هل ستأجل السعودية موعد الدراسه

[عادل الظفيري]

احتمالات الاصابه للأطفال كبيره جدا

من المفترض من الصفوف التاسعه ودون تأجل بصراحه لأنها الاكثر عرضه للأنفولنزا ..

[أبوهيثم]

ما أعتقد تتأجل
اذا كان شرط ايقاف الدراسة بالمدرسة هو اصابة 10% من الطلاب !!


حنا في رمضان.. وهو موسم متوقع لإنتشار المرض. وداخلين على فترة شتاء وأكيد راح ينشط المرض فيها.. وعندك الحج

على أقل تقدير تأجيل الدراسة شهر بعد رمضان وشهر بعد الحج..

اذا معزمين على اقل تقدير الابتدائي فقط واما ما فوق ذلك تستمر

[Ameen Al-Harbi]

اذا معزمين على اقل تقدير الابتدائي فقط واما ما فوق ذلك تستمر

الرازق بالسما والحاسد بالأرض

الحين الثانوي مابينهم مصابين بالربو وطلاب صحتهم على قدهم ؟

الله يصلحك يابوهيثم

هو التأجيل في الدول اللي أجلت فقط للإبتدائي. ولو فيه تأجيل بيكون للإبتدائي مع إلزام المعلمين بالدوام..

والسبب في عدم تأجيل الدراسة للثانوي وتأخر نزول الأمطار هو حسد المجتمع للمدرسين

[سليمان عبدالعزيز]

لو توقف الدراسة 3 سنوات ما راح يتاثر المجتمع ابد

وانا اشهد واتفه سنه مرت علي السنه الاخيره ( سريعه & طلعت وتقريباً 80% .. مادري وش الي خذيته وبإمتياز...)
الله واكبر يالدراسه اقول على الدنيا السلام بس

[أبوهيثم]

الرازق بالسما والحاسد بالأرض

الحين الثانوي مابينهم مصابين بالربو وطلاب صحتهم على قدهم ؟

الله يصلحك يابوهيثم

هو التأجيل في الدول اللي أجلت فقط للإبتدائي. ولو فيه تأجيل بيكون للإبتدائي مع إلزام المعلمين بالدوام..

والسبب في عدم تأجيل الدراسة للثانوي وتأخر نزول الأمطار هو حسد المجتمع للمدرسين

بس يالغالي انت عارف ان مناعة الصغير اقل من مناعة الكبير وهذا شي معروف

وهذا قصدي انه يمكن يتاثر وبشدة بعكس الكبير

وفي النهاية وجهة نظر

ابوهيثم

[oO(الباسل)oO]

بس يالغالي انت عارف ان مناعة الصغير اقل من مناعة الكبير وهذا شي معروف

وهذا قصدي انه يمكن يتاثر وبشدة بعكس الكبير

وفي النهاية وجهة نظر

ابوهيثم

غلطان وجهة نظر غير صحيحه .. الامراض والفيروسات يفتك الكبير قبل الصغير يعني كلهم سواسيه

[mad921]

الصغير بيجلس يلعب و يصف طابور مع اصدقائه ويلعبون مصارعه .. الخ (اكثر انفلونزا خنازير ) < طالب ابتدائي

الكبير بيجي للمدرسه متاخر وباخر الصف ومتلطم و في الفسحه بيطلع يدخن ولافيه احتكاك ابد مع طلاب (اقل انلفونزا) < طالب ثانوي

لذالك التاجيل بيكون لـ الأبتادائي اصح وافضل

والمعلمين اهم شئ يفتكون من طلاب والفطور كل يوم على واحد و جدول

[أبوهيثم]

غلطان وجهة نظر غير صحيحه .. الامراض والفيروسات يفتك الكبير قبل الصغير يعني كلهم سواسيه

وما يثبت ان وجهة نظري غير صحيحة ؟ :deal:

ترى مثل هالمعلومات تفيدنا ياليت تتاكد لنا لاهنت

[عادل الظفيري]

غلطان وجهة نظر غير صحيحه .. الامراض والفيروسات يفتك الكبير قبل الصغير يعني كلهم سواسيه

علي اي اساس كلامك , اقرأ عن المرض شوي

الاطفال الاكثر عرضه للأصابة بالمرض