انا عضو سوالف ومصاب بالعنقز المعروف بالجدري المائي

[zxcvb]

السلام عليكم ....
كيف حالكم اخواني انشالله تمام

الي جبرني ادخل سوالف واكتب هذا الموضوع وهو اني أود نقل العدوى لكم

حب لاخيك بما تحب لنفسك

راح ادخل بالمهم ...

انا فيني عنقز وحالياً عندي اختبارات وخايف جداً على مستقبلي

رحت حق الدكتور عطاني اجازه مرضيه مدتها 10 ايام ؟؟؟؟ هل فعلاً عشر ايام على ما اتعافا

لا استطيع النوم ولا استطيع ان أأكل ولا استطيع الدراسه ,., أو وجهي صاير كأنه بطاط وملح :funny:

والحل يا جماعه 10 ايام راح تطوفني كل الاختبارات بهذه الحاله ,, مافي مجال اقل ؟

[:saudi:]

هلا اخوي

اول شي الله يشفيك

و 5 ايام كافيه لعلاج هذا المرض بس احرص على المواظبه على العلاج وانتبه من الدهنيات لاتاكل وحاول يكون جسمك دائما بارد يعني لاتعرضه للحر ولاتحك المناطق المصابه

اخوي الصغير جته قبل اسبوعين ممكن جلس ممكن 5 ايام وراحت مالها اثر ابد

موفق

[zxcvb]

هلا اخوي

اول شي الله يشفيك

و 5 ايام كافيه لعلاج هذا المرض بس احرص على المواظبه على العلاج وانتبه من الدهنيات لاتاكل وحاول يكون جسمك دائما بارد يعني لاتعرضه للحر ولاتحك المناطق المصابه

اخوي الصغير جته قبل اسبوعين ممكن جلس ممكن 5 ايام وراحت مالها اثر ابد

موفق

يعطيك العافيه اخوي على المرور وتوني اعرف والله اني ما يصير أكل دهون لاني كليتلي كم شغله فيها دهون اليوم ,, والخطأ الثاني الي سويته اني دايماً اتدفى باللحاف ,,, اما بالنسبه للمناطق الي تحك فأنا امسح عليها ايدي من ورى الملابس لانها تعذبني بصراحه

والله تمنيت انها تكون جايتني وانا صغير ,, وما جتني وانا كبير وقاعد اتعذب هالعذاب

[Misr4Host]

ليس لدى معلومات عن المرض ... حفظك الله وحفظنا جميعنا من كل سوء ولكن لا راح ابخل عليك بدعوة اسال الله العلى العظيم ان يستجيبها.

اسال الله العلى العظيم رب العرش العظيم ان يشفيك ويحفظك ويحظفنا من كل سوء بإذن الله.
امين يارب العالمين

[وليد المطيري]

نصيحة ياأخوي والله نصيحة
لاتحكها أبداً لا من فوق القماش ولا من تحت القماش وأقعد بالبرد
لاإنك إذا حكيتها الأماكن اللي انت حكيتها بتطلع لها أثار زي الحفر بوجهك والله لها سنتين بوجهي إلى يومك هذا ماراح يمكن إلا 50 % منها وباقي 50 فاأنتبه

والله يشفيك إن شاءالله وتقوم بالسلامة

[بدر شفاقة]

ما يطول اكثر من 15 يوم ,,

[majed54]

الله يشفيك ان شاء الله
مثل ماقالو لك الاخوان لاتحكها أبد
وترى فيه محلول لونه ابيض تلقاه بالصيدليات ممتاز حطه على الحبوب يخفف من حرارتها

عافاك الله وشفاك

[عربي 2]

مرض العنقز يمر على كل بني ادم مره طوال حياته
انا الحمدلله جاني العنقز منذ صغري 5 سنوات واكثر اخذتها عدوه من احد اخواني

[فهد علي]

منتدى سوالف لأمور التقنيه والطبيه

[خالد الحربي]

لاتتحمم اللين يذهب المرض (: