النتائج 1 إلى 3 من 3

الموضوع: يوميات موظف في شركة الأتصالات السعودية

  1. #1
    عضو سوبر نشيط
    تاريخ التسجيل
    Oct 2001
    المشاركات
    813

    يوميات موظف في شركة الأتصالات السعودية



    كان الموظف مرهق ومزاجه مش ولابد وخصوصا والمايك معلق على رأسه وهو يستقبل مكالمات المشتركين:




    المكالمه الاولى : شايب كبير السن
    الموظف : الو ..استعلامات الدليل محمد الــ......, مرحبا
    المواطن : الو .. ممكن لو سمحت تعطيني رقم عبدالله فهد سعد
    الموظف : وين ساكن اخوي لو سمحت
    المواطن : ساكن هنا قريب منا .
    الموظف : وين قريب منكم بالظبط .
    المواطن : ياخوي هنا جمبنا جارنا ماتعرفون رقمه .
    الموظف : ياعزيزي انا مادري انت وين بعد .
    المواطن : اقول والله ماعندك ماعند جدتي بس .
    طوط طوط انقطع الخط




    المكالمه الثانيه : صوت ناعم
    الموظف : الو ..استعلامات الدليل محمد الــ......, مرحبا
    الصوت الناعم : هلا اخوي ممكن تعطيني رقم بيتزا هت بس مابي فرع النسيم دايم تعطوني اياه
    الموظف : اي فرع تبغون رقمه .
    الصوت الناعم : تدري ايش فيه فرع النسيم بايخ لآن البيتزا حقتهم توصل بارده .. وبعدين شكلها خبز تميس .
    الموظف : بيموت من الضحك بس ساكت ... طيب خوذي فرع العليا اجل
    الصوت الناعم : ياخي ليه ماتضحك .. لايكون انت صاحب بيتزا هت ..مالت عليكم وعلى دمك .
    طوط طوط انقطع الخط




    المكالمه الثالثه : طفل يرفع الضغط
    الموظف : الو ..استعلامات الدليل محمد الــ......, مرحبا
    الطفل : الووووووو عطني رقم وشسمه ..هذا..وشسمه ياربي .. ايه ... حمود بادي فرج
    الموظف : طيب خذ رقمه ؟؟؟؟؟؟؟؟؟؟
    الطفل : لحظه ابي رقم ثاني بعد . ابي رقم هذا وشسمه ... مانع فالح سامي الموظف : طيب خذ رقمه ؟؟؟؟؟؟؟ (ممنوع اكثر من اسم في مكالمه)
    الطفل : طيب ابي واحد ثاني هذا رقم ابو نادر عمي سعد .
    الموظف : اتصل مره ثانيه لانه ممنوع اكثر من رقم في اتصال واحد .
    الطفل : اقول وجع .. يوجع بطنك (الفاظ قبيحه).. ترى مالك فضل ... انا ماكلمك مجاني اكلم بريالي .
    الموظف : يخرج من طوره ( اقول اسمع ............. طوط طوط قفل الخط





    المكالمه الرابعه : كانت صوت ناعم
    الموظف : الو ..استعلامات الدليل محمد الــ......, مرحبا
    الصوت الناعم : عوافي اخوي .
    الموظف : الله يعافيكم يارب ........ ( اول مره احد يعطيه روح معنويه)
    الصوت الناعم : لا انا قصدي ابغى مطعم عوافي اللي في العليا .
    الموظف : طيب خوذي الرقم ؟؟؟؟؟؟؟؟؟؟؟؟؟





    المكالمه الخامسه : كانت صوت ناعم اوي
    الموظف : الو ..استعلامات الدليل محمد الــ......, مرحبا
    الصوت الناعم : مرحبا اخوي ممكن تعطيني مستشفى العيون للولاده .
    الموظف : كيف ..؟؟؟؟؟
    الصوت الناعم : مستشفى العيون للولاده .. تسمع يا اصقه .
    الموظف : يبي يصرفها المكالمه مسجله طبعا ( هذا رقمه غير معلن ) .
    الصوت الناعم : طيب ظف وجهك .
    طوط طوط انقطع الخط .





    المكالمه السادسه : كان صوت ناعم.. بنت
    الموظف : الو ..استعلامات الدليل محمد الــ......, مرحبا
    الصوت الناعم : هلا اخوي ممكن تعطيني رقم صيدلية السقاف
    الموظف : تفضلي الرقم ؟؟؟؟؟؟؟؟؟
    الصوت الناعم : لا لا لا هذا رقم صيدلية السقاف اللي في الروضه
    الموظف : طيب ايش فيها .
    الصوت الناعم : ماهي زينه ... مايبيعون الا فقس ..
    طوط طوط انقطع الخط .




    المكالمه السابعه : كانت فتاه ايضا
    الموظف : الو ..استعلامات الدليل محمد الــ......, مرحبا
    الفتاه : عيوني.
    الموظف : بلا هالكلام ايش تبغين ...............(عشان المكالمه مراقبه).
    الفتاه : لا انا ابي محل عيوني للعدسات والنظارات اللي في التحليه .
    الموظف : ايش اسمه عيوني.
    الفتاه : لا مو عيونك عيوني انا ياعيوني .
    الموظف : خوذي رقمه ؟؟؟؟؟؟؟؟
    الفتاه : طيب شكرا لعيونك اللي كنها عيون بقره ...ههههههههههههههه عندها بنات يضحكون .
    الموظف طلع وترك الدوام .وراح يشرب عصير ليمون .





    __________________
    cbh1978@hotmail.com
    cbh1978@yahoo.com
    0096656908466
    0096635844711
    لمحبي إقتناء ألعاب الحاسب الشخصي / للجاديين فقط

    www.pcgames4arab.om
    cbh1978 غير متواجد حالياً


  2. #2
    عضو سوبر نشيط
    تاريخ التسجيل
    Apr 2001
    المشاركات
    903


    هاهاهاهاههاهاهاهاههاها

    الله يعينه
    تهقى الليمون يسوي شي وياه ؟؟؟


    تشكرات عزيزي على هذا الموضوع





    __________________
    يا جـــــــــ مايهزك ــبــ ريح ــــــل

    al_hwaa غير متواجد حالياً

  3. #3
    عضو سوبر نشيط
    تاريخ التسجيل
    Oct 2001
    المشاركات
    813


    ممكن ليش لأ





    __________________
    cbh1978@hotmail.com
    cbh1978@yahoo.com
    0096656908466
    0096635844711
    لمحبي إقتناء ألعاب الحاسب الشخصي / للجاديين فقط

    www.pcgames4arab.om
    cbh1978 غير متواجد حالياً





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض