لن أتخلى عنها

[سردال]

كانت معي منذ سنوات الطفولة
لم تتخلى عني
ولن أتخلى عنها أبداً
من دونها تصبح الدنيا في عيني مظلمة وغامضة
أسأت إليها كثيراً
لكنها لم ترحل عني أبداً
ولن ترحل
إنها.....






نظارتي

[عسليه]

ما شاء الله !!!
هذا رسمك ؟


باكسرهاااااااااااااااا لك
هههههههه

[سردال]

إي نعم... هذا رسمي طبعاً النظارة عبارة صورة وعدلت فيها شوي والفكرة ما أدري من وين طلعت


كسريها.... حطي الحرة كلها فيها! مرة أخوي داس على وحدة، ومرة اثنين يتضاربون وشوي طاح علي واحد منهم وكسر النظارة، ومرة في الصلاة واحد دفش كسر النظارة لأنها كانت في جيبي! ومرة في المدرسة الطلاب ما قصروا معاها مع أني كنت طيب وفي حالي وما أحب آذي أحد.

كسريها....

على فكرة، شو صار مع الكمبيوتر؟

[عسليه]

" إي نعم... هذا رسمي "


صورة جاهزة وانت بس هزيتها وسويت لها حركة ظل وما ادري شو

يعني انت قاعد تلعب وتقص علينا


بادقدقهااااااااااا لك ههههههههه




ها يعني وصلك !!!!!!

يالله قولي وين اطرشة

[سردال]

عسليه: عدااااال.... ألحين كل التصاميم تقريباً صور وتأثيرات وشوية نص، ما تفرق إلا في مسألة الفكرة، وبعضهم لا نهضم حقهم بعد، مبدعين ويرسمون


أنا رديت على رسالتين، ما وصلك شيء؟ إذا ما وصلك أكتب لك بالتفصيل من أول وجديد

[PHOTOGRAPHER]

سردال.....
اللي يشوف التصميم يقول كانك واحد مضايق من نظارته وفارنها على الارض...هههههه
الله لايحرمك منها ويخليكم لبعض طالما ان هذا قدركم....وهالله هالله بنظارتك ...لازم تبادلها الحب لانها رفيقة دربك في هذي الحياة ..
تحياتي..
بالمناسبة .....شخصيا ماشتريت نظارة وكملت ويايه سنة...!!
شكلي آخرشي بشتريلي درزن نظارات من محلات كل شيء بدرهم ودرهمين ...ههههههههه
----------------------
عسلية......
ماشاء الله ..تورزعين كمبيوترات ببلاش......!!! انزييييييييين شو تتوووووووووووووووووقين بطلب !
بطلب ماوس لانه اللي عندي كلتها القطوة..ههههههههه مزحه..
تحياتي

[عسليه]

هههههههه
ليش عدااااااال خايف عليهاااااا

وبعدين حق شو بتفصيل
يعلك تسلم يا الوافي
اريد اسم المحل بس


سردال
شوف هذى الصفحة اول ما شفتها تذكرتك
فيها دروس واايد سهلة

http://www.r-al7ob.com/drous.html


بحفظ الله



**********


عيسى .....

هههههههههههه

تنقيعة
..تورزعين + تتوووووووووووووووووقين

[PHOTOGRAPHER]

كان لازم اعلق عليج !!!!!
هممممممم.....زين توهقت الحين !!
الله يسامحني بسسسسس...!
اهئئ اهئئ اهئئئئئئئئ

[سردال]

عسليه: لا خايف عليها ولا شيء، ما تهمني حتى
وعلى فكرة، أفكر إني أبطل تصميم ورسم وغيره، هذي الشغلة مب لي أنا

بالنسبة للمحل، اسمه الظفر للكمبيوتر، لكن قبل هذا إعرضي مشكلتك في قسم الهاردوير وإن شاء الله تحصلين حل عندهم بدال ما تودينه المحلات.

بالنسبة للصفحة! ما فهمت شو تقصدين

[سردال]

نسينا نرد على عيسى

عيسى: لا لا، أنا مب متضايق من النظارة، وأنا عمري 10 سنوات وحتى ألحين ألبسها بالنسبة لنظاراتك، روح السوق المركزي بتحصلهم يبيعون أشكال وأنواع، بتحصل وحدة تغطي ويهك من كبرها، هذي أحسن شيء

[عسليه]

تسلم وشكرا ما قصرت ....


وبنسبة لتصميم ليش تبطل بالعكس برامج التصميم فيها متعة ومسلية وتكسبك خبرة وصبر وتحرك الافكار.....

تصدق حاولت اكسر النظارة ما قدرت
وانثر الجزاء فى الصفحة بشكل عشوائي ومتقن مع الظل
تبالها شغلة طويلة وصبر ...

هذيج الساعة عرفت ان لوحتك هب هينة ومتعوب عليها ...



وبنسبة لصفحة تعليم

تذكرت ردك فى موضوع السلام

"الفلاش، ما قدرت أتأقلم معاه أبداً، "

هذى الصفحة ودروسها المبسطة يمكن تشجعك وتستفيد منها

ووووبس سلامة راسك

[سردال]

بالنسبة للصفحة، تسلمين وجزاك الله خير، يمكن أرجع مرة ثانية للفلاش

"هذيج الساعة عرفت ان لوحتك هب هينة ومتعوب عليها ..."

تريدين الصراحة؟
اللوحة ما خذت مني غير 10 دقايق بس لكن المهم دائماً هي فكرة اللوحة، والتعبير المطلوب منها، وبعدين الحركات والتأثيرات

وخلاص... ما راح أبطل تصميم، لكن النقد مطلوب دائماً، أريد حد يعلمني أساسيات التصميم

[وهم]

الحال من بعضو ياخوي يا سردال

لن اتخلى عنها ابدا انا ايضا

تحياتي

[عنفوان القلب]

يا حليلك يا سردال عثرك تلبس نظارة...
الصراحة النظارة للى فعلا محتاج لها تساوى عيونه بطولها وعرضها...

علشان ماحد يتنقد عليك ويقول محط شوية ظلال على شوية فبركة على شوية دوخة راس..أنصحك....
ارسم يدويا وافتك من الصدعة.....ومن عس....عسل...لية...
أنا ما قلت شى وسلامتكم

[عسليه]

الله يسامحك عنفوان