النار على منتقديه !!

  1. #1
    Banned
    تاريخ التسجيل
    Aug 2005
    المشاركات
    264

    محمد عبد التواب يفتح النار على منتقديه !!



    بسم الله الرحمن الرحيم

    السلام عليكم

    يبدو اننا سنشاهد مسسلات كثيرة على الانترنت في شهر رمضان فبعد الموضوع الذي انتقد فيه بعض الاخوة هنا الاخ محمد عبد التواب يبدو انه بدا وكأن الامر مسلسل ( ازمة ثقة ) بين المسلمين اندرج تحته اسم العرب واصبح الثناء على الاجانب هو نقطة الاتفاق التي اتفق عليها المتخاصمين فهل اصبح العرب يكرهون انفسهم ؟
    http://www.mtwab.com/archives/وأوهى-قرنه-الوعل/


    - تعليقا على مشروع اي بزنس ( انا كنت بقرأها أي بزنس ) المهم انا اشتريت النسخة ثقة في الاخ محمد عبد التواب بعد ما قابلته يوما ما . رأيي بوضوح في الامر

    - الحزمة مفيدة وبها ملفات يمكن استغلالها و لو بعمل موقع واحد تقدر ان شاء الله ان تحقق منه ربح كويس . لكن سعر الحزمة غير مناسب وكان يحتاج لتخفيض كبير فعلا


    - برنامج ارباحي باختصار شرح وافي و كافي لأمر انتهى ومضى ولم يعد له وجود ولا نستطيع ان نقول ان هذا مثال لان المثال المفروض يكون بسيط ولا يكون بهذا الطول و التعقيد ( من الشرح الوافي لامر لا نحتاجه وكان يكفي الاشارة اليه فقط من باب الامثلة ) ..


    - الاخ محمد عبد التواب هو اخ فاضل و انسان في نهاية الامر (يصيب و يخطىء ) ما كان يجب ان نفضح ونتكلم فيه وكان يكفي ارسال الرسائل له لتحذيره مثلا من وجود هذه الاخطاء اذا كنا حريصين على سمعتنا ( كعرب ) ومسلمين اخوة في المقام الاول و الاخ الذي فتح موضوع سوالف لا ادري اذا كان حصل على نقوده كاملة فلماذا لا يطلب من ادارة الموقع حذف الموضوع الخاص به لينتهي هذا الاشهار ؟

    - اعود واقول انا لست صديق محمد عبد التواب و لم التق به الا مرة و احدة و اشتريت اي بزنس ووجدت اشياء ممكن استفيد منها و اشياء اخرى لا يمكن الاستفادة منها و كنت سأرسل له رسالة بذلك لكني اكتشفت انه ضم حزمة اي بزنس في الاطلاق لذلك سكت على اساس ان ارباحي سيكون هنا جزء صغير جدا في اطلاق وقد لا ينظر اليه اصلا بخلاف اي بزنس .. اخر الكلام كل عام و انتم بخير وكل عام سوالف دائما تعلو بالعلم و المعرفة وكل عام و سوالف بعيدة عن فتح المشاكل و المسلسلات التي لا طائل منها سوى تضييع اوقات المسلمين !!



    جزاكم الله كل خير








  2. #2
    عضو فعال
    تاريخ التسجيل
    Jan 2009
    المشاركات
    1,328

  3. #3
    عضو فعال جدا
    تاريخ التسجيل
    Jan 2005
    المشاركات
    3,948


    كلمة قرأتها في منتدى اجنبي و تعلقت في مخي

    اذا كنت تريد الثراء السريع

    اعمل كتاب Ebook وقم ببيعه (:


    بالتوفيق





    __________________
    سبحان الله ... اللهم اني استغفرك و اتوب الليك
    Twitter
    سيرفرات موقعي على ليكود ويب

  4. #4


    محمد عبدالتواب وشو هذا


    المطرزجي ؟

    قريت بعض خرابيطة


    ( تطريز وتطريز وتطريز حسيت اني بفتح مصنع سجاد ماهو موقع )






  5. #5
    عضو نشيط جدا
    تاريخ التسجيل
    Aug 2008
    المشاركات
    386


    حلو قوي حكاية يفتح النار دي .. بتحسسني بالبرامج الحوارية علي قناة الجزيرة

    طبعا اشك بل اكاد اجزم من كاتب هذا الموضوع هو محمد عبد التواب نفسه متخفيا تحت مسمي مشتري معجب بالباقة !!

    طبعا انا قريت الكلام اللي في موقعه .. وقدر فعلا يثبت لي صحة كلام من يكتبون عنه .

    عرب ايه والكراهية بينهم والمسلمين ؟؟ مش عارف انت قلبت ليه الموضوع سياسي وقومية عربية وبنحبك يا فلسطين ..

    يا عزيزي اساسا انت لن تقدر ان تبيع منتجك للأجانب .. واتحداك:
    اولا : لان هناك غيرك يقدم معلوماتك اكثر قيمة وبنفس السعر ويمكن اقل
    + لان اغلب محتوياتك مبنية علي افتراض ان اغلب المستخدمين العرب جهلة لا يستطيعون تصفح المواقع الاجنبية وتحميل القوالب او الفيدوهات او الكتب!
    + هناك مواد علمية مثل محتوياتك متوفرة علي الانترنت مجانا (مع تحملك تكاليف الشحن)
    + اغلب افكارك ومحتوياتك قديمة من ايام العز لما كانت النقرة بـ2 و 3 دولار لاي محتوي عبيط مهما كان
    + كل البرامج اللي عندك وللأسف Warez متوفرة علي النت اي شخص محترف منتديات يقدر

    واخيرا اغلب الاجانب لا يفضلون سياسة تلخيص العلم في شكل كبسولات او افكار جاهزة للتنطبيق ..
    نحن العرب ممكن لان اغلب شبابنا يعانون من البطالة الشديدة وبيتلهفوا علي اي فلوس زي ما بتغريهم بصور شيكاتك ..

    - الاخ محمد عبد التواب هو اخ فاضل و انسان في نهاية الامر (يصيب و يخطىء ) ما كان يجب ان نفضح ونتكلم فيه وكان يكفي ارسال الرسائل له لتحذيره مثلا من وجود هذه الاخطاء اذا كنا حريصين على سمعتنا ( كعرب ) ومسلمين اخوة في المقام الاول و الاخ الذي فتح موضوع سوالف لا ادري اذا كان حصل على نقوده كاملة فلماذا لا يطلب من ادارة الموقع حذف الموضوع الخاص به لينتهي هذا الاشهار ؟
    والشخص اللي كتب الموضوع ده حياخد ثواب كبير .. لانه اعطي صورة كاملة عن المنتج بشكل واضح
    حتي يعرفوا اذا كان سيستفيد منها ام لا .. وحتي لا ينخدع فيها احد مثلما انخدع هو فيها ..

    عزيزي صاحب الموضوع ..
    مثلما تحمست له .. ياريت توصل له رسالة انه يجي هنا في سوالف ويناقشمع محترفي سوالف ويثبت صحة نوياه وكلامه ..
    مش مجرد كاتب لي كلمتين خايبين في موقعه وكليب لاسماعيل ياسين !!





    __________________
    الفارس للتطوير والحلول المتكاملة
    إكتشف .. تطور .. إنطلق نحو آفاق جديدة
    Facebook - Twitter - Linkedin
    ------------------------------------------

  6. #6
    عضو نشيط جدا
    تاريخ التسجيل
    Jan 2008
    المشاركات
    450


    قرأت ما بهذه الصفحة ...
    ولا اعلم ماذا اقول .... شئ يستدعى الصمت والذهول , اهذا موضوع على موقع ؟!!! اهذه الطريقة التى اختار بها ان يدافع عن نفسه ؟!! .. شئ بالفعل مستفذ !!






  7. #7
    عضو نشيط جدا
    تاريخ التسجيل
    Mar 2008
    المشاركات
    325


    السلام عليكم
    قبل مقول اى شىء ..فانا من يتهمه هذا النصاب ويلقى عليه كلام ملفق ...يمسح من رسائلى مايضره ويعرض مايفيد ويحسن صورته فقط
    انا العضو ابراهيم الشربينى ..programlover فى برامج نت

    بداية القصة ..كانت من هذا الموضوع عندما وضعت رد بمواقعه القديمة ...كمثال ..وجدت خطا فادح فى موقع the-sell.com ...الخطا هو انه ترك قاعدة بيانات مدونته جاهزة للتحميل من اى زائر.. فارسلت له ايميل انبهه على الخطا فشكرنى ..وتدرج الكلام بيننا فى نطاق انى المفروض محكمش على اى برنامج بدون ان اعرف محتوياته
    وارسل لى نسخة الكترونية من كتابه الرئيسى " خطط الثراء" الذى يعتبر الاستراتيجية الكاملة لبرنامجه
    وطلب منى العدل فى الحكم ...
    بدات فى قراءة الكتاب ..الى ان وصلت الى موقعين مهمين جدا بالنسبة لى وهما
    mozy.com و bayt.com ..وتوقفت كثيرا عند الموقعين دول...وقفلت الكتاب
    الموقعين دول كانوا ادامى على طول ولكن مكنتش اعرف ان لهم افيليتس ...
    وكتابه نبهى للنقطة دى..واشكره عليها
    فورا بدون اى تفكير ..ارسلت له ايميل اشكره جدااااااااااااااااا .ومش عارف وقتها ايه الى خلانى اقول لهذا الحيوان كل الكلام دة..بس فكرى كله كان على المكسب اللى ممكن احصل عليه من افيليتس الموقعين دول...وخصوصا ان موقعى العربى مرتبط بكلمات بحث حول تخصصاتهم

    الكلام دة كان باليل ...قفلت الصيدلية وروحت البيت ..كل تفكيرى منصب على فائدة الموقعين دول بالنسبة لى


    اليوم التالى : افتكرت كلمته انى احكم بالعدل ..فقرات الكتاب مرة اخرى من بدايته الى نهايته بدون اى تحيز للموقعين دول..ووضعت نفسى مكان اى مستخدم عادى

    استخلصت من الكتاب اسلوبه الوضيع فى الكسب ..وكيف انه حقق كل ارباحه من العرب ...وليس من الاجانب..كما كان يدعى
    اسلوبه فى الربح يعتمد على ..انشاء عشرات المواقع ..او عشرات الصب دومينات ..كل محتويات المواقع عبارة عن مقالات وصور وفيدوهات منقولة من خلال خدمة الrss feed ولم يكتب فيها كلمة واحدة
    ثم يشهر هذه المواقع عن طريق برنامج ادووردز باستخدام كلمات عربية للحصول على زوار رخيصين السعر ...وخصوصا العرب فى اميركا
    بهدق الضغط على اعلانات ادسنس الغالية ..او التسجيل فى واحد من الCPA offers التى تمنح دولار او اتنين لمجرد التسجيل

    فارسلت له ايميل اشكره مرة اخرى على مااستفدته من كتابه " موقع موزى وموقع بيت" وتدرجت لانتقاده باسلوب محترم ....وفى اخر الرسالة ذكرت ان الكتاب لايساوى وقت التحميل بالنسبة لمستخدم عادى ..
    وطلبت منه الا يستخدم رسائلى السابقة كــ review او بشكل سىء ...ولكنه نقض العهد كعادة اليهود.. ونشر مايفيده ويحسن صورته امام الناس وترك مايضره او يسىء الى برنامجه
    اثبات كلامى
    نسخة من مواقعه ال80 وجارى الحصول على الاخرين
    هل دى منظر مواقع مسوق او خبير ؟؟؟ نسخ كربونية منقولة بالrss feed

    مع محمد عبد التواب
    Drawning a wireless Mouse | Photo Editing in Photoshop | Online Photoshop Courses | Learn Photoshop | Adobe Photoshop Help
    موقع السنة النبوية
    5thstreetcoffeeandbagels.com Niche News
    Photo Editing in Photoshop | Online Photoshop Courses | Learn Photoshop | Adobe Photoshop Help
    Photo Editing in Photoshop | Online Photoshop Courses | Learn Photoshop | Adobe Photoshop Help
    Your Store Title : : Find Great Items at Huge Discounts
    الربح من الأنترنت ، طرق مجربة للكسب من الأنترنت و العمل من البيت
    بوادي ..
    موقع ادخل دوت كوم
    البوابة العربية لأخبار التكنولوجيا
    مع محمد عبد التواب
    all in one
    المنتج الإلكتروني .. إي منتج
    com4net.com
    رأيك من يوافقك من لا يوافقك
    designersteam.com
    أحلى حياة
    it4youupdated.com
    e-moneymarketing.com
    bestmymagedeljazwy.net
    homebusinessmoneycafe.com
    Internet Marketing Announcements
    18monthwindow.com Niche News
    شركة أبل : أفضل موسم تفاح | مدونة شباب مصر
    Index of /
    How-To-Origami.com Niche News
    Howto-Scrapbooking.com Niche News
    http://www.that-leather-coat.com/lea...her-coat-news/
    Online-Biz-Insider.com Niche News
    Jobs in Dubai, UAE, Saudi Arabia, Qatar, Kuwait | Search Job | Bayt.com
    That-Procrastination.com Niche News
    Pergamum Blog
    Your Store Title : : Find Great Items at Huge Discounts
    التعلم عن طريق المشاريع | أهلا بالرياضيات
    http://www.offer-show.com/contact
    ولم يترك العرب لكى ينصب عليهم بل تدرج نصبه للاجانب ايضا
    The IPC Program
    ريفيوهات نصب فى نصب ..

    موقع عن حب الشباب منقول من اليوتيوب ..بفيديوهات نساء شبه عاريه.." اسئت لسمعة الشيوخ فى مصر"
    acne treatments | acne medication | acne skin care | acne products | acne natural


    اكمل لكم .....





    التعديل الأخير تم بواسطة صيدلى ; 29-08-2009 الساعة 04:18 AM سبب آخر: حققة النصاب محمد عبد التواب
    __________________
    SEO Equation

  8. #8
    عضو نشيط جدا
    تاريخ التسجيل
    Mar 2008
    المشاركات
    325


    راى العضو مجدى فى منتدى برامج نت..العضو مشترك فى برنامج النصب لمحمد عبد التواب

    اوك يا مان طالما انت قولت الريفو بتاعك اسمحلى انا كمان اقول الريفو بتاعى وانا من مشترى النصباية دى
    انا فاتح التقرير دلوقتى وحبدأ معاكم بالترتيب
    فى البداية شويه كلام جميل
    بعد كده اول تطبيق ( انا والتطريز )
    التطبيق طبعا مجرد مثال ل اللى عمله محمد عبد التواب وهو مش بيطلب من حد يدخل فى التطريز
    دى حاجه مفهومه
    المطلوب بس نفهم الفكره مش اكتر بس ليا ملاحظة سبق لصاحب الموضوع ابداءها وهى الخاصه باداه تحليل الكلمات الخاصه بجوجل ادوردز
    الاداه دى فاشله بكل المقاييس
    يكفى انى اقول انى مسكت لفتره شهرين كلمه رئيسية وقبل ما امسكها بصيت فى اداه الكلمات دى لقيت ان عدد الباحثين عنها شهريا يتجاوز النصف مليون ولكن بعد ما مسكتها مكانش بيدخل من الكلمه دى غير الفين بس بالكتير اوى
    محدش يجى ويقول ان المقصود بالاداه هو اعطاءك نسبه متوسط البحث الشهرى لان حتى لو كان متوسط السحب عمرها ما كانت حتوصل من نصف مليون لالفين بأى حال من الاحوال
    اذا فالبداية غلط فى غلط من محمد عبد التواب وتدل عن جهل وعدم علم بادوات تحليل الكلمات
    ندخل فى تانى تطبيق خاص بمنتج الحجاب اللى قبل كده احمد محى الدين عرض صاحبه ايام الاعلان عن الفريق 501 لو فاكرين وكانت صورة ارباح صاحب منتج المحجبات موجوده فى صفحه الاعلان
    يعنى محمد عبد التواب اخد فكره المنتج وجاء ليعرضها لنا فى كتاب
    ماشى جميل يا عبد التواب حنبقى نطور الفكره وننزل بمنتج بس يا ريت تبقى تقول الكلام ده لنفسك لان صاحب منتج الحجاب مجابش كورسات اجنبية وحطها فى حزمه على كام ورقه بالعربى وقال اهو منتج المحجبات
    وانما زى ما شوفت فى الفيديوهات هوه عامل المنتج من الصفر بايده وعامل فيديوهات ومظبط الكلام على الاخر يعنى عامل منتج محترم وبسعر كويس جدااااااااااا كمان
    تطبيق تالت خاص بمحمد عبد التواب وهو انه كان قاعد بيقلب فى مكتبه ال PLR اللى قاعد طول حياته بيشترى فيهم قال ليه مش اجمع شويه منهم فى حزمه كورس تدريبى واعرضها للاجانب وطبعا سعادته مقالش ازاى حيعرضها للاجانب او ايه الطرق الفعاله لتسويقها للاجانب وواضح اصلا انه لا عرضها على الاجانب ولا حاجه وانما اى كلام وخلاص بدليل انه محطش اى صورة شيك فى الجزئية دى وانما ذكر ان مرفق مع الفلاش ميمورى كورس كامل عن كيفية التعامل مع منتجات الريسيل رايتس وطبعا الكورس بالانجليزى وطبعا برضه سعادته تلاقيه واخدهم فى حزمه اشتراها قبل كده وجاى يصرفهالنا
    مش كان الاجدر بيه يترجم الكورس الانجليزى ده او على اقل تقدير يكتب كام صفحه بالعربى عن الطرق المذكوره فيه ؟ ولا هوه رأيه ان انا اشتريت يبقى لازم اتعب واترجم علشان اوصل لان مش كل حاجه بالساهل
    طب ما انا يا محمد عبد التواب دافع فلوس ومش دافعها علشان اترجم بنفسى
    ما كان زمانى روحت اى موقع من بتوع الواريز او حتى ديجيتال بوينت حالاقى الكورسات دى بدولار واتنين وكنت ريحت دماغى من دفع الف جنيه اونطه فى اونطه
    رابع تطبيق وخامس تطبيق دول اللى حيرحقوا دمك لان كل صور الشيكات اللى حضرته بيعرضهم عليكم من قديم الازل ليست الا عن طريق العرب وخاصة المشترين منه وكمان المتابعين له فى المدونة وحتى محمد عبد التواب ذكر فى اخر مقال له موضوع فى برامج نت واشار الى انه موضوع اهبل وبمجرد دخولى للموضوع لقيت اخ هنا شارح رسالة من عبد التواب بخصوص استضافه وكانت فيها روابط ايفيليت
    طبعا انا مش بقول ان حرام انه يحط روابط ايفيليت
    لا عيب ولا حرام وحقه
    لكن مش يجى بعد كده يتنطط بصور الشيكات اللى بيعملها مننا ويقولك كما فعلتها انا تستطيع ان تفعلها وبيطلب منى انى اعمل مواقع زيه واخاطب عرب و و و
    هوه قال ان تطلع من كلامى بأفكار
    جميل على عينى وراسى
    يعنى المفروض اقل حاجه اطبق اسلوبه مع الاجانب
    طب ليه هوه مطبقش اسلوبه مع الاجانب بدل العرب وجه يورينى النتايج ؟
    طب لو طبق مع الاجانب ليه خبى ومجاش يقول ؟
    ليه عاوز يرمينى وسط العرب وهوه عارف ان محدش فيهم بيشترى بل ومتعبين وعلشان ابيع ليهم لازم اقعد فتره ابنى سمعه زى ما هوه عمل ؟
    طب معنى كده ان حضرته عايش حياته كلها على العرب ولا بيعرف يبيع لاجانب ولا حاجه وجاى يبيعلنا كورس بسعر خرافى الناس بتستلف فلوس علشان تشتريه
    بعد كده جاى يقولك الخطه الرهيبة وهى محتوى منقول اوتوماتيكى وارمى عليه زوار من ادوردز عن طريق تحديد سعر النقره بقرش وواضح انه مكانش فايق وهوه بيكتب التقرير لان موضوع سعر النقره بقرش ده اتلغى من شهر يناير وهوه نفسه ذكر كده فى احد مواضيعه اللى كاتبها تحت اسم ( اسعار جوجل ادوردز الجديده وكيف تتجاوز تأثيراتها ) على هذا الرابط
    http://www.mtwab.com/archives/%D8%A3...7%D9%88%D8%B2/
    بل ونزل كتاب اليكترونى بالعنوان ده كاتب فيه عن الموضوع والاسعار ولينك ايفيليت جميل له لشركه قوائم بريدية اشتراكها الشهرى 18 دولار لكل 500 واحد فقط يسجل قى قائمتك البريدية
    يبقى ازاى بيقولك فى اى بيزنس اللى صدر من حوالى شهرين تجيب زوار من ادوردز بقرش فى حين ان موضوع القرش ملغى من شهر يناير ؟؟؟ وهوه نفسه اللى ذكر كده ؟؟؟
    وطبعا بخطه المحتوى المنقول اللى ذاكرها عمرك ما حتجيب زوار من السيرش بل ومعرض للطرد
    يعنى لا زوار من السيرش ولا زوار بسعر قرش من ادوردز يعنى الخطه كلها مضروبه
    يجى بعد كل ده ويقول انا مش بقولك تاخد الخطه زى ما هيا وانما بقولك طور الخطه واطلع ولو بفكره
    بالذمه خطه ايه اللى اطورها او اطلع منها بفكره وهيا من اولها لاخرها غلط فى غلط
    ما بنى على باطل فهو باطل
    وخلصت السبعين ورقه من القطع الكبير وخلص اى بيزنس
    وبلاش حسين يجى ويقول انت اتكلمت عن السبعين ورقه بس دون الحديث عن المنتج ككل
    واحب اقوله من دلوقتى ان استاذك قال بنفسه ان المنتج هو السبعين ورقه والفلاشه اما برنامج ارباحى ده حاجه كده بونس فوق البيعه علشان يحاول يحلل ثمنها
    والفلاشه نفسها كل اللى فيها شويه منتجات ريسيل رايت على كام اكشنز على قوالب و و و
    الاستفاده الوحيده من الكورس ده هو انى على الاقل كسبت سعر الفلاشه ال 8 جيجا
    سعرها فى السوق دلوقتى عامل حوالى 60 جنيه
    اهو طلعت بيهم احسن من مفيش
    توضيح مهم بقى فى الاخر
    الكلام اللى قولته ده كله الغرض منه لا تشهير ب محمد عبد التواب ولا قطع عيش ولا اى تبرير من التبريرات السخيفه
    انا واحد وقعت فى حفرة جاى احذر غيرى منها ومش انا لوحدى اللى وقعت فى حفره عبد التواب
    هوه شخص قاعد يجيب فى منتجات PLR ويعمل منهم مكتبه
    قال يعمل حزمه تدريبية
    اخد كميه من المنتجات دى حطهوملك فى الحزمه مع كام ورقه عربى من كتابته واشترى كل الكورسات العربية القديمه المطروحه قبل كده والحزمه خلاص بقت جاهزه
    وبعد كل فتره يقولك اطلاق اتنين واطلاق تلاته واطلاق وعد واطلاق تظبيط وكل اطلاق من دول يحط فيهم منتجات ريسيل رايتز زيادة وكلمتين عربى زيادة وخلصت على كده ويبيعلك الحوار ب 300 دولار غير ال 95 دولار العمولة اللى حياخدها من ليونار باجيز يعنى انت حتشرب الحزمه وهوه حياخد 400 دولار زى الفل
    علشان كده هوه بيقولك بيزنس ثابت للبيع
    فعلا نقدر نقول بيزنس ثابت
    البيزنس ده هو عمل حزمه للبيع
    وكل فتره ترمى فيها كام منتج ريسيل رايت وتبقى الحزمه اتطورت وتبيعها تانى لمشتريين جدد وحتى المشتريين القدامى تقولهم ادفعوا فرق سعر والحسابه بتحسب
    نفسى اعرف ليه محمد عبد التواب مش يجيب كورس من كورسات كبار المسوقيين الاليكترونيين فى امريكا ويقوم مثلا بترجمته كاملا ويبيعه بدلا من الكورسات الريسيل رايتز اللى مكانها الطبيعى هو الزبالة لان اصحابها مش كاتبينها للافاده وانما لتسويق نفسهم ومواقعهم ومنتجاتهم
    ليه مش يعمل كده بدل ما يفضل يرمينا فى دوامة كورسات غبية وتافهه
    عامه الحقيقة كلها قدامكم قمت بعرضها ولو حد عنده اعتراض يا ريت اسمع صوته
    محمد عبد التواب شعر بالخطر خلاص وان سمعته بتضيع وبسرعه وان الناس مش هبله زى زمان وان خططه وطرقه كلها قديمه فقال يهرب من المركب ويبيع الليلة على 28 الف جنيه واهو تبقى اخر فلوس يطلعها من العرب والمشترى بقى يشرب الليلة






    التعديل الأخير تم بواسطة صيدلى ; 29-08-2009 الساعة 04:23 AM
    __________________
    SEO Equation

  9. #9
    عضو نشيط جدا
    تاريخ التسجيل
    Mar 2008
    المشاركات
    325


    موضوعى فى برامج نت قبل ان يحذف لتدخل عضو عبيط ..ينسخ مواضيعى فى سوالف .بدون ان يفم ماتحتويه

    الموضو منقول من برامج نت:

    اريد ان اوضح للناس الحقيقة الكاملة وراء برنامج Emntg لصاحبة محمد عبد التواب
    البرنامج وليد برنامج سابق اسمه Arbahy بدا فى اواخر سنة 2007 ثم بدا فى الاشتهار من خلال مدونة ارباحى ثم اغلق الموقع لفترة تزيد عن خمس شهور وعاد موقع ارباحى مرة اخرى ولكن بشكل جديد بواجهة انجليزية تبيع كتب وفيديوهات من نوعية PLR

    انا لم اكن لاحب ان افشى اسرار البرنامج وخصوصا انى احترم حقوق الغير ...لكن فى حالة اذا لم يحترم طرف من الطرفين اتفاق ...طبيعى جدا ان الطرف الاخر ينقض اتفاقه ..
    وهذا ماحدث بينى وبين أ. اقصد د. محمد عبد التواب .

    ابدألكم شرح برنامج او منتج Ebizns واترك لكم الحكم ..ولكن ارجو ان تكونوا عادلين فى حكمكم بدون الدخول فى مهاترات او تصفيات داخلية كما حدث فى هذا الموضوع

    ماهى طريقة محمد عبد التواب فى ربح الــ 67 الف دولار؟؟؟؟
    وهل فعلا هيا طريقة ناجحة؟؟؟
    اشرح لكم من كتاب " خطط الثراء الالكترونى " لــ مؤلفه محمد عبد التواب

    1- نبدا بشرحه لكيفية اختيار الــ Niche اى المجال التسويقى الذى ستبدا به موقعك الالكترونى
    حيث يقول :
    تطبيق Case Study: أنا والتطريز
    محمد .. نشأ في مدينة تشتهر بصناعة الملابس .. غزل ونسيج وتطريز ... الخ
    محمد .. عمل لبعض الوقت في مصنع لتطريز الملابس ..
    محمد .. تعرف على كثير من محترفي عمل تصميمات التطريز في مدينته ..
    محمد .. كانت لديه قناعة تامة بإمكانيات الإنترنت و إمكانية استغلاله لتحقيق دخل جيد أفضل كثيرا من الوظائف التقليدية ..
    محمد .. فتش في نفسه وفيمن حوله ووجد ان لديه خبرة جيدة بمجال التطريز Embroidery
    محمد .. توجه إلى جوجل وبدأ عملية بحث ..
    بمجرد أن كتب كلمة embroidery بدأ جوجل الذكي في كتابة الكلمات المتعلقة وعدد نتائج البحث الخاصة بكل كلمة
    _______
    وجد محمد أن embroidery designs & embroidery design يحتلان القائمة من حيث عدد النتائج : 9.850.000 و 4.080.000 نتيجة ..
    ضغط محمد زر البحث لتخرج له النتائج التالية من جوجل ..
    28.700.000 نتيجة بحث ..
    وعلى يسار موقع جوجل وجد مجموعة من الارتباطات الدعائية لمواقع تقدم خدمات ومنتجات في مجال التطريز
    بالنسبة لمقدمته لاختيار الNiche ترك لكم الحكم!!!

    توجه محمد لأداة تحليل الكلمات المفتاحية التابعة لجوجل
    وحصل على التقرير التالي حول كلمة embroidery
    ______________
    بقراءة سريعة وجد أن متوسط عمليات البحث الشهرية حول كلمة embroidery designs حوالي 246.000 عملية بحث .. أي أن هناك شغف كبير بتصميمات التطريز ..
    بالنسبة لطريقته فى اختيار كلمات البحث : فهى طريقة فاشلة جدا ويعتمد فيها على جوجل كيكورد تولز والتى اثبتت فشلها مع جميع خبراء الSearch Engine Optimization
    ولاداعى للدخول فى تفاصيل ..لان اختيار كلمات البحث يحتاج كتب لقرائتها وليس مجرد سطرين
    اثبات على كلامى
    Googlekeyword tools lies
    Google AdWordsKeyword Tool is NOT to be Trusted for Organic SEO

    اذن الخلاصة انه علم الناس طريقة لاختيار كلمات بحث وهى طريقة فاشلة جداا وقديمة ولا يعتمد عليها
    لحفظ الحقوق : مرفق فى المحتوى برنامج InfoFinder
    والذى قال عنه :

    هديتنا لك في هذا الإطار و التي نملك حقوق بيعها برنامج InfoFinder ..
    وفر وقتك وجهدك واحصل على المعلومات التي تريدها من خلال هذا البرنامج الرائع بدلا من التنقل بين المواقع لاختبار الكلمات المفتاحية ومعرفة ما تريده عن السوق الذي تستهدفه ..
    طبعا برنامج PLR...انتظروا معى ساشرح لاحقا ماهى الــ PLR
    واترك لكم الحكم!

    2- بعد اختيارك للمجال الذى تحبه ...و لكلمات التى لم تعلم من اين ولماذا اتت ...عليك بحجز استضافة بمميزات خيالية جدا...ماهى هذة الاستضافة؟؟
    Web Hosting, Reseller Hosting, and Dedicated Servers - Website Hosting w/ cPanel - HostGator
    فهى حل نهائي لجميع مشاكل الإستضافة ..
    ما السر ورائها؟؟؟
    السر انه يحجز لك استضافتك بالدومين الذى تختاره من موقع Luranpage عن طريقه ..بمعنى اخر تدفع انت 100 دولار لكى يكسب منك على الاقل 65 دولار عن طريق هذا الرابط
    انصحك : سارع بالتسجيل فالكمية محدودة لانك ستحصل على موقع انجليزى مجانا !!!ببرنامج الووردبريس الشهير ...""" استنوا هقولكم ايه موضوع الموقع الانجليزيى دة "
    طبعا + فرصة عظيمة :وهى مجموعة كتب PLR تؤهلك للربح السريع من الانترنت!!!
    مش بجد فرصة؟؟
    اثبات:

    لمواقعك وجود فعلى .. أنت بحاجة لخطة استضافة مع شركة قوية .. نرشح لك مجموعة من الشركات .. يمكنك التعرف عليها في موقع استضافة دوت كوم .. Web Hosting, Reseller Hosting, and Dedicated Servers - Website Hosting w/ cPanel - HostGator
    التكلفة حوالي 100 دولار سنويا .. مع الخطة ستقوم بحجز دومين واحد ..
    في الخطوة الأولى قمنا بتحديد مجالات موضوعية مختلفة .. لو قمنا بحجز دومين لكل مجال موضوعي ستكون تكلفة مبدئية عالية ..
    80 مجال موضوعي على الأقل كما فعلت أنا * 10 دولار قيمة حجز الدومين لمدة عام = 800 دولار
    سنتغلب على هذا الأمر باختيار اسم دومين يحمل معنى عام أثناء حجز خطة الاستضافة
    - بعد ان حصلت على استضافتك بسعر وبمميزات خيالية ...ستجد ان موقعك جاهز بمقالاته
    واذا رفضت هذا لعرض الرائع فعليك بالحصول على استضافة اخرى توريك الويل
    وفى كلا لحالتين هتحصل على محتوى انجليزى لكن فى الحالة الاولى لن تتعب فى مواضيع انجليزية لانك ستجدها جاهزة ...كلكم مشتاقين تعرفوا ايه هيا المواضيع الانجليزية دى؟؟؟؟
    4- الخطوة الرابعة : احصل على محتوى انجليزيى مميز ومحدث فى اقل من 45 دقيقة فقط
    تخيل معى ماهو المحتوى المحدث باستمرار الذى يؤهلك لكسب الاف الدولارات ؟؟
    محتوى منقول وغير مميز وغير حصرى ...عن طريق جلب المواضيع والفيديو والصور من مواقع كثيرة باستخدام خدمة الــ RSS feed بكافىة الوسائل ..منها مانعرفع كلنا...wp-o-matic البلجن المجانى الشهير الذى يستطيع ان يملاء موقعك بالاف المواضيع فى اقل من خمس دقائق

    طبعا لو انت اشتريت الاستضافة ..هو هيعملهالك مقابل الــ 65 دولار اللى بيكسبهم من وراك...ماهو بردة لازم يتعب شوية فى تحليل الدولارات دى كلها
    لكن لو انت ياغلبان مشترتش ..هتتعب كتير فى اختيار المقالات...هتكلفك 10 دقائق من وقتك ...ووقتك مهم طبعا مينفعش تضيعه!...انصحك بلاش تضيع وقتك الثيمن فى استيراد مواضيع منقولة ...اشترى الاستضافة من خلاله بمميزات خيالية واحصل على موقع جاهز من مجاميعه ...ومعاك منتجات مجانية تجننننننننن
    انا لو مكانك اشترى بدون تفكير طبعا!!!!
    لاحول ولاقوة الا بالله ...هل هذا مايعلمه للناس؟؟؟؟هل هذا مايقدمه للناس بملغ 100 دولار؟؟؟دة طبعا غير الـ 300 بتوع ebizns
    انا عارف كل واحد بيفكر فى ايه دلوقتى وهو بيقرا الكلام دة؟؟؟
    وبلاش اقوله وبلاش انتم تقولوه ..خليه فى سركم احسن ....


    اثبات:
    اقتباس:

    بعد بحث طويل وجدت أن هناك أدوات متنوعة في هذا الإطار .. منها المجاني والمدفوع مثلا :
    • أدوات مجانية ( plugs) خاصة بسكربت الوردبريس Wordpress بالتأكيد تعرفت عليه من برنامج ارباحي التدريبي وتعلمت كيف يمكنك إعداده على سيرفرك خلال دقائق معدودة وكيفية تغيير القالب الخاص به ..
      هذه الأدوات ( plugs) دورها جلب الأخبار المتعلقة بالمجال الموضوعي لموقعك من Google News , Yahoo News وغيرها من مواقع الأخبار التي تدعم خاصية الـ RSS وتقوم هذه الأدوات بإضافة آخر الأخبار تلقائيا إلى موقعك ..
    • مواقع جاهزة في مجالات موضوعية مختلفة لغرض الربح من إعلانات الأدسنس ..
    • أدوات ( ******s) تعتمد على جلب المحتوى من موقع أمازون الشهير .. كل ما عليك تحديد التصنيفات والأصناف التي تود جلبها من أمازون وعرضها في موقعك .. خلال دقائق ستجد لديك متجرا رائعا له محتوى من أمازون .. أصناف وبيانات عنها وتعليقات عملاء أمازون حولها ..
      الغرض من هذه الأدوات أساسا مساعدتك على الربح من برنامج العمولات الخاص بأمازون Amazon Associates.. لكني وجدت أنه يمكن وضع إعلانات جوجل في هذه المتاجر ليكون هناك أكثر من مصدر للربح ..
    أدوات ( ******s) تعتمد على جلب المحتوى من موقع المزادات الشهير Ebay.Com كل ما عليك إدخال كلمة أو كلمات مفتاحية هى المجال الموضوعي لموقعك .. مثلا Nokia .. خلال دقائق سيمكنك عمل موقع عن تليفونات نوكيا يحتوى على المواد الموجودة في Ebay.Com المتعلقة بنوكيا متضمنا نصوص وصور
    ..
    - بعد ان حصلت على محتوى مميز جداااا عليك بالخطوة المهمة وهى الحصول على زوار ...استنى هو دة المهم ...دى فرصة متعوضهاش .. اقرا كلامى بالحرف الواحد ونفذه
    روح لبرنامج ادووردز لكن اختار الواجهة العربى ...عشان تدفع بالقرش ..مش بالسنت ..
    واعلن عن مدونتك او موقعك وادفع ياغلبان ...بس متخفش هتدفع شوية قروش فى مقابل دولارات هتكسبها
    اصل بردة العربى مننا وعلينا ..نقراته رخيصة..كتير ميسمعوش عن جوجل ادسنس ..فيدخل الموقع يفكره روابط يقوم جاى ضاغط على الاعلان ...تححط لك كم عرض من بتوع التسجيل بدولار زى مثلا موقع Mozy او غيرهم ...ولما يسجل الزائر تكسب انت الدولارين
    شوفوا بقى العبقرية؟؟؟
    اعلن عن موقع انجليزى فى ادووردز ..ولكن بالعربى...وبعدين حط فيه اعلانات جوجل ادسنس واملى الصفحة اعلانات ..على كم عرض من الــ CPA offers تكسب دهب ..من شوية قروش دفعتها

    الاثبات:
    وفرنا عليك وقتا وجهدا كبيرين باستخدامك لبرنامج عمل المواقع .. فما كنت ستستغرق فيه 400 يوم ( عملية إنشاء 80 موقع ) عرفت كيف تجهزه في أسبوع تقريبا ويمكن أقل حسب اجتهادك ..
    جهدك يجب أن ينصب الآن على تسويق مواقعك ..
    جلب الزوار بالطرق المجانية فعال ومجرب ..
    لكن لتؤتي ثمارها سوف تستغرق وقتا وجهدا وتحتاج إلى بعض التنظيم والتخطيط .. بمقدار ما تبذل من جهد في تسويق مواقعك ستحصل على عائدات ..
    لتسريع الاستفادة من مواقعك والبدء في جنى الأرباح يمكنك البدء بشراء الزوار عبر جوجل أدوردز – محرك بحث عربي – بانرات في بعض المنتديات الشهيرة - .. الخ

    سأقول لك سرا لو عرفته أنا شخصيا من سنوات لوفرت مئات بل آلاف الدولارات ..
    عندما تفتح حسابا مع جوجل .. اختر اللغة العربية وأنت تنشيء الحساب الجديد .. وعندما تختر بيانات الدفع الخاصة بك .. اختر عملتك المحلية .. شخصيا اخترت أن أدفع بالجنيه المصري .. ستكون أقل قيمة للنقرة افتراضيا من جوجل هى : 0.01 جنيه مصري بدلا من 0.01 دولار لو اخترت الدفع بالدولار .. فارق 6 أضعاف تقريبا ..
    اختر أن تدفع أقل قيمة افتراضية للنقرة وهى 0.01 جنيه مصري أو من عملتك المحلية لو كانت قيمتها بالطبع أقل من الدولار ..
    عندما وجدت أن النتائج مبشرة بدأت في الترويج لمعظم مواقعي الـ 80

    موقع رائع يحتوي على ملفات فيديو عن الفوتشوب .. تعلم معنا .. وصورة للوجو الفوتوشوب كرابط يفتح في صفحة جديدة إلى موقع الفوتوشوب .. وهكذا
    كلما ننشيء موقعا جديدا .. نضيف له موضوع في مدونتنا ..
    ونقوم بالترويج في جوجل أدوردز لهذه المدونة التي لا تحتوى على إعلانات أدسنس مطلقا ..
    ويمكنك تنظيم أكثر من حملة إعلانية عبر أدوردز بصيغ مختلفة لجذب أكبر عدد من الزوار إلى مدونتك ومنها إلى مواقعك التي تحتوى إعلانات أدسنس .. شاهد هذه المدونة
    أجمل الصور | أغرب الصور | أغرب الموضوعات
    اترك لكم الحكم
    سؤال يتباددر فى اذهان الكثيرين الان ...وانا كنت واحد منكم اتسائل نفس السؤال ...
    هل هذه الخطوات ناجحة؟؟للحصول على مكسب من ادسنس و الــ CPA offers
    هل فعلا تضمن لك الحصول على هذا المكسب الضخم؟؟
    الاجابة: نعم فعالة جدااا...وتؤتى بثمارها ...محتوى جاهز فى اقل من خمس دقائق ...80 موقع او صب دومين لموقعك....اعلانات رخيصة جدا على ادووردز ...+ CPA offers فقط للتسجيل تدفع دولارات
    طريقة ذكية ...وتؤتى بثمارها ..لكن السؤال الاهم ...الذى يطرح نفسه...
    هل تساوى ان تدفع من اجلها 300 دولار+100دولار استضافة بمميزات خيالية
    موضوع ببلاش فى برامج نت ..ومااكثرها افضل جودة وفكر وتطبيق ..
    باختصار:
    هو حقق مكاسبه الضخمة من العرب.. واثبت للناس اثباتات كان الفضل فيها العرب.. ثم ياتى للعرب ليبيع لهم ب300 دولار ماحققه منهم
    عبقرية !!!!احييه عليها !!!!
    هل تستطيع ان تصنف كمسوق الكترونى ..بحانب المسوقين المحترفين ومااكثرهم ...بهذا الاسلوب المخزى ؟؟؟
    مواضيع منقولة...اعلانات ادووردز رخيصة...CPA يدفع للتيسجيل...ثم تقول انا خبير ومسوق الكترونى؟؟

    ناتى لاخر نقطة ..وه ى الـــ PLR
    نعم هى بيزنس حقيقى يحقق لك مكاسب مادية جيدة ولكن بشروط...ستعرفها حينما احكى لك اصل الــ PLR
    هى مجرد مقالات ولكن حصرية ..مجمعة فى كتاب الكترونى بغلاف جيد ..
    يعرضها لك المؤلف لتشترى كامل حقوقها ...تستطيع بيعها ..اعطاءها كهدية مجانية او مايسمى بونص ..تستطيع نقل مابها من مقالات واضافتها لمواقع الArticles للاشهار مواقعك
    الخلاصة معاك الكتاب تعمل فيه زى منتا عاوز ...لو حتى تبله وتشرب ميته ..." لاحظ حسب الحقوق المعطية مع الكتاب"
    لكن سؤال: لماذا يبيعها المؤلف ويعطيك حقوقها....الكثير لايفهم اجابة هذا السؤال..ولكن اجابته سهلة جدا
    وهى انه يضمن ضمن مقالاته احد مواقعه ..كمثال مثلا.. عرض افيليتس ...كمثال...وطبعا هو المستفيد من كل النواحى..الكتاب اتباع لمئات ...اتنشر موقعه باسلوب زكى لالاف القراء ...
    المصدر الرئيسى لهذه المنتجات : Digitalpoint و worrier forums
    لدرجة انه يمكنك شراء الكتب بالجملة ...او فى بعض الاحيان الكتاب بدولار ..للى يشترى ..!!!
    يتدرج الكتاب من شخص لاخر ..وكل منهم يعدل فى الكتاب ..كما يريد وكل منهم يضيف اليه مايريد من اعلانات او تغير اسماء او .......الى ان يصل لليد الاخيرة وهى اللى هيشترى بملغ 20 دولار مثلا
    وتكون مقالات الكتاب اتنشرت من زمااااااااااااان واتعمل منها مواقع وبلوجات ..
    شفتوا فكر الاجانب وصل لحد فين؟
    يقوم بقى جاى واحد زى اشهر مسوق الكترونى عربى معروف " محمد عبد التواب " يقولك انا اشتريت حقوق الكتب دى وهعطيهالك مجانا ...تقوم ساعتها مصدق وتقول فعلا الــبرنامج يستاهل 1000 دولار !!!
    هل تعتقد مثلا ان اشهر كتاب فى المدونات.. ..لصاحبة اكبر مدون فى العالم Darren Rowse من موقع Blog Tips to Help You Make Money Blogging - ProBlogger
    انه ممكن ينزل PLR مثلا ؟؟؟
    هل تعتقد ان اشهر برنامج حقق مبيعات فى Clikbank وهو برنامج SEOElite انه ممكن ينزل فى يوم من الايام PLR
    بلاش اشهر: اضرب مثال لاى برنامج او كتاب مفيد وتخيل لو انت صاحبه تنزله PLR????
    الاجابة واضحة وضح الشمس!!!
    طيب يبعها ازاى؟؟؟ اعلانات ادووردز ..واللى بيدفعوا كتير.....مدام شكل الكتاب شيك والSales letters معمولة بتميز ..الكتاب يبيع نفسه!!!!





    التعديل الأخير تم بواسطة صيدلى ; 29-08-2009 الساعة 02:33 AM
    __________________
    SEO Equation

  10. #10
    عضو نشيط جدا
    تاريخ التسجيل
    Mar 2008
    المشاركات
    325


    اراء بعض لاعضاء ممن راسلونى فى برامج نت

    اهلا استاذ رمضان مبارك
    انا من الناس لي اشترت من محمد عبد التواب والحقيقة اتعلمت حاجات مكنتش اعرفها
    بس مش لدرجة اني دفعت كل لي قدامي ولي ورايا وفي الاخير الدعم الفني صفر
    المهم اود ان اشير لنقطة انت ذكرتها ما يوجد في النت يمكن افضل مما قدمه محمد عبد التواب وربما مشابه والصراحة ندمت
    حتى انه عندما باع لنا باع لنا التطريز بدل ما يفدنا بموقع مثل موزي او بيت والذي الربح منه مضمون اتمنى ان تفيدنا انت لأنه يظهر انك انسان محترم

    شكرا لموضوعك عن محمد عبد التواب

    لانة اثبتلى واكدلى فكرتى عنة ونقدى لة من سنة كاملة






    __________________
    SEO Equation

  11. #11
    عضو فعال
    تاريخ التسجيل
    May 2006
    المشاركات
    1,755


    الخلاصة من الكلام دة كله بالنسبة لى وانا اتفق معاك تماما فيها هى ان كل المنتج عبارة عن حجات احنا نجيبها من اى حتة بسهولة وببلاش تقريبا انا معايا الفلاشتين بتوع اى منتج مليانين كتب انجليزى وفيديوهات وللامانة بعض الشرح البسيط عن تشغيل سكريبت الفيديوهات ورفعه وكلام بدائى بنسبة 90 % بالنسبة لى


    خير الكلام ما قل ودل يا استاذ محمد احنا فى 2009 وبنعرف نوصل لنفس مصادرك لو ناوى تنزل منتج وتبيعه لازم يكون:
    1- محتوى عربى 100% ودى مهمتك انك تترجم كل حاجة لانك فى المقابل هتاخد فلوس
    2-فكرة جديدة شغالة دلوقتى وتحط اثباتات دفع مؤرخة بسنة 2009 لان كلنا عارفين ان فيه حجات بتشتغل فترة وتنام واقربها ادسنس زمان كانت بتعمل ارقام فلكية دلوقتى فيه انخفاض حاد بنسبة 90%
    3- التركيز على فكرتين تلاتة بالكتير فيهم الفايدة طالما بالعربى احسن من 400000 مليون حاجة فى الفلاشة كلهم انجليزى مشتتين
    4-تخفيض السعر ودى نقطة انت حر فيها بس احنا شايفين انه سعر اوفر اوى
    5-عرض امثلة من شغلك ومواقعك الى بتكسب منها بالعربى





    __________________
    اقرأ القران الكريم

    Proud To Be A Muslim



    نسألكم الدعاء لأمى بالرحمة والمغفرة, اللهم قها عذابك يوم تبعث عبادك اللهم نور لها قبرها ووسع مدخلها وأنس وحشتها وأرحم غربتها وشيبتها

  12. #12
    عضو نشيط جدا
    تاريخ التسجيل
    Mar 2008
    المشاركات
    325


    الخلاصة من الكلام دة كله بالنسبة لى وانا اتفق معاك تماما فيها هى ان كل المنتج عبارة عن حجات احنا نجيبها من اى حتة بسهولة وببلاش تقريبا انا معايا الفلاشتين بتوع اى منتج مليانين كتب انجليزى وفيديوهات وللامانة بعض الشرح البسيط عن تشغيل سكريبت الفيديوهات ورفعه وكلام بدائى بنسبة 90 % بالنسبة لى


    خير الكلام ما قل ودل يا استاذ محمد احنا فى 2009 وبنعرف نوصل لنفس مصادرك لو ناوى تنزل منتج وتبيعه لازم يكون:
    1- محتوى عربى 100% ودى مهمتك انك تترجم كل حاجة لانك فى المقابل هتاخد فلوس
    2-فكرة جديدة شغالة دلوقتى وتحط اثباتات دفع مؤرخة بسنة 2009 لان كلنا عارفين ان فيه حجات بتشتغل فترة وتنام واقربها ادسنس زمان كانت بتعمل ارقام فلكية دلوقتى فيه انخفاض حاد بنسبة 90%
    3- التركيز على فكرتين تلاتة بالكتير فيهم الفايدة طالما بالعربى احسن من 400000 مليون حاجة فى الفلاشة كلهم انجليزى مشتتين
    4-تخفيض السعر ودى نقطة انت حر فيها بس احنا شايفين انه سعر اوفر اوى
    5-عرض امثلة من شغلك ومواقعك الى بتكسب منها بالعربى
    انت من الاعضاء اللى بحترم رايهم هنا فى سوالف

    بالظط دة الكلام اللى كنت بقولهوله
    يااما يرخص سعر البرنامج يااما يضيف القيمة الحقيقية التى تساويه ..
    اضعف الايمان يقدم دعم فنى للغلابة اللى اتدبسوا معاه.زى ماعمل الاستاذ احمد محى الدين
    مع الناس اللى دفعت له فلوس
    ولكنه مفهمش كل الكلام دة ...كل اللى شافه فى رسائلى هما الكلمتين اللى فى مزاجه ..واللى وصلهم للناس باسلوب **** مثله.

    النهاية هو غار فى ستين داهية تاخده ..يروح بقى يدور على ناس من لغة تانية يشتغل عليهم





    __________________
    SEO Equation

  13. #13


    محمد : اشتري آلة التطريز
    محمد : قام بتطريز اول موقع له علي الأنترنت
    محمد : قام بأختراع طرازة بالكهربا
    محمد : اصبح ملياردير وذكر اسمه بجانب بل جيتس

    كن مثل محمد واحصل علي آلة التطريز فقط لدينا بسعر رمزي ( 250 دولار + مصاريف الشحن والتفريغ )

    فعلاً مساكين اللي اشتروا الفلاشة
    ما نالو سوي التطريز عليهم

    للأسف توجه للمصرين الغلابة وأنا واثق ان معظمهم حصل علي ال 1000 جنيه بالسلف والدين او ربما اقنع اهله انها بداية جلب الثروة لهم وهو مازال يسكن الأن في العشوائيات وفلاشة الأخ محمد عبد التواب ( ربنا يتوب عليه ) مسنود بها العشة





    __________________
    السيف أصدق أنباء من الكتب

  14. #14
    عضو فعال
    تاريخ التسجيل
    Feb 2008
    المشاركات
    1,589


    محمد : اشتري آلة التطريز
    محمد : قام بتطريز اول موقع له علي الأنترنت
    محمد : قام بأختراع طرازة بالكهربا
    محمد : اصبح ملياردير وذكر اسمه بجانب بل جيتس

    كن مثل محمد واحصل علي آلة التطريز فقط لدينا بسعر رمزي ( 250 دولار + مصاريف الشحن والتفريغ )

    فعلاً مساكين اللي اشتروا الفلاشة
    ما نالو سوي التطريز عليهم

    للأسف توجه للمصرين الغلابة وأنا واثق ان معظمهم حصل علي ال 1000 جنيه بالسلف والدين او ربما اقنع اهله انها بداية جلب الثروة لهم وهو مازال يسكن الأن في العشوائيات وفلاشة الأخ محمد عبد التواب ( ربنا يتوب عليه ) مسنود بها العشة
    يا حبي
    شكل البرمجة لحسة مخك
    الله يعينك
    400 دولار يعني
    2200
    وليس الرقم الي كتبته










ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض