ماهو الحل النهائي لنقل الجوال لموبايلي ؟

[علي العتيبي]

السلام عليكم
كيف الحال؟
اخواني أنا مع الأسف عميل قديم لدى STC منذ 2002 منتظم بالتسديد
ولا مرة تسيبت بالتسديد أو حتى صار جوالي استقبال دائماً أدفع فوق الفاتورة 100 الى 200 ريال زيادة
رغم أن فواتير جوالي دائماً ما تكون بين 500 ريال إلى 1000
قررت أنقل لموبايلي بعد ما شفت الظلم و الجور وسوء المعاملة
والآن عانيت منذ فترة طويلة تقريباً 6 اشهر للنقل لموبايلي حاولت 6 مرات على الأقل
ويتم الرفض بدون سبب رغم أنني أعمل تصفية للجوال
أذهب للفرع الرئيسي و أعمل تصفية شاملة والله يشهد على كلامي أسدد زيادة
ويتم الرفض بنفس اليوم وأرجع أفتح الطلب ونفس الكلام

وش الحل يا شباب؟

[:saudi:]

غريبه صراحه
انا نقلت لهم بسهوله وارتحنا من stc الله يكرمك


وانصحك بهذه الطريقه الفعاله للتعامل مع STC

[محمد الجهني]

وعليكم السلام ورحمة الله وبركاته

والله يا علي كلنا ندور الفكه من الاتصالات الحراميه قصدي STC

رقمي له 11 سنه والنيه نحول على موبايلي إن شاء الله بس نبغى الطريقه

[Farasan.org]

بالمرة شوفولنا طريقة التحويل من خارج المملكة والأوراق المطلوبة.

[عبدالله بن سعود]

ياخي والله مثلكم، أقسم بالله أني أسدد أكثر من اللي علي .. ..

لي أكثر من 5 سنوات عميل لديهم [ فاتورة ]

وياهم والله زرفوني زرف .... ماهو صايح

بس الحمد لله انحلت المشكله .. تقريباً

بس اسدد الفاتورة هذي [ 350 ريال ]

وبعدها اعرف مدير فرع موبايلي بالخفجي شخصياً

قالي أنا أحولها لك، وبنفس الرقم بعد

راح اعطيكم اخر الاخبار ان شاء الله وان نجح التحويل لكم مني تحويل جميع جوالاتكم مجاناً !

[ravena]

سدد فاتورتك وصفي حسابك ثم اغلقه نهائي لانهم بشتى الطرق بيحاولو معك مانتقل حتى الموظف راح ينصحك بالبقاء ولاتستغرب لو قفلته وقالو لك روح سدد عليك 4 هلالات

اغلقته اسبوع كامل حتى تم النقل وقبلها رفضو علشان 3 هلالات

[خالد السعيد]

والله يا اخي استغرب منكم كيف صبرتو طول السنوات ذي

شركة المصداقيه فيها صفر ونصب واحتيال

ويا ليت كل هذا شي يستحق انك تصبر معهم يعني خدمة العملاء ممتازه

اقسم بربي اتصل فيهم يقول ناسف جميل الموظفين مشغولين حالين نرجو الاتصال في اوقات

الذروه ويسكر في وجهي ههههههههههههه وانا متصل الظهر يعني الناس في مدارسها وفي دوامتها

الله يعز موبايلي

[علي العتيبي]

السلام عليكم
مرحبا شباب .. شكراً لتواجدكم

:saudi: /
أعتقد أنك نقلت بوقت عرض موبايلي أنقل خطك لموبايلي بدون رسوم شهريّة لمدة سنة.

محمد الجهني /
نفس وضعك لكن أنا حاولت عدة مرات وجميعها بائت بالفشل حاول ورد لي وش صار لك.

Farasan.org /
لا يستوجب حضورك ولا تحتاج أي ورقة موبايلي نفسها هي اليّ تنقلك وهي وسيطك بين هيئة الإتصالات و STC
ما عليك إلا تعمل تصفية لجوالك بشركة STC وتعلم نقل من خلال أي فرع لموبايلي.

عبدالله بن سعود /

أنا عميل فاتورة منذ 2002 عند STC وأما مدير الفرع ما يقدر يسوي لك أي شيء إلا
طلب نقل فقط إلا إذا كان عنده معارف بهيئة الإتصالات وأنا انتظر ردك بفارغ الصبر قلي وش صار عليك.

ravena /
أنا أسدد أكثر من المبلغ ولا أكلّم نهائياً إلا بشحن بطايق سواء واكلم خلال خدمة
اليّ تبدأ بـ *850 نجمة ثمانية ثم رقم الجوال وجميع المحاولات بائت بالفشل بدون أي سبب.

خالد السعيد /
للأسف هذا هو ما تعودناه منهم سوء خدمة و استغلال عيني عينك واسعار باهظة مقابل خدمة أسوء.

[أبوهيثم]

حسب معلوماتي ان موبايلي وقفت نقل الجوال الى شبكتها !!!

[أحمد آل مكني]

الحمد لله حولت رقمي المميز من الإتصالات إلى موبايلي أيام موضة النقل من إتصالات لـ موبايلي
مع موبايلي فاتورتي لاتتجاوز 90 ريال لـ 3 شهور ^_^
الله يعينكم من هالشركة الديزل ياهي رفعت ضغطي خصوصا أفاق شامل

مع موبايلي (جوال) و قو ( النت) حياتي غير والحمد لله ^_^

[Our Dreams]

السلام عليكم يا اخوان تحية طيبة لكم جميعا ً يا اعضاء سوالف سوفت
وبالنسبة لي اشوف ما فيه فرق بينهم موبايلي وstc كلهم يزودون بالفواتير
وموبايلي صايرين في هالوقت يضربون حيل
انا الشهر هذا كنت ابي اتكد من كلامي لاني كل ما اعترض على الفاتوره يقولون استهلاكي
شريت شريحة ثانية وجربتها فعلا جتني فاتوره قريبة من السابقة وانا ما كلمت
يعني هم يحطون الفواتير على التي تسبقها
وكذلك الاتصالات السعودية نفس الشي صار معاي
لكن الحل الامثل بطاقات الشحن ~ ريح راسك
لكن كيف انقل الجوال الى شحن

[alshamk]

الله يعينك

خليك زي عبادي قفل الرقم وغير الشريحه ^_^

الصراحه انا استخدم سوا من اكثر من 6 سنوات

الحين لهم 3 اشهر

اذا جاء باخر الليل تجيني رسالة بالانجليزي يقول تم خصم ريال و خمسين او وخمس وسبعين هلله .


زرف عيني عينك .

لكن نقول حسبي الله عليهم .

تقبل مروري .

[خالد الحربي]

الله يعينك اخوي علي

انا رقمي السابق مميز وسرقوني (:
0500020700

قبل زواجي كان 4000 ريال قلنا يمكن 5 شهور ماسددت و مكالمات والخ عذرتهم

وفصلوه قبل زواجي بأسبوع

سافرت ماليزيا وهو مفصول ورجعت لقيته 6000 ريال

شلون جات ال 2000 الله اعلم

قفلت الشريحة وافكر ان ارفع دعوه عليهم بديوان المظالم واعترض عالمبلغ الان واذا احد عنده طريقة افضل يالليت يخبرني

والله حرام ادفع 6000 ريال !! اتبرع بها صدقه اخذ اجرها احسن من اعطيها الحراميه

حالياً على موبايلي والحمدلله احلى مايكون

جرب طريقة انقل رقمك من فاتورة الى سوا

ثم انقله مممكن ينقل

صديقي بموبايلي اخبرني ان الشركة الحراميه stc رافضين اي رقم ينقل الى شركة ثانية بسبب خسارتهم الكبيرة

والله اعلم

[محمد الجهني]

خالد الحال سم سم الفاتورة 5 وعليها حاليا

كانت الفين وزدات وصلت 4600 وختموها بالخمس الاف مدري من وين جات؟

المشكله أني ما استخدم الجوال الان اكثر من دقيقتين عندي رقم أخر استخدمة

النفس طابت من الـ STC شكلي بقدم شكوى لهيئه الاتصالات ضدهم وحسبي الله ونعم الوكيل.