منتدى سيو ولا كتاب سيو ... ساعدنى فى الاختيار..قبل ان اودع سوالف

[صيدلى]

لم اقصد الحادثة التي تتكلم عنها ابراهيم واعلم بالطبع اختلاف المجالات، ولكني اتكلم علي نقطة الاسعار وتقدير وتفضيل العملاء في عالمنا العربي للتعامل مع الاشياء الملموسة عن اشياء يصفها ويعتبرها البعض مجرد شراء لسراب، وان كان يقلقك ان هناك بعض المنتجات تحتاج الي متابعة عملية علي الانترنت فتستطيع كاضافة ان تربط بين هذة المنتجات الملموسة وبين موقعك الكتروني تخصص فية قسما بعضويات مجانية خاصة لعملاء منتجك تفيدهم فيه بهذة الطرق والاساليب العملية او التجديدات والروابط وغيرها.

طبعا فكما ذكرت لك الامر حسب رؤيتك الشخصية للاسلوب الذي تود اتباعة لتحقيق ربحك، ربح سريع لمنتجك او بعض منتجاتك وينتهي الامر او ربح مع قيمة ادبية لك وفائدة ربحية مستقبلية مضمونة.

انا عارف ان الفكرة هتبقى صعبة الفهم مننا كعرب...لاننا تعودنا ان كل شىء امامنا مجانى ..برامج بكراك ...كتاب على الرابيد شير ..منتديات لاحصر لها ...
ولكن لا تنسى ان الفئة المستهدفة من الموقع ..هم مدراء المواقع ..ومستحيل تلاقى حد فيهم ميعرفش يعنى ايه بيع وشراء من الانترنت ..ويعنى يه حاجة ملموسة من حاجة غير ملموسة

وان شاء الله هعمل اقسام مجانية 100% كانه منتدى منفصل ...الاختلاف الوحيد فى صلاحية العضو
المجانى والعضوية المدفوعة
وان كنت الى الان لا اعلم كيفية عمل مثل هذا ..ولكن بالبحث سأجد ضالتى ان شاء الله

ولكن بنظرتك ...مامعنى 50 او 100 دولار ؟؟ "250-500جنيه" او " 170-300ريال"..بالنسبة لصاحب موقع يريد اشهار مواقعه ؟؟؟
سهل اوى انك تروح لبرنامج اددوردز وتصرف 200 دولار فى ربع ساعة لمجرد الحصول على كم زائر
سهل اوى انك تدفع 350 ريال لسوالف سوفت عشان تحصل على عضوية خاصة .تسهل لك الحصول على خاصية dofollow لموقعك فى التوقيع .

بدات الدفة تميل نحو عمل منتدى ..ولم اجد احد يرشح كتاب الكترونى ...وانا بدات ارجح الفكرة وواردتنى افكار جميلة لتنميتها

[Gawalak.Com]

الاتنين: المنتدى المدفوع وكتب مدفوعة
اولا بأسلوبك الشيق هتعمل خطوات وافكار زى اللى كنت بتعمل بيها مواضيع هنا وهتحطها فى منتداك مجانا ومتعملش المنتدى المدفوع فى الاول خالص لازم 6 شهور على الاقل مجانا بحيث انك تملا المنتدى محتوى قيم ومميز لانك لو بدأت مدفوع الناس هتشترك بناء على ايه ؟ فلازم حاجت تحفزها والحاجه دى هى المحتويات المجانيه القوية وبعد كده تحدد سعر العضوية وانا شايف ان سعرك مناسب جدا بس هل العضويه دى شهرية ولا سنوية ولا دائمة ؟
منصحكش تخليها دائمة وخليها سنوية مثلا بسعر كذا مثلا 500 والتجديد السنوى يكون اقل مثلا 250 وكده وبلاش تخليها دائمة علشان تستفيد برضه وتقدر تدعم الموقع
وبرضه خلى فيه شكل جمالى زى ان العضويه المدفوعه هيكون ليها لون معين ومميزات معينه بحيث ان الناس تتشد ليها
ايضا كل فتره تعمل كتاب بـفلوس ويكون للاعضاء والزوار واى حد مثلا ب 500 والاعضاء المدفوعين يكون ليهم خصم 25% مثلا ودى طبعا هتخليها من مزايا العضويه المدفوعه انهم هيحصلوا على خصومات على منتجات الموقع
وطبعا عشان دعايه الكتب هتعمل برضه كتب مجانيه للسيو للمبتدئين باسلوب شيق وبكده لو عجب الناس الكتاب هيشتروا النسخه المدفوعه
والمنتدى طبعا تخصصه الاول السيو لكن كمان خليه شامل يعنى صيانه وعروض وشروحات و و و بحيث انه ميبقاش فى ركن واحد بس وان شاء الله تتوسع وتيبقى القسم المدفوع مش شامل بس السيو لا بل كل حاجه عن المواقع
وربنا يوفققك

[Mr.Mido]

اهلا بيك استاذنا

فى كلا الحالات ..سواء كتاب او منتدى ..لازم هيكون فيه خدمات مجانية...
لو عملت كتاب ..يبقى الاغلب هيكون معاه مدونة ووردبريس بمواضيع مجانية

لو عملت منتدى يبقى مينفعش غير اقسام مفتوحة واقسام مدفوعة

احنا لسة موصلناش لموقع زى seomoz ..
مبدا البيع والتجارة فى الانترنت العربى ..فى بدايته..مينفعش ..اعمل نفس فكرة موقع زى دة
وخبرتى لم تصل لقوة مثل هذة المواقع العالمية ..اللى اصحابها كانوا شغالين فى جوجل!

يشرفنى وجود رجل محترم مثلك ..وان شاء الله اول عضوية مجانية او نسخة كتاب مجانية هتكون لحضرتك

انا مقصدش تعمل حاجة بمستوى seomoz ولو اننا نقدر بس احنا منعرفش اننا نقدر بس انا قصدى خد الميكانيزم نفسه وطبقه بعد ماتعدله بدماغك وطريقتك والى يناسب العملاء العرب الى هما اصحاب المواقع او المهتمين بالمجال دة
انا شايف انك تعمل المنتدى بس ركز جدا على كلمة حصريات يعنى حاول تخلى منتداك هو الاختيار الاول للمهتمين بالسيو من العرب ودة مش هيحصل غير بتقديم معلومات جديدة مع طبعا توفير المعلومات الاساسية للمبتدئين وخد بالك الموضوع محتاج نفس طويل هتحتاج تصبر عالموقع فترة وعلى عدم تفاعل ونشاط الاعضاء بس انت لو قدمت حاجة مميزة هتلاقى تفاعل رهيب انصحك تعمل محاضرات صوتية ومرئية شروحات فيديو لاستخدامات برامج او تطبيق طرق معينة مع التطبيق بامثلة عملية ملكك انت شخصيا لاستهداف كلمات هتخلى الناس تتابع معاك من البداية ولحد ماتوصل للنتيجة مع شرح الخطوات دة هيخلى الناس تثق فى المعلومة المجانية الى بتقدمها وهيزود نسبة مبيعات المعلومة المدفوعة فى صورة كتاب
المطلوب مش العدد فى البداية على قد ما تركز على استهداف الشريحة (الى فعلا عايزة تتعلم) الناس دى هيا الى هتقوم بالموقع
طبعا لازم تضيف ادوات سيو كتيرة زى موقع seochat او Linkvendor بس بواجهة عربية

بالتوفيق ان شاء الله

[i6i.cc]

الاخ صيدلي
فكرة المنتدى اشوفها عملية اكثر وافضل... من خلال الدعم والمناقشه... عندي كم فكره تفيدك وتفيد العضو المفترض:

- لابد من تقسيم الاعضاء الى مستويات (اقصد من خلال مواضيعك)
يعني لازم يصير في بالك ان فيه اعضاء خبرتهم متقدمه في Search Engine Optimization وفي التعامل مع google adsense
وبعضهم (ابيض) وبعضهم يمشي حاله ولكن يحتاج الى توضيح دائما

- كيف تقدر تتغلب على البدايات ؟؟
يعني اكيد مدراء المواقع راح ينتظرون وجود مواضيع كثيره او مفيده على الاقل قبل الاشتراك
يعني .. كيف تقنعهم بالاشتراك من البدايه؟ ... لأنهم راح ينتظرون لما يصير المنتدى فيه مواضيع تستاهل الاشتراك (من وجهة نظرهم)

- توضيح كيفية الدعم الفني ....

- عمل قسم طلبات خاص لكيفية عرض اعلانات ادسنس في موقع العضو (يعني تخش موقعه وتعطيه الشكل و اللون و المكان المناسب لإعلان)
ودي اقول بمقابل لكن اخاف من باقي الاعضاء

وعندي افكار لكن اكتفي بهذا القدر والمخرج يأشر لنا

[elrafei]

اميل لفكرة الكتاب وتدعمه بالمنتدى !!

[alFarisDev]

انا رأيي ان يكون منتدي :
لانه ارخص + حيوفر عليك مصاريف كتيرة + حيوفر مصاريف اضافية كان سيلقي عبئها علي المشتري
حيكون التفاعل اكبر + حيديك فرصه لتطوير كتاباتك بشكل اسرع
+ حيدي فرصه لمشاركة الاخرين والاستفادة منهم + حيكون فرصه لتوليد افكار جديد انك ممكن تستفيد منها شخصيا
+حتلاقي نفسك في كلا الاحوال حتعمل منتدي عشان الدعم الفني ..


اما بالنسبة للكتاب حتجيب لك وجع الدماغ ..
كتابته + طباعة + تكاليف الاسطونات والفلاشات + شركة الشحن + المرتجات
+
التواصل حيكون ضعيف مع المشترين وده قد لا يسبب نجاح منتجك
+
حتي لا يعتقد احد انك تتشبه المدعو عبد التواب وتريد ان تنافسه كما افتري عليك !


نصيحة شخصية :
خلي النظام زي المواقع الاجنبية :
سعر الرسوم معقول وفي المتناول × حيحيب لك اعضاء كتير = حيبقي مكسبك منها حلو باذن الله


لكن لو خليت الرسوم غالية:
عدد المشترين بالتأكيد حيقل
+
حتلاقي اغلب النوابغ او المحترفين غير قادرين علي دفع ثمنها
+
وحتلاقي اغلب اللي حيدفع لك الجهلة او محدثي النعمة اللي بيدوروا علي الثروة اللي حتمطرها عليهم السماء !! وبعدها يدعي عليك ويشهر بيك في المنتديات لانه ما كسبش مليون دولار في اول اسبوع !!
+
ممكن ناس تحس انها محروقة بسبب الرسوم وتنشر المحتوي ده لصالحها الخاص !
+
لو حدث تسرب لمنتجاتك .. الكل طبعا حيجري علي المحتويات المسربة لانهم غير قادرين علي دفع رسوم العضوية

[web-enter]

انا رأيي ان يكون منتدي :
لانه ارخص + حيوفر عليك مصاريف كتيرة + حيوفر مصاريف اضافية كان سيلقي عبئها علي المشتري
حيكون التفاعل اكبر + حيديك فرصه لتطوير كتاباتك بشكل اسرع
+ حيدي فرصه لمشاركة الاخرين والاستفادة منهم + حيكون فرصه لتوليد افكار جديد انك ممكن تستفيد منها شخصيا
+حتلاقي نفسك في كلا الاحوال حتعمل منتدي عشان الدعم الفني ..

دفع رسوم العضوية[/B][/COLOR]

كلامك كامل والكمال لله جميل وصحيح

وكل النقاط التى طرحتهن صحيحة

عموما عزيزي صاحب الموضوع اهم شي التعامل ما بين الاعضاء والاهتمام بكبيرة وصغيرة

[عبادي القرني]

عزيزي إبراهيم .. فكرتك رائعة جداً وتنقصنا مثل هذه المواقع . .

أولاً انا أثق تماماً من تمكنك في الـ SEO والله يزيدك إن شاء الله علماً . .

الشيء الثاني أنا أرشح فكرة المنتدى لأسباب أهمها : أن الـ SEO مجال متطور وكل يوم فيه شيء جديد فبتالي أنت لو وضعت ما لديك من علم في هذا المجال وحصرته في كتاب . . إنتهت أو بمعنى أصح قلت قيمة الكتاب فيما بعد .. وعلى العكس مع المنتدى بحيث أنه سيكون متجدد . ولديك نقاشات وأفكار أنت نفسك ستستفيد منها بالطبع . . وأيضاً من سلبيات الكتاب أنه سيحصر ما لديك من علم في الوقت الراهن أما ما تتعلمه مستقبلاً فلن يكون موجوداً في الكتاب فهذه سلبية أخرى . .

لذلك أرى أن تستخير الله سبحانه وتعالى .. ثم تستشير .. ثم تتوكل على الله وتنشيء المنتدى

والله يوفقك

[خالد الحربي]

هلا صيدلي

لا اخفيك اني فكرتك بهالفكرة منذ فترة واللي جعلني استغني عنها : عدم توفر الوقت الكافي

الفكرة بأذن الله ممتازة

تقدر تستفيد منها في 3 حاجات طبعاً الافضل هو المنتدى في نظري بحيث تقدر تتواصل مع عملائك

ولكن يجب عليك ان تكون صبور جداً وتكون لك فريق عمل لانه لوحدك راح يكون الامر متعب شوي

ال 3 حاجات هي :
1.منتدى
2.كتب بشكل متواصل يعني مايكون كل علمك بكتاب واحد ! حتى يعرفون عملائك انك شغال وتحاول توفر لهم المميز والحصري فيها
3.قائمة بريدية

* طبعاً وضح لعملائك في دروسك ان هالدرس black hat او white hat (: وطبعاً يكون عندهم خلفيه عن كل شي فيهم

* ابدأ بالشي المجاني حتى تكسب شريحه كبيرةمن الزوار وثقتهم بس مو اي مجاني خليك عالمميز (:


وان شاء الله نكون متواجدين معاك (:

[صيدلى]

السلام عليكم
اولا اشكر كل من ساهم بافكار ومقترحات ...

الاخ Gawalak.Com :
افكارك جميلة واشكرك عليها ...وكلها وضعتها فى الاعتبار .ماعدا ..نقطة اول 6 شهور منتدى مجانى

الاخ العزيز Mr.Mido :
دائما مااحترم كلماتك ...واشكرك بجد على نصايحك..وخصوصا

"طبعا لازم تضيف ادوات سيو كتيرة زى موقع seochat او Linkvendor بس بواجهة عربية "

الاخ i6i.cc:
نبهنى ردك + رسالة من احد الاصدقاء ..الى شىء خطير جداا..وهى خبرة العضو او المشترى

وللاسف مش هقدر ادعم اعضاء خبراتهم قليلة ...لذلك لن يتم قبول اى مسجل وخلاص
اهم شىء ان يكون له خبرة وتجارب سابقة ..ويقدر يستوعب الكلام اللى هيتقال ..وينفذه
لانى ببساطة مش هقدر ادعم واحد ميعرفش ازاى يسجل دومين او استضافة من مكان ما ..
دة محتاج انى ابدا معاه الف باء تاء انترنت ..

اذن توصلت الى انه لن يتم قبول اى عضويات ..الا اذا كان صاحب العضوية من ذوى الخبرة او على الاقل يقدر ينفذ المطلوب منه

اخى alFarisDev:
انت اكدت لى بنسبة 100% انى ابدا بعمل المنتدى وانسى فكرة الكتاب ..وان كنت هنزل بعض الريبورتات المجانية ان شاء الله
ومتقلش العضوية هيبقى سعرها مناسب جدااا جدااا...وان شاء الله هتبقى فى متناول الجميع

اخى d-al3zeef.net:
اهم من المعلومة هو الدعم الفنى ..ودى اهم اهداف انشاء منتدى ان شاء الله
وكمان كل يوم فيه جديد فى عالم السيو ...عندك حق

الاخ secret خالد:
للاسف هبدا لوحدى ومش معايا فريق عمل ..ربنا يكرم بحد يساعدنى فى الفكرة ..ولوحتى باجور متفق عليها

[elrafei]

الف مبروك ياريس خلاص فكرة المنتدى انا فعلا ارتحت لها بعد رد الاخ alFarisDev و الله المستعان .. اتمنى ان اكون اول المشاركين بس خلي بالك من الاسعار بقه !!

[صيدلى]

على بركة الله ...لا خاب من استشار

ان شاء الله المنتدى هيبقى جاهز بعد العيد ..وهيكون رابط المنتدى فى توقيعى

[أحمد الرشيدي]

باذن الله اول المشتركين عندك

والله يوفقك

بس خليك واقع بالاسعار شوي :d

[التحليه]

شد حيلك يا غالي وخليه منتدى

واعتبرني اول المشاركين عندك

وما اتوقع احد راح ينقل المواضيع لمنتدى ثاني

لانه اصحاب المواقع يحبوا يميزوا مواقعهم بالزوار

والدليل ..

ان اكبر المواقع ما تقلك سر ارشفتها

هذا رأيي المتواضع

وبالتوفيق لك اخي الكريم

[elrafei]

مازلنا في انتظار النتائج !!