[للمصريين] : اصدار بطاقة 4U Card إنترنت + تفعيل حساب PayPal والشراء به

[MtRp]

رائعة جدا هذه الفيزا وانصح بعدم الاشتراك من قطر لان مسموح لها بالارسال فقط.
الافضل تختار الامارات او الهند لانها مسموح ترسل وتستقبل اموال فى الحساب.

ملحوظة لا تحتفظ باى مبالغ كبيرة فى الحساب بعد تفعيله تحسبنا لاى ظرف لا قدر الله لانه وقتها سوف يقومون بتعليق الحساب للحين إرسال لهم بطاقة الهوية من البلد الموجودة فى الحساب.

فعلا كلامك صحيح وياريت الناس تجرب على الامارات وتشوف ينفع يتسحب من الفيزا ويتحط فى الرصيد

بالنسبة للمبالغ المالية ففعلا لازم يكون المبلغ قليل لان باى بال مش مضمونة حتى لو مصر اتضافت بعد كده فهى مشاكلها غبية

مفهمتش يا مطرب يعني ايه فيزا لا تقبل السحب منها !!

ينفع تحط رصيد في الباي بال عن طريق الفيزا ؟ ولو لأ يبقى لأ ليه ?


و بالنسبة للفيزا لا تتطلب اي عمر ... ينفع للي اقل من 18 سنة ؟

للاسف ميتفعش تاخد رصيد من الفيزا يمكن لانى اخترت قطر لو كنت اخترت الامارات كان نفع
والفيزا بتنفع من 16 سنة

بقالك اد ايه مجرب الموضوع دة ؟ عملت الاكونت من امتى وهل اشتريت اى حاجة بمبلغ كبير ولا لا ؟ عايزين نعرف لو الطريقة دة مجربة لفترة كبيرة ولا لا ولو فعلا نفعت يبقى اختراع جامد جدا انا هموت واعمل اكونت باى بال من مصر

بخصوص موضوع التحويل دى ممكن نطلب من اى حد عنده اكونت يحول لنا الفلوس واحنا نبقى نديهاله

بقالى اسبوع وبدخل كل يوم اكتر من مرة
ولسا بتفق مع واحد يحولى رصيد علشان اجرب اشترى بيه واشوف
بس عموما الموضوع مش صعب يعنى لو الموضوع ده منفعش انت ممكن تدور على vpn لاى دولة وتشتريه وتحتار الدولة فى الباى بال وكده بقيت فى السليم :nice:

[MtRp]

وعليكمـ السلامـ ورحمة الله وبركاته

فعلاً بعد بحث علي الانترنت وجد ان افضل بنك يقدم فيزا نت للمصرين هو البنك العربي الافريقي 4u

وبالنسبة للباي بال الافضل تستبدلوة بموقع الموني بوكرز وبتقدر ترسل وتستقبل رصيدك للفيزا او لحسابك البنكي

شكراً علي الموضوع

البنك العربى الافريقى ممتاز بس عيبه الوحيد هو عدم وجود كشف حساب اونلاين زى Nsgb
والمونى بوكر جيدة لكن paypal اشهر ومطلوب اكثر

مش عارف يا جماعة انتم ليه مهتمين بمسألة سحب الفلوس اكثر من اي شيء اخر !

ياسيدي ما تسحبش فلوسك
واشتري بيها من علي الانترنت ترجع لك الفلوس في شكل بضاعة او خدمة

الفكرة يا اخوان هو نجاح او عدم نجاح الفكرة خصوصا معانا نحن المصريين ..

لاني هنا في مصر جربت الطريقة وسجلت علي اني من السعودية
وشحنت الرصيد بالفيزا وبقيت بشتري بيه واستلم عليه بكل سهولة طوال شهر كامل

وبعدهافوجئت بان رصيدي اغلق تماما!!
ومطلوب مني ارسال اوراق رسمية موضح فيها البيانات والعنوان :app:
يعني راحت عليك يا بطل !!

لذلك ارجوا اننا نشوف نجاح عملية انشاء الحساب اولا
وبعدها نتكلم في الدفع من عدمهَ

هو لحد الان لم تجدث لى المشكلة دى
بس متفتكرش قبل ما يتقفل حسابك كنت عامل حاجة غريبة ؟
لانه او اتقفل بسبب عنوان ip كان اتقفل من زمان لان اكيد الموضوع ده اتوماتيك فيمكن عملت حاجة هى اللى قفلت حسابك

بصراحة دة افضل حل شفته

http://www.shbaka.com/vb/t10542.html


انا مجربتوش لكن واضح انها طريقة ذكية وفعالة جدا


وعلى فكرة يامطرب ..فى اقل من شهر هيبقفلوا حسابك لحد متبعتلهم صورة من حسابك البنكى فى البلد اللى انت مسجل بيها...

حصلت معايا وقفلوا حسابى وخسرونى 150 دولار فى حجات كنت اشتريتها واضطريت ادفع تمنها تانى بالفيزا

شكرا على رابط الموضوع هحاول اجرب الطريقة
بس ليه بيقفلوا الحساب لما يعدى شهر او اقل
وعموما ده لو حصل معايا يبقى مفيش غير Vpn هو اللى هيحل مشاكل PayPal

[فكرة للدعاية]

هذه تجربتى بعد موضوعك يا Mtrp

انا عملت نفس الخطوات وعندى بالفعل حساب بطاقة ائتمانية

وبدخل من سيرفر ويندوز فى امريكا واخترت الامارات

ولكن البطاقة من مصر ومش بيعمل ايداعات من البطاقة يعنى مش بيعمل سحب من البطاقة وللاسف المشكلة مش هتنحل لان البطاقة من بنك مصرى

الحل الوحيد ان شخص يحولك لحسابك وانت تحول له المبلغ كاش

ومشكلة تانية ان الشخص لازم يكون موثوق لان لو حول لك الاموال من حسابات مسروقة لا قدر الله ممكن تعرض حسابك انت للايقاف

الموضوع من شهرين لكن قلت ازود الموضوع بتجربة جديدة معه عشان مفتحش موضوع جديد

السؤال الان : هل هناك موقع وسيط اجنبى ادفع له عن طريق الكريدت كارد ويحولى المبلغ للباى بال ؟؟

[ArbDownLoad.CoM]

مصرى = مفيش باى بال فى باى باى