النتائج 1 إلى 6 من 6

الموضوع: البنق PING او LATENCY !! ماهو ؟؟ وما تأثيره على الأتصال ؟؟ وكيف يقاس ؟؟ وكيف انزله ؟

  1. #1
    عضو سوبر نشيط
    تاريخ التسجيل
    Jan 2008
    المشاركات
    754

    البنق PING او LATENCY !! ماهو ؟؟ وما تأثيره على الأتصال ؟؟ وكيف يقاس ؟؟ وكيف انزله ؟



    البنق PING او LATENCY !! ماهو ؟؟ وما تأثيره على الأتصال ؟؟ وكيف يقاس ؟؟ وكيف انزله ؟؟

    السلام عليكم ورحمة الله وبركاته


    وكتبت هالمشاركه على شكل رد لكن يوم شفتها طويله واعتقد انه مهمه وشاملة حبيت اني اضعها على شكل موضوع على شان يستفيد اكبر قدر من الأشخاص

    ان شاء الله يكون شرحي واضح وانا راعيت انه يكون الشرح بالتفصيل الممل وكثرت امثله على شان ترسخ

    ========================================
    ========================================

    البلاي ستيشن او الكمبيوتر أو ....... إلخ حقك يتصل بالسيرفر
    البلاي ستيشن او الكمبيوتر او ...... إلخ حقي يتصل بالسيرفر

    نلاحظ انه الشي المشترك بيننا السيرفر

    خلونا نعرف البنق

    البنق بالأنجليزية ping او ما يسمى بـ LATENCY أي زمن التأخير

    يقاس بالملي ثانيه ms اختصار الملي سكند

    لو طلبت شي انا من السيرفر او اعطيته امر الساعه 2 و 30 دقيقه و 40 ثانيه و 545 جزء من الثانية وكان اللاتنسي او البنق عندي 1150 ملي سكند وش بيصير ومتى راح يوصل للسيرفر انه فيه واحد اسمه شيزون طلب هالأمر
    راح يوصل للسيرفر الساعه 2 و 30 دقيقه و 41 ثانيه و 695 جزء من الثانيه

    نلاحظ صار فيه فرق بين طلبي ووصوله للسيرفر والفرق هو ثانيه و 150 جزء من الثانية
    الفرق هذا هو اللاتنسي او البنق
    وانا في المثال قلت انه البنق عندي 1150 ms ومعروف انه التحويل من الملي ثانية الى الثانية يقسم على 1000 يعني 1150 ms نقسمها على 1000 بيعطينا 1.15 ثانية

    بالمختصر انه امري او طلبي يحتاج على شان يوصل للسيرفر ثانية و 15 جزء من الثانية

    طيب ممكن واحد منكم يقول التأخير بس ثانية عادي ما راح يأثر

    هو صح ما راح يأثر لو انك طالب تفتح موقع مثلاً ياهو او موقعنا موقع البوابة الرقمية لو تأخر ثانية عادي وش بيصير
    لكن في الألعاب السريعه لا راح تفرق معك وبقوه

    وهذا مثال للعبة ريزيستنس ومعروف انه اللعبة لعبة منظار اول (( امش واقتل )) وراح يوضح الفرق اللي بيصير

    فالنفرض مشغلين اللعبه وقاعدين في خريطه انا وياك وقاعدين قدام بعض وكل واحد معه رشاش
    وانا البنق عندي 300 ms وانت البنق عندك 150 ms

    وفي نفس الوقت الحقيقي يعني مثلاً كلنا الساعه 10 و 50 دقيقه و 500 جزء من الثانيه ضغطنا زر إطلاق الرصاص وش بيصير ؟؟

    اللي بيصير انه صاحب البنق الأقل راح توصل طلقته قبل صاحب البنق العالي يعني انت راح توصل طلقتك قبلي ومعناته انا بموت قبلك

    لأنه السيرفر راح يستجيب للأمر حقك امر الأطلاق الساعه 10 و 50 دقيقه و 650 جزء من الثانية
    وانا راح يستجيب السيرفر لطلب الأطلاق حقي الساعة 10 و 50 دقيقه و 800 جزء من الثانية
    وبكذا انا راح اموت وانت راح تظل حي ترزق

    نستنتج انه الأشياء اللي تحتاج سرعة عالية هي اللي يأثر عليها البنق ولكن فيه اللعاب ما يهم فيها البنق لأنه اللعبه لاتعتمد على من يعطي الأمر اولاً

    ========================================
    ========================================

    نجي لطريقة قياس البنق
    فيه عدة طرق فيه اللعاب توضح لك البنق عندك كم وفيه عن طريق جهاز الكمبيوتر

    عندك موقع http://www.speedtest.net يقيس لك السرعة والبنق او زمن التأخير

    شوفوا هذا اختبار اجريته في الموقع لسيرفر بالرياض



    نشوف انه البنق او زمن التأخير 108 ms يعني لو بطلب شي من السيرفر هذا حق الرياض بيوصل طلبي بعد 108 حزء من الثانيه

    لكن لو تلاحظون انه حنا ما راح نلعب في هذا السيرفر يعني لعبة ريزيستنس ما ادري السيرفر وين موقعه ولكن فالنفرض انه في لندن

    خلونا نقيس البنق لسيرفر في لندن ونشوف وش النتيجه اللي بيعطيني اياها



    نلاحظ انه البنق عندي زاد الى 251 ms يعني انا اذا طلبت امر من السيرفر هذا اللي في لندن راح يتأخر طلبي الى ان يوصل 251 ملي ثانية يعني تقريباً ربع ثانية

    وهناك طريقة اخرى لقياس البنق
    في الوندوز تروح لأبداء Start >>> تضغط على الأمر تشغيل >>> RUN
    تكتب في الخانة الفاضية cmd

    راح تفتح لك الشاشة السوداء
    اكتب الأمر
    ping www.yahoo.com
    راح تطلع لك النتيجة مشابهه للشكل هذا

    كود PHP:
    Reply from 10.21.10.1: bytes=32 time=497ms TTL=254
    Reply from 10.21.10.1: bytes=32 time=496ms TTL=254
    Reply from 10.21.10.1: bytes=32 time=496ms TTL=254
    Reply from 10.21.10.1: bytes=32 time=496ms TTL=254

    Packets: Sent = 4, Received = 4, Lost = 0 (0% loss
    Approximate round trip times in milli-seconds:
    Minimum = 496ms, Maximum = 497ms, Average = 496ms
    نلاحظ انه سوا اربع اختبارات واعطى متوسط للبنق يساوي Average = 496ms

    ========================================
    ========================================

    نجي لأخر نقطة
    وش الشي اللي يأثر على البنق يعني مثلاً واحد يقول البنق عندي عالي ابي انزلة كيف ؟

    للأسف هالشي هذا موب زي السرعة تتصل على الأتصالات وتقولهم نزلوا لي البنق او ارفعوه لي

    سرعة الأتصال راح يكون لها تأثير بسيط جداً ولكن التأثير القوي يكون في سعة الباندويث والبنية التحتية السليمة من نقطة الأنطلاق (( جهازك )) الى نقطة الوصول (( السيرفر )) وبعد النقطة اللي تطلبها ايضاً لها تأثير قوي يعني لما تطلب شي من سيرفر في امريكا ما راح يكون افضل من انك تطلب شي من سيرفر في الرياض وهالشي شفناه في الأختبارين اللي سويناها فوق وورينكم الفرق بين سيرفر الرياض وسيرفر لندن

    ========================================
    ========================================

    اذا كان في هذا الموضوع شي من الصواب فهو من الله وان كان به خطاء فمن نفسي والشيطان

    اي استفسار انا حاظر

    وبالتوفيق







  2. #2
    عضو نشيط
    تاريخ التسجيل
    Apr 2010
    المشاركات
    95


    الله يجزاك خير يارب
    اتضحت لي اشياء كثير من شرحك الرائع ...






  3. #3
    عضو نشيط جدا
    تاريخ التسجيل
    Sep 2006
    المشاركات
    484


    مشكور واحد طش ..


    وماقصرت ..

    شغلك السيرفرات شغله ..

    الله يعين بس ..






  4. #4
    عضو نشيط جدا
    تاريخ التسجيل
    Jan 2008
    المشاركات
    383


    جزاكم الله كل ير يا خوي





    __________________
    منتديات الريسي التطويرية منتدى الدعم الفني المجاني
    http://www.alreesi.net/vb/
    دبليو سبورت :- الرياضة ما بين يديك + http://www.wsport.net/
    كود PHP:
    http://www.wsport.net 

  5. #5
    عضو جديد
    تاريخ التسجيل
    Jun 2007
    المشاركات
    6


    جزاك الله خير.






  6. #6
    عضو نشيط
    تاريخ التسجيل
    Oct 2008
    المشاركات
    283


    بارك الله فيك،،،





    __________________
    اللهم وفقني لما تحبه وترضاه...





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض