سيارات تويوتا و مشكلتها الفنية و افضل طريقة للتعامل معها

[][ شهاب ][]

السلام عليكم و رحمة الله و بركاته

الاغلبية سمعوا بالمشكلة في سيارات تويوتا و غيرها من السيارات لما تعلق دعاسة البنزين في الفرشة حقة الارضية و البعض ممكن يتوتر لما تحصل معه الى درجة انه ما يدري كيف يتصرف.

حصلت معي نفس المشكلة كنت سايق لومينا موديل 2001 كنت مستعيرها من شخص و قررت اجرب عزمها لما اضطريت ارفع رجلي عن البنزين لان قدامي اشارة حمرا و لما وضعت رجلي على البريك لقيت ان السيارة تسارعها مستمر و قربت اوصل للإشارة .. فقمت وضعت الجير بالفاضي (N)
و بدأت تنزل سرعة السيارة بس كان صوت المكينة عالي و الضغط عند الاحمر و خفت على المكينة فطفيت السيارة لكن ما انصحكم تطفون السيارة لما تكونون بخط مزدحم لان الدركسون راح يقفل مما يعني انكم ما راح تقدرون تجنبون برا الخط.

بهذي الطريقة تعاملت مع المشكلة في لحظتها و قلت اشارككم بالقصة لعلى و عسى تفيد بعضكم لو حصلت معه لا قدر الله و ياليت نسمع قصص اللي حصل معهم نفس هالشيء لعلى و عسى تعم الفائدة على الجميع و الله يوفقكم

ابومبارك

[عبدالرحمن الدوسري]

مرحبا بومبارك

اعتقد المشكلة وانا اخوك من السيارات الامريكية او بالأصح السيارات التي تجمع في الولايات المتحدة وخصوصاً دواسة البنزين اذا كانت الكترونية
يعني اعتقد الان المشكلة في سيارات تيوتا التي تجمع في امريكا الي هي الافالون والسكيويا
الاند كروزر ايضا دواسة البنزين الكترونية لاكن ماسمعنا ان شخص يملك لاندكروزر وصارت له هالحركة لانه تجمع يباني شد بلد
والحمدالله ما صادفتني اي مشكلة والله يستر على الجميع

[AD4host.ae]

هل اذا كانت دواسة البنزين الكترونية لها علاقة بأساس المشكلة ؟!

المشكلة حسب فهمي لها هي ان الدواسة تعلق في الفرشة! فما علاقتها بإذا كانت الدواسة الكترونية ام لا؟

اخوي شهاب ، افهم من الموقف الي حصل لك ان الدواسة نفسها علقت في الفرشة .؟؟ يعني لزقت فيها ولا شلون ؟!

لاني والحمدلله من 4 سنين وانا اسوق وللحين مامرت علي مشكلة كهذي! والآن معي سيارة وارد امريكي

واخاف لا قدر الله تحصل لي هالمشكلة ! فياريت توضحها بشكل اكبر! حتى نستطيع استيعاب وتدارك الامر لو حصلت معانا لا قدر الله .

[حسن البلوي]

بالنسبة لتعليق الدواسة في الفرشة هذه مشكلة سابقة .. لكن المشكلة اللي ثارت عليها الدنيا ورجوا ام العالم عليها هي مشكلة ان الدواسة ( البنص) مايرجع بعد ماتدعس عليه .. او انه يرجع بثقل كبير جدا وياخذ وقت علشان يرجع والسبب ميكانيكي وليس بسبب الفرشة ، علما ان الفرشة هذه مشكلتها طُرحت قبل مشكلة علق الدواسة والناس اظن تلخبطوا ويفكرونها نفسها وهي لا ..

[][ شهاب ][]

من ناحيتي علقت الدواسة بالفرشة و بعض السيارات فرشتها مو مثبته بالارضية و مع الاستخدام الفرشة تتقدم عن مكانها و احيانا تعلق الدواسة
بشكل عام الطريقة اللي اتبعتها هي حل ممكن استخدامه في حال علقت الدواسة سواء بسبب فرشة او جيمت بسبب مشكلة ميكانيكية او غيرها من مشاكل .. طالما التسارع مستمر و السيارة ما تتجاوب وياك مالك الا تفضي القير

هذي صور مرفقة لسيارة لكزس من الموديلات الجديدة اصحابها توفوا على الخط السريع بسبب هذي المشكلة و واضح ان صاحب السيارة ما خطر في باله انه يستخدم القير حتى يتدارك المشكلة
الحادث حصل في امريكا.

[سليمان عبدالعزيز]

دايم تحصل معاي ..
بليزر 2005 ....

لكن إذا تركت البنزين اللاحظ السياره بتزايد مستمر كاني ضاغط نص الدعسه ...
بس الي يفرق بيني وبينك ان اذا ظغطت فرامل تمسك السياره
لكن إذا تركت البنزين مرات تشوف التسارع يتزايد بسرعه والظغط يرتفع يعني ماقول يمكن مع نزله او غيرهـ ..