استفسار للحصول علي فيزا انترنت داخل مصر

[أحمد الزغبى]

السلام عليكم ورحمة الله وبركاته

ارجو من ذوي استعمال بطاقات الائتمان ارشادي لافضل بنك يقدم فيزا انترنت داخل مصر

لاني ذهبت لفرع البنك الاهلي المصري وبيقولوي لازم تعمل وديعة ب الف جنية ومن خلالها بنطلع لك فيزا وكل ما اسألة علي حاجة وانا عارف اجابتها يقولي معرفش غير انك بتعمل وديعة بالف جنية الاول

قلت خلاص نطلع علي فرع بنك مصر رحت لهم قالولي عندك كام سنة قلتلهم 19 قالولي تعالي بعد سنتين لما يبقي عندك 21 هههههههه بيستهبلو الناس دي ولا اية قال بعد سنتين تعالي ههههه

دلوقتي انا مش عايز اغامر واسافر واسئل علي اي فروع لبنوك تانية زي العربي الافريقي او الاهلي سوستيه جنرال لان الناس كانت بتشكر في الاهلي وبنك مصر ورحت للفروع الموجودة عندي في البلد ومعرفتش اتعامل معاهم فخايف اسافر وادور علي فروع لبنوك تانية بعيدة عني والاقيها بنفس النظام ويطلعو لي مشاكل

مع ان علي النت الناس كلها تقولك معاك بطاقة بتقدم علي استمارة ما بين 10 او 20 او 50 جنية وصورة من البطاقة وبس وتستلم الفيزا بعد اسبوعين ولما رحت للبنك الاهلي وبنك مصر طلعو لي حوارات كدة وهما مش فاهمين حاجة وبكلمهم كأني بكلم كمبيوتر حافظ كلمتين ومش فاهم غيرهم

معلشي طولت عليكم في الكلام
ومش هستني ردود منكم علشان عارف اكتركم يمكن ميكونش لسة مطلعش بطاقة
بس ياريت للاخوة المصريين يقولونا بيستخدمو اي نوع من الفيز علي الانترنت وكيفية استخراجها بسهولة

وجزاكم الله خيراً

[مكسرات]

كان فيه موضوع للاخ Mtrb ابحث عنه عن فيزا الانترنت للبنك الافريقي

[Gawalak.Com]

http://www.swalif.net/softs/swalif54/softs267651/

[سحاب اون لاين]

NSGB البنك الأهلي سوستيه جنرال
أفضل وسيلة لك للحصول علي ما تريد

[young coder]

فيزا الشباب من NSGB البنك الأهلي سوستيه جنرال

ممكن تعملها من سن 16 سنة
بالبطاقة و 50 جنيه مصاريف في السنة بس

و برصيد يعني انت بتشحنها باي مبلغ و بتسحب من الرصيد

بيطلعولك فيزا عادية + فيزا انترنت + atm

تاخد بس البطاقة و 50 جنيه و تروح تعملها

و لما تروح قولهم عاوز اطلع "فيزا الشباب" متقولش عاوز اطلع " فيزا " و خلاص لان في كذا نظام

[a2e]

افضل واسرع واحسن بنك يقدم خدمه فيزا الانترنت هو بنك مصر وعن تجربة لمدة ثلاث سنوات متتالية

تروح احد فروع بنك مصر وتقول عاوز اطلع فيزا انترنت .. هيطلب منك صورة من البطاقة وبياناتك وتسديد 10 جنيه فى الخزنه

وبعد ما تخلص تعبئه البيانات هيقولك تعالا بعد 10 ايام تستلم الفيزا

هتروح بعد العشر ايام .. هتستلم الفيزا بتعتك وهتكون تمام .. بس طبعا مفيش فلوس فيها ولا حتى العشره جنيه اللى دفعها

لو عاوز تشتري حاجه لازم تعمل ايداع فى الفيزا .. وبس

شوف ازاى .. ولو فى اى استفسار انا موجود

[king admin]

NSGB البنك الأهلي سوستيه جنرال
أفضل وسيلة لك للحصول علي ما تريد

..

مع الاخ سحاب عن تجربة

[أحمد الزغبى]

بارك الله فيكم علي مساعدتكم

سوف انتظر احد اصدقائي لدية فيزا من البنك الاهلي لكي اعلم كيف عملها بالتفصيل
لان البنك الاهلي هو الاقرب لدي فكنت اتمني الحصول علي فيزا من الاهلي سوتيه او العربي الافريقي ولكن فروعهم بعيده عني ولا اعرفها

والمشكلة لدينا في مصر تتلخص في فروع البنوك بسبب سوء الخدمة لدي الفرع يسبب المشاكل لدينا مع ان نفس البنك ولكن فرع اخر الجميع يشكر فية

جزاكم الله خيراً

[Neklawy.com.eg]

بطاقة البنك الأهلى المصرى تسمى بطاقة الأنترنت مسبقة الدفع وهى نوعها ماستر كارت

تذهب الى الفرع وتطلب استخراج بطاقة ماستر كارت الأهلى للأنترنت ، وفى خلال 15 يوم تكون تستطيع استلامها

وعند شحن البطاقة (ايداع مبلغ بها) فسوف يتم خصم مبلغ 25 جينه ثمن البطاقة سنوياً


الموضوع بسيط ولكن الفروع التى ذهبت إليها من الواضح انهم لم يفهموا ما تقصده اى نوع من البطاقات تريدها


للعلم هذه البطاقة تستخرج من سن 16 سنة فقط ، انما البطاقات الأئتمانية تستخرج من سن 21 سنه ويجب ضمانات واشياء من هذا القبيل لأستخراجها وهذا ليس بموضوعنا


-----

ولكن أفضل بطاقة للأنترنت فى مصر هى فيزا البنك العربى الأفريقى ، وما يميزها هو سرعة تفعيل الملبغ بداخلها (حوالى 5 ساعات فقط والمبلغ يكون فى البطاقة)


تحياتى لك

[elbashaxyz]

بصراحة دورت فى الموضوع دة قبلك

وافضل حساب للشباب هو بنك NSGB

وبيعطيك فيزا نت و كمان الميزة انك تقدر تحول من حساب لحساب الفيزا من النت

وتقدر تشوف حسابك من النت من خدمة اسمها neta bank

[arabmag]

اتفق معكم في ان فيزا الاهلي سوسيتيه جنرال مميزة ولكن بنك مصر ايضا كذلك

[alFarisDev]

NSGB الافضل بلا منازع .. وسيبك من اي كلام تاني لاني في الحوار ده من 5 سنين ..
انا جربت مختلف البنوك الحكومية والخاصة والاجنبية ..

افضل بنك تعاملت معاه ولمدة 4 سنين هو الاهلي سوسيتيه جنرال NSGB
الفيزا بتاعتهم مقبولة في جميع المواقع .. لا يوجد اي مصاريف عند الشراء.. بتقبل اي مبالغ ( 50 جنية كحد ادني )
التفعيل وامكانية الشراء بيتم في لحظتها ( روح لموظف خدمة العملاء وهو يعملهالك في لحظتها )
ده غير خاصية Netabank اللي تنفرد بيها عن بنك اخر ..

ونصيحتي الشخصية .. ابعد عن اي بنوك حكومية او اجنبية ..
الحكومية خدمتها زبالة بمعني الكلمة وابعد عنها نهائيا ..
كفاية عليها الهيئات والمصالح و المرتبات والمعاشات هي اللي مشغلاها ولذلك فهي مش محتاجة لاي عملاء وخصوصا اللي زي حالاتنا !!
البنوك الاجنبية خدمة 5 نجوم بس اسعارها حراقة جداا وبيشفطوا فلوسك ..

[أحمد الزغبى]

ربنا يبارك فيكم يارب ونردهالكم في الافراح:app:

انا ان شاء الله يومين كدة وهنزل اعمل فيزا من سوستية جنرال من الزقازيق

بس هيكون صعوبتها اني كل ما احب اشحن انزل الزقازيق يلا خليني اتفسح :app:


وجميع البنوك خدماتها جيدة ولكن يظل البنك العربي الافريقي وسوستية جنرال الافضل في خدماتهم
علي الاقل فروعهم محدودة في العواصم وعارفين شغلهم كويس

جزاكم الله خيراً

[أحمد الجارحي]

@أحمد الزغبي

المشكلة هذه لجهل موظفين الفروع والأقاليم لكن البطاقة موجودة فعلا ويمكنك عملها لكنه لا يعرف ولم يتعامل معها من قبل

[elbashaxyz]

استاذ احمد الزغبي

عشان تشحن بطاقه NSGB تقدر تشحنها من النت

لو انت حاطت فلوس فى حسابك تقدر من النيتا بنك تدخل و تحول من حسابك لحساب فيزا النت