عاوز حد يفهمنى حوار الرابيد شير صح

[khashabawy]

السلام عليكم ورحمة الله و بركاته

ياريت حد يفهمنى إيه حوار ال Premium RapidPoints و ال Free RapidPoints:

و إزاى يكون الحساب الفرى فيه Free RapidPoints: و يكون برضه فيه Premium RapidPoints

و أنا عندى أكونت رابيد شير بريميوم أرفع عليه أحسن ولا على الفرى ؟

و نظام النقط بيتحسب إزاى ؟

[صيدلى]

لو رفعت على الحساب المجانى ...الملف هينزل 10مرات بس وبعدين يتحذف
ارفع على البريميوم احسن

[alFarisDev]

علي فكرة الملف مش بينحذف يا دكتور ابراهيم مهما كانت عدد مرات التحميل ..
رابيد شير بتديك فترة سماح حتي 90 يوم .. من اخر مرة تم تحميل يها الملف
والملف لا يحذف الا اذا كان المحتوي غير شرعي .. او ان الشخص نفسه قام بحذف الملف نفسة

بالنسبة بقي لحكاية النقاط دي انا حشرحها للأخ السائل ..
انت لو رفعت اي ملف حجمه لا يقل عن 5 ميجا ... بيتعمل لك حساب مجاني علي رابيد شير
وعلي كل شخص يقوم بتحميله بتحصل علي نقطة اللي هي اسمها (Premium RapidPoints )
بحد اقصي 250 نقطة كل يوم ..
النقاط دي انت ممكن تستفيد منها عن طريق الحصول علي شهر برميم مجانا تكلفته 10000 نقطة
او تحصل علي باندوث اضافي .. تكلفته تقريبا 50 نقطة .. وهكذا ..

وعلي فكرة النقاط دي برضه موجودة ايضا في الحسابات البرميم .. وعلي كل تحميل نقطة واحدة

لو عايز بقي ترفع ملفاتك ..
اذا كان حسابك طويل اكثر من 3 شهور .. ارفع عليه
اما اذا كان اقل ... انصحك انك ترفع علي الحساب المجاني
لان لو حسابك البرميم انتهي .. الحساب وكل الملفات بيتم حذفها خلال 15 يوم ..

[khashabawy]

السلام عليكم ورحمة الله

أنا قرأت فى ال faq بتاع الرابيد شير و فهمت الحوار ماشى إزاى

الحوار كله بدأ لما أنا كنت بكلم واحد عشان أشترى منه كونت بريميم ب 30 جنيه زى ما هو بيبيع

المهم إنه الشخص دا فى وسط الكلام قولتله أنا عندى اكونت فرى وفيه 6000 نقطة ومستنيهم يوصلوا 10000 نقطه عشان أحولهم لأكونت بريميم بس بيزيدوا ببطئ جداً

قعد يضحك كتييييييير و قالى إنه النقط دى كدا تجيبلى 3 أكونتات لأنه فى عرض حاليا ف الرابيد شير إن الأكونت بيحتاج 1998 نقطه وقالى إزاى أكريتهم و فعلاً كريت واحد و شغال بيه دلوقتى


أنا كنت عاوز أعرف الفرق بين الرفع على الأكونت البريميوم و الأكونت الفرى ... مين أحسن و هل فى نقط زيادة على البريميوم لكن لما قريت فى ال faq لقيتهم زى بعض .



فى نوعين من النقط :

Premium-RapidPoints

بتاخدها نقطه لما حد ينزل بريميوم حاجه إنت رفعتها سواء على فرى أو بريميوم (بحيث حجمها أكبر من 5 ميجا) + نقطه كل 100 ميجا لأى حد مش شرط يكون أكونت بريميم

وكمان لما حد يسجل أكونت بريميوم عن طريق لنك الريفير أو عن طريق ملف من ملفاتك

بتكون مطلوبه عشان تاخد جوايز معينه فى الرابيد شير

تقدر تحولها ل Free-RapidPoint فى نفس الأكونت سواء أكونت بريميوم أو فرى لكن مش ينفع العكس

و تقدر تاخد بيها أو تمد فترة أكونت لو معاك عدد نقط معين (حالياً 1998 نقطه)



Free-RapidPoint

بتاخدها لما حد ينزل فرى حاجه إنت رفعتها سواء على فرى أو بريميوم (حجم أكبر من 5 ميجا)

و تقدر تاخد بيها أو تمد فترة أكونت لو معاك عدد نقط معين (حالياً 1998 نقطه)




أمثالة :

* عندك ملف 5 ميجا وواحد معاه أكونت بريميوم نزله بتاخد نقطه برميموم

* عندك ملف 5 ميجا وواحد معاه أكونت فرى نزله بتاخد نقطه فرى

* عندك ملف 100 ميجا و أى حد نزله بتاخد نقطة بريميوم

[alFarisDev]

غريبة قوي حجاية نقاط فري ونقاط برميم ..
وحكاية انك ما تقدرش تاخد اكثر من 3 نقاط في الساعة ممله جداا

فين ايام العز لما كنا بنرفع برنامج صغير حجمة 1 ميجا
كان بيجيب لنا حوالي 1000 نقطة في اليوم