شركات المحلول وحسبة برما
هل انت عميل لفادي فون ؟
لو هتكلم شبكة فادي فون يبقي الدقيقة الاولي بكذا
لكن الدقيقة التانية بكذتين
لكن بعد الدقيقة التانية في عملية حسابية عوض فيها ب 2 كذا تطلع لك عدد الكزوات
2X-4T+(5Y82M)FF
لكن لو كلمت شبكة تانية فلازم تعرف ان في حسبة تانية خالص
معاك الة حاسبة ؟
لازم تعرف ان ده كله مش ليك يا ظريف
لكن لازم تعرف كود الخدمة وتشترك فيها
لمعركة الاكواد أحصل علي دليل الأكواد من اقرب فرع خدمة بيتزا هع
ومتنساش ان كل خدمة تضرب كودها هتضربك بالجزمة ومعاها خصم من رصيدق يبدأ من 10 قروش ل 3 جنيه بمجرد ضرب الكود ( بتضربه ليه ياظالم !! )
لو عايز تشترك في خدمة اتنين عبط
اضرب الكود التالي *5693#
وكلم اي 2 عبط في مصر بدون كزاكيز ( يتم فحص نسبة العبط شهرياً لضمان استمرار الخدمة )
لكن خدمة احنا بلدي ودي بتكون الدقيقة ب 3 كزاكيز وربع
لكن لازم تضرب الرقم التالي *566954534363#
عايز تشترك في خدمة احنا مصريين ؟
ابعت رسالة فاضية علي اول رقم تشوفه في اي لوحة في الشارع مرفق معها فصيلة دمك وتحليل بول وبراز وضغط دم لإثبات انك مصري
لازم متنساش ان كله دي إعلانات في التلفزيون
لو مكنتش بتشوف تلفزيون فأنت علي نظام ( لسه بدري ) القديم وبتدفع 75 كذا للدقيقة <<<< شربها قبل كده
شركة ام نبيل
عرض خاص لجميع عملائنا
طوال شهر رمضان الدقيقة بنص كذا بس
لكن لازم تتصل ساعة أذان المغرب !!
طوووووووووووووووووووووووط
عفواً .... لقذ نفذ صبركم .. يرجي اعادة شحن البطاقة :eek3:
رحمتك يارب
__________________
السيف أصدق أنباء من الكتب
رد مع اقتباس
