شركة الاتصالات السعودية .. حياة اصعب

[الشاوي]

السلام عليكم ورحمة الله وبركاته
اسعد الله اوقاتكم زوار سوالف
مدري وش اسوي ابكي ، اصرخ ، اضحك
معاناتي مع الشركة الي ماتسمى stc
قدمت على الـdsl تقريبا في بداية عام 2008 وبعد عذاب وكل يوم بكرا الوكاد بواسطة عطونا افاق ويرلس قبل ينتشر يوم يشتغل ويوم لا ومره يشبك جيل ثاني وهم على عرضهم يوصل 7ميقا، والله مااذكر تعدى التحميل عندي 30 كيلوا بايت قالولناشهر وان شاء الله نحل المشكلة استخدموا افاق ويرلس خلال هالشهر لما يجي الdsl وكان عذرهم الكبينه القريبه منكم مليانه خلص الشهر رحت لمهم قالوا الى الان المشكلة مانحلت والمشكلة كبيره وعلى مستى الحي كامل ، وعدونا شهر ثاني ، جيتهم قالوا لي نفس الكلام قلتلهم خلاص مابي افاق ويرلس قالو ادفع الف ريال قيمة الجهاز طيب انا ماابي الجهاز قالوا هاذي غرامة حرمنه عيني عينك جلسنا على افاق ويرلس قلنا (مالك الا خشمك لو هو عوج) وهذه المشكلة حصلت مع الكثيررر توقيف الــdsl لتصريف جهاز افاق ويرلس ، يعني طريقة تسويق بالإكراه..
مالكم بطولة السيره
جلسنا سنتين على افاق ويرلس

وفي نهايته عام 2009 جاني اتصال من شركة الاتصالات قالو الفني بيطلع بكرا يركب الdsl

واخذت اشتراك 4ميقا

لاكن من ركبته وهو يقطع وموقع ماتفتح والتحميل مايتعدى الـ50كيلوا بايت واتصالي 4 ميقا
وايظا بالمكتب نفس المشكلة يقطع التحميل مايتعدى الـ20كيلوا بايت وسرعة الاتصال 512
واكلمهم يرن يرن واخر شي يقفل
والله حرمنه

اتمنى فيه بديل لـdsl

[عبادي القرني]

والله وأنا خوك اتصالي افاق شامل 4 ميقا والحمد لله تمام السرعة .. الداونلود من 400 إلى 500

ما علينا

هالحين يطولي بعمرك اتصل عليهم وقول لهم المشكلة .. إن حلوها كان بها وإذا ما حلوها مالك إلا تقدم شكوى على هيئة الإتصالات وصدقني تلقى تجاوب كبير .. وحاول تقول لموظف الإتصالات إذا ما انحلت المشكلة أبشتكي على هيئة الإتصالات وتشوف شلون يغير تعامله ..

لا تسكت لهم أبداً ..

ملحوظة / شيك على الأسلاك اللي جاية من الكبينه وراكبه في المودم حاول ما يتعدى طول السلك 50 متر ويكون على طول يشبك في المودم مو على شبكة البيت .

الله يعينك

[سليمان عبدالعزيز]

انا عندي ملاحظ من اسبوعين مشكلة الموقع عشان يفتح لازم احدثه 4 مرات
افاق شامل مودم يو اس روبتكس

[فارس القبيلة]

كيف احصل رقم هيئه الاتصالات

ابي اشتكي على شركة الاتصلات

[عبادي القرني]

للي يبي يقدم شكوى من هالرابط

http://www.citc.gov.sa/citcportal/Co...D/Default.aspx

بالنسبة لك أخوي سليمان هذا مشكلة في الـ DNS لانه تلقائي

اليوم اتصلوا علي الإتصالات وقالوا ما أخليه تلقائي وعطوني أرقام DNS ما صارت تشتغل المواقع كلها

قلت عاد الله يعين مالنا إلا نظل على الـ DNS التلقائي تبع الشركة الله يعين عليهم

[النجدي]

الله يعينك اخوي ..

وغالبية المشتركين اعتقد يعانون من شركة الاتصالات الا من رحم ربي , وانا اشتراكي يفترض انه 1 ميغا ولكنه ما يوصل 570 ك.ب كحد أقصى ولا يتجاوزه ! فحسبنا الله ونعم الوكيل .

اما بخصوص مشكلة الـ DNS فـ عانيت منها قبل فترة وجربت ادخل ارقام DNS قوقل وضبط معي الحمدلله صارت كل المواقع تفتح تمام , وهذي الارقام للي ما يعرفها :

8.8.8.8
8,8,4,4

ولكم التحية ,,

[تسعاوي]

نفس المعاناه في التقطيع له يومين
مواقع تفتح ومواقع له
احد مشترك في جود بلس 4 ميقا