ارشدوني بين IPhone 3GS OR HTC

[almosmm]

هممم ... اخ bArHoMi .. بمناسبة الحديث عن الـ (نظام القوي) والهاتف الخارق للطبيعة iPhone 3gs
هل في حياتك كلها قدرت تشغل المتصفح + برنامج آخر في الآي فون ؟ برنامج الخرائط مع البوم الصور مثلاً ؟
هذا ببساطة الفرق بين هواتف (المرح واللعب) والهواتف العملية المحترمة ...

يعني هل الآي فون اقل من نوكيا 6600 مثلاً ؟ الي نزل من سنوات وكان يستطيع يشغل اكثر من برنامج مع بعض ..
انا مب من محاربي الآي فون ولكن لازم نضع كل جهاز في مكانه الصحيح ...

انت تبا جهاز FUN وجميل خلاص خذ الآي فون .. وانا فعلاً لو في يوم من الايام بغيت آخذ موبايل للالعاب وهالشغلات .. اكيد باخذ الآي فون

لكن انت الحين تتكلم عن نوعية من الموبايلات يطلق عليها Pocket PC .. يعني كمبيوتر مصغر .. والمصطلح هذا مب من فراغ اطلقوه على نوعية الاجهزة هذي

على كل حال خذ لك لفة وشوف كمية المتحولين من الآي فون للـ HD2 في المنتديات الاجنبية والعربية المتخصصة في الموبايلات




نعود مرة اخرى للـ HD2 ..

اخ أبوهيثم ... الحمد لله الموبايل صارله قرابة الاسبوع معاي وصدقني كل يوم يزيد حبي له اكثر ... مب بس عشان انا شريته ومعاي الحين .. لا ابدا
بس فعلاً عرفت انه الـ HD2 مختلف تماماً عن اي موبايل نزل قبله في السوق .. لا يغرك الآي فون والهيرو والموبايلات ( الصغيرة ) هذي

بالنسبة لإستخدام الموبايل بيد واحدة فبالنسبة لي مافيه اي مشكلة ابداً .. يعني لو حطيته على يدك بالعرض .. ياخذ تقريباً مساحة 50% من اليد ... والوزن نوعاً ما ثقيل ( 150 جرام تقريباً ) ... يعني لازم تكون حذر جداً وانت تتعامل معاه ...

وبالنسبة للتصنيع والخامة المصنع منها الموبايل .... روعــــــــــــــــــــة
الصوت افضل بكثير من هواتف HTC السابقة

السرعة ثاابتة ماشاء الله وما يعلق معاك ابدا الجهاز مع اني نزلت برامج كثيرة جدا جدا ولو فتحت على الأقل 10 برامج ( ذات حجم كبير ) .. يظل الجهاز شغال معك بنفس السرعة والثبات والحمد لله

توكل على الله وان شاء الله ما بتندم ...

تحياتي.

[bArHoMi]

بالنسبة للبرامج عن طريق برنامج باك جراوندر تقدر تخليها تشتغل اكثر من برنامج مع بعض بس بالنسبة لي ماحملته لان ماهمتني الميزه هذي ..
بالنسبة للعملية الاي فون اشوفه عملي جدا ، و جهاز تقدر تمشيه على مزاجك .. تبيه العاب حمل العاب تبيه تصفح نت وايميلات ومسنجر نفس الشي موجود ، تبيه جهاز فيديو يجي تبيه جهاز صوتيات يجي ..

[almosmm]

اها ... هل تقصد انك تحتاج إلى برنامج ( خارجي ) لكي تقوم بعملية الـ Multitasking البسيطة ؟ ياللتقدم!

على كل حال مسألة الموبايلات هي مسألة ذوق واحتياج ... في نفس الوقت هناك حقائق لا يمكن انكارها


تقبل تحياتي.

[SoFiMaN]

الاثنين ممتازين لكن ايضا من محبي و افضل iPhone 3GS ممتاز بمعنى الكلمة و ارقى هاتف لدرجة اني لا اتصور استخدام غيره.
يساعدني بالعمل بشكل ممتاز بحمد الله و كذلك ايضا العاب برامج عدد لا نهائي منها كل ما تتخيله.

و بالنهاية اكيد كل شخص له احتياجاته و ذوقه

[أزدي]

اها ... هل تقصد انك تحتاج إلى برنامج ( خارجي ) لكي تقوم بعملية الـ Multitasking البسيطة ؟ ياللتقدم!

لا تدقق .. لا يفوتك ان معالج الايفون 600Mhz بس .. يعني مع كم عملية يفطس

[bArHoMi]

لول بالعكس هذا يظهرلك اهتمام المبرمجين فيه ... يوميا مئات البرامج و الافكار الجديده للايفون
بعدين بالنسبه لبرنامج خارجي بالعكس اشوفها ممتازه يعني الي ببالي اركبه و زي ماقلت قبل ان الايفون جهاز تمشيه ع مزاجك
عيبه الوحيد بالنسبه لي و الي اعترف فيه هو كاميرته و اشوفها حلوه بصراحه جنب كاميرات ال٥ م
بالاخير الايفون يبيله واحد فاهم شوي عشان يمشي فيه لكن الي يشتريه على عماه بيتورط

و فيفا ايفوني كاتب الرد منه هههه

[أزدي]

لول بالعكس هذا يظهرلك اهتمام المبرمجين فيه ... يوميا مئات البرامج و الافكار الجديده للايفون
بعدين بالنسبه لبرنامج خارجي بالعكس اشوفها ممتازه يعني الي ببالي اركبه و زي ماقلت قبل ان الايفون جهاز تمشيه ع مزاجك
عيبه الوحيد بالنسبه لي و الي اعترف فيه هو كاميرته و اشوفها حلوه بصراحه جنب كاميرات ال٥ م
بالاخير الايفون يبيله واحد فاهم شوي عشان يمشي فيه لكن الي يشتريه على عماه بيتورط

و فيفا ايفوني كاتب الرد منه هههه

اهتمام المبرمجين مافيه multitasking ? يا رجال اجهزة نوكيا القديمة و سامسونج فيها الميزة هذي
المفروض ما تعتبر ميزة المفروض شيء اساسي

عموماً الله يهنيك بالايفون ..

مشكلة الشعب الايفوني انه اشترى الايفون وخلاص ماسكه براسه انه احسن جهاز مو راضي يقتنع .. حتى لما تجيب لهم مواصفات افضل يقول لك لا .. مثل اللي تقوله ويندوز 7 افضل يقول لا XP افضل

[مجموعة العنيد]

hd2

http://www.youtube.com/watch?v=sZxNM1fYaLY

ازدي ... ايش نسويلهم عاد

لدرجة اني لا اتصور استخدام غيره.

مشكلتك عآد

[bArHoMi]

مشكلة الشعب الايفوني انه اشترى الايفون وخلاص ماسكه براسه انه احسن جهاز مو راضي يقتنع .. حتى لما تجيب لهم مواصفات افضل يقول لك لا .. مثل اللي تقوله ويندوز 7 افضل يقول لا XP افضل

بس لاتحكم ع الكل ياخي ، انا قبل شهر كنت جازم اني اشتري بلاكبيري و اخليه مع الايفون عشان المحادثه البلاك طبعاً
لكن بعد كمية برامج المحادثة الي نزلت هالفترة غيرت رآيي و اشتركت بجوال نت بشريحتي ع الآيفون ومرتاح
ابي مسن ابي محادثه ابي تشات ابي متصفح ابي يوتيوب ... كله موجود ،

انا الشي الوحيد الي يقهرني بشركة HTC انهم اكثر من نوكيا صارو بطرح الجوالات ..
صارو يلعبون ع المية حبل ..
يعني بالشهر ينزلون جوالين ثلاثه او اكثر و بنفس الوقت اخبار وصور عن الجوالات الي بعدها ..
وكل واحد يجيك بنظام تشغيل مختلف يعني مايهتمون بهالناحيه ابداً

[BOMBER]

الله يرج ابليسكم . انتوا تحتارون هنا وانا اشتري من هناك

عموما اطلعت على ريفيوز كثيرة عن HTC Hero وبصراحه عجبني خصوصا اني من مستخدمي HTC عبر جيلين الاول كان توتش كروز وكان عيبه ان يعلق كثير و الأزرار الخارجية تطير البوية تبعها والوجه الكامل ب 300 ريال تقريبا ، اعطيته احد افراد العائلة واشتريت بعده دايموند والى الان معي وهو حقل تجاربي

امس اشتريت الهيرو وسيصل بعد قرابة 4 او 5 ايام لو افترضنا انه سيرسل من الولايات المتحده يوم الاحد مساء.

مشاكل واجهتني مع HTC هي الرومات وكثرتها والشيللات ، وهي بصراحه تعطي الواحد خبره ولله الحمد والمنه استطعت تطويع كيبورد اجنبي ليكون كيبورد لغه عربية وطرحته في احد المنتديات ولاقى استحسان البعض.

اتكلوا على الله يا محمود و يا ابو هيثم وجربوا الهيرو وبلاش تردد.

[النجدي]

السلام عليكم ورحمة الله

اخوي ابو هيثم انا اعشق الـ htc لأن فيه ميزة هامة جداً بالنسبة لي وهو ان يكون الجهاز ممتاز وغير مكرر مثل nokia .

ولو فكرت اشتري جهاز بصراحة راح يكون اختياري لـ htc Hero الجهاز كمواصفات جداً رائع ويعمل على نظام اندرويد من قوقل وقريت قبل فترة في احد المدونات التقنية تغطية له راح احاول ابحث عنها واجيب لك رابطها بإذن الله .


وتمنياتي لك بالتوفيق ,,

[almosmm]

بس لاتحكم ع الكل ياخي ، انا قبل شهر كنت جازم اني اشتري بلاكبيري و اخليه مع الايفون عشان المحادثه البلاك طبعاً
لكن بعد كمية برامج المحادثة الي نزلت هالفترة غيرت رآيي و اشتركت بجوال نت بشريحتي ع الآيفون ومرتاح
ابي مسن ابي محادثه ابي تشات ابي متصفح ابي يوتيوب ... كله موجود ،

انا الشي الوحيد الي يقهرني بشركة HTC انهم اكثر من نوكيا صارو بطرح الجوالات ..
صارو يلعبون ع المية حبل ..
يعني بالشهر ينزلون جوالين ثلاثه او اكثر و بنفس الوقت اخبار وصور عن الجوالات الي بعدها ..
وكل واحد يجيك بنظام تشغيل مختلف يعني مايهتمون بهالناحيه ابداً

ياشيخ ؟؟ هل تقصد انه الـ Hero والـ HD2 والـ Touch Pro 2 كلها اجهزة لغرض تجاري بحت فقط ولا يوجد لهم اي قيمة ؟
قد يكون هذا رأيك الشخصي المبني على عدم معرفة كافية بشركة HTC وطريقة طرحهم لمنتجاتهم ولكن لو تعمقت قليلاً ستجد ان شركة HTC لا تقوم بطرح اي هاتف فقط لغرض "الطرح" فقط, بل كل هاتف له تميزه عن الآخر في ميزة معينة وله جمهوره المخصص

على كل حال عزيزي موضوع ان الآي فون له برامج كثيرة فهذه نقطة لا يمكن ان ينكرها احد ... ولكن اعذرني ما الذي تقصده ؟ في النهاية نحن نتكلم عن مميزات الهاتف نفسه .. وليس مميزات " الاضافات " التي يمكنك تحميلها على الجهاز


أزدي
اخذت الـ HD2 ولا بعدك ؟


تحياتي

[أزدي]

أزدي
اخذت الـ HD2 ولا بعدك ؟

إلى هذه اللحظة ما طلبته .. هو موجود عند اخوي الاكبر حالياً بالرياض و يمدحه لي
طبعاً اخوي هذا عميل قديم لـ HTC

انا راح اطلبه من موقع clove
لكن انتظر فترة شهر او اقل و نشوف هل تغير بالاسعار ولا اتوكل على الله و اخذه :app:

[أزدي]

مقطع فيديو يوضح مدى قوة وصلابة الجهاز و امتياز الخامة المصنوع منها الجهاز

http://www.youtube.com/watch?v=LYZF0e3HVaI

لا حاجة لـ invisible shield من شركة zagg .. :nice:

[almosmm]

إلى هذه اللحظة ما طلبته .. هو موجود عند اخوي الاكبر حالياً بالرياض و يمدحه لي
طبعاً اخوي هذا عميل قديم لـ HTC

انا راح اطلبه من موقع clove
لكن انتظر فترة شهر او اقل و نشوف هل تغير بالاسعار ولا اتوكل على الله و اخذه :app:

جميييل جداً ... شوف بعد الموقع هذا اسعارهم ممتازة ..
http://www.expansys.ae
مع الشحن للإمارات 2700 درهم/ ريال تقريباً ( رسوم الشحن لمنطقة الخليج كلها يعني نفس الشي بيطلع للسعودية ) ... بس مادري هل بياخذون رسوم جمركية ولا لأ

ترى انا الجهاز صارله معاي اسبوع وماشاء الله ممتاااااااااز كلمة قليلة عليه ....
شغلت 10 برامج والعاب 3D وماشاء الله السرعة مثل ماهي ثابتة ومافيه اي تعليق...

بخصوص الشاشة فعلاً ضد الخدش لأنها مصنوعة من الزجاج وعليها طبقة حماية قوية جدا
وتفضل هذا دليل ثاني :
http://www.youtube.com/watch?v=o_zsiCUCzlE




تحياتي