بطاقة الأهلي مسبقة الدفع إختفت!!!!!!

[saudi-vip]

سلام عليكم

القصه إنه صارلي أكثر من سنه أستخدم الماستر كارد من الأهلي مسبقة الدفع وكل شيء تمام ومظبوط .

اليوم رجعت من الدوام أبغى أسدد عن طريق البطاقه ...

المهم يوم إن ادخل على حسابي في الأهلي اونلاين عشان اشحنها كالعاده , ومافيه بطاقه خخخخخخخخ .

احوس يمين شمال ومافيه بطاقه في حسابي , إتصلت عالدعم يقول مافيه بطاقه مربوطه بحسابك الهاتف او الاونلاين

وانا اسوي كذا للموظف عالجوال :eek2: :looking: :looking:

أقوووله ياخي لي اكثر من سنه استخدمها وهو يقولي والله ما عندي خبر :funny:
يقولي نسويلك طلب ربط من جديد من يومين لخمسة أيام :anger2:

الحين كان فيها مبلغ والسجلات ووووو ما ادري راحت ولا بترجع لين تربط

احد صارله مثل كذا ! :anger2:

[فهد علي]

انا كلمت معهم اكثر من سنه .,بس ماجاني زي كذا

[عبدالرحمن العنكبوتي]

الأهلي اونلاين سيء لاتستغرب عليه أي شي

كنا ننتظر تطوير للأفضل وللأسف انحدر للأسوأ

[تسعاوي]

مشكلتك تصير معي كثير
واذا اتصلت على الموظفين في الاغلب يقولون عندنا مشكله بالنظام
يعني لو تنتظر كم ساعه بتحصلها شغاله ان شاء الله

[بدر شفاقة]

عندي بطاقة الاهلي , بعد الساعه 12 تختفي الى الساعه 6 الصباح و الحالة هذي من طلعت البطاقة
والبطاقة تكمل 3 سنوات بعد كم شهر

لكن نصيحة ,

رح لبنك الراجحي واطلب بطاقة الراجحي مسبقة الدفع , الي اسمها ( تسوق )

واطلبها منهم , رسومها 100 ريال و تجديدها نهاية كل سنه 100 ريال

[محمد الفارس]

اتفق مع بدر

اطلب بطاقة "تسوق" من الراجحي. قدمت عليها الصباح، وأخذتها الظهر من نفس اليوم. ويتم تفعيلها خلال ٢٤ ساعة.

وكل عملية تتم عليها، تأتيك رسالة جوال تخبرك بالعملية فوراً، والمبلغ، واسم التاجر

[saudi-vip]

الأول كانت تكون غير متاحة بمعنى ، لو دخلت مثلا الثانية صباحا 2:00 am يقولي الخدمات الإلكترونية للبطاقة الإئتمانية غير متاحه لكن يظهر أن لدي بطاقه في حسابي ورقمها وكل شيء من معاملات وسجلات للعمليات والعمليات المعلقه والمبالغ المسدده .. الخ , و في الصباح او الظهر عادي ادخل واسوي تسديد البطاقه وأسدد من paypal
إلا أمس يوم دخلت ما فيه شيء بد يدل إن عندي بطاقة إئتمان مسبقة الدفع , فقط رقم حسابي وبجنبه علامة خضراء نشط !

وأتصل عليهم والله ما يدرون وش السالفة .. اقوله يعني هي كانت موجوده وأستعملها وبعدين مره واحده ما عندي بطاقه كيف يعني ؟ يقولي اسويلك طلب ربط !

والله شكيت قلت يمكن الفاير فوكس ما يدعم وسوم بطاقة الإئتمان ورحت اشيك من الإكسبلورر خخخخخ

[سلطان المالكي]

انا نفس الشي كنت اتمنى يحذفون لي بطاقة عليها مبلغ والحمد لله طارت من الاهلي اون لاين ومن حسابي بشكل نهائي بالصدفة بعد ما حدثوا موقعهم الجديد

وطلعت بطاقة جديدة وعيش حياتك :nice:

[ayman nour]

اتفق مع بدر

اطلب بطاقة "تسوق" من الراجحي. قدمت عليها الصباح، وأخذتها الظهر من نفس اليوم. ويتم تفعيلها خلال ٢٤ ساعة.

وكل عملية تتم عليها، تأتيك رسالة جوال تخبرك بالعملية فوراً، والمبلغ، واسم التاجر

وكيف يتم الشحن ؟ هل من حسابك الايداع المباشر أو الحساب الجاري ؟

وهل هناك شروط للاصدار ؟

[alshamk]

حلوهـ والله يقول ما عندنا لك بطاقة

رح لإقرب فرع .. أو الفرع الي طلعت منه البطاقة

وعطهم بياناتك كامله .. إذا فيه مبالغ لك بالبطاقة

اذا ما فيه سوي زي حركة اخونا سلطان المالكي .

وخل السستم حقهم ينفعهم .


تقبل مروري .

[fero]

أحلى ما في موظفين الأهلي أون لاين إن شو ماسئلتهم يقولوا لك ما نعرف , راجع الفرع ولما تروح الفرع يقول لك إتصل على الأهلي أون لاين .

[بدر شفاقة]

وكيف يتم الشحن ؟ هل من حسابك الايداع المباشر أو الحساب الجاري ؟

وهل هناك شروط للاصدار ؟

طريقة شحنها بسيطة جداً
تدخل بحسابك من خلال المباشر الراجحي
بعدها تدخل على خيار البطاقات الائتمانية
وفيه خيار اسمة الدفع المقدم , وبعدها تختار البطاقة الي تبي تضيف فيها الرصيد


المميز فيها , ان كشف الحساب للبطاقة واضح عكس الاهلي , مقرب على 3 سنوات استخدم البطاقة و الكشف احسه مخربط دايم



بالنسبة لشروط الاصدار
يكون عندك حساب بالبنك + صورة بطاقة الاحوال
و فترة الاستخراج
من 3 ساعات الى 24 ساعه
يعني اطلع لهم الصباح و ممكن تاخذها بنفس اليوم بعد الظهر
واذا فيه واسطه خلال نص ساعه بالكثير , لان اصدارها من الفرع

على عكس الاهلي , 15 يوم ويمكن يقولون لك مرفوض الطلب لان التوقيع غير مطابق لان الاهلي يرسلونها للادارة بجده و تجيك من الادارة لصندوق البريد

وسلامتك

[ayman nour]

جزاك الله خير اخي بدر شفاقة وان شاء الله السبت امر عليهم ,

[عبدالرحمن العنكبوتي]

كم الحد الائتماني لبطاقة الراجحي ؟

[بدر شفاقة]

البطاقة مسبقة دفع , يعني على المبلغ الي تضيفه فيها هو حدك الائتماني

لانها ما تعطيك شي كا مديونية بنفس نظام الفيزه العادية

اذا كان قصدك , اعلى مبلغ ممكن يستخدم فيها اتوقع مفتوح لان البنك ما راح يدفع لك شي كمديونية بنفس نظام بطاقات الفيزا و الماستر كارد الثانية

هي مثل بطاقة السواء , تشحن و تستخدم رصيدك وبس