استفسار بخصوص الهوية الوطنية الجديده واصدار الجواز

[M H J O L]

السلام عليكم ورحمة الله

انا بطلع جواز هاليومين ان شاء الله لكن سمعت انه من شروط اصدار الجواز لازم تكون الهوية الوطنية جديده

ولا جيت بطلع الهوية الجديده سمعت انها تتاخر ؟!

وانا مضطر اطلع الجواز سريع سريع

هل صحيح يتأخر استخراج الهوية الجديده ؟ ام لا ؟


وشكرا

[متصفح سعودي]

نعم, 14 يوم من تاريخ تقديم الأوراق..

[عادل الظفيري]

15 يوم الله يعينك عليها


ا

[سليمان عبدالعزيز]

لو تعرف لك احد تطلعها قبل
انا ضاعت بطاقتي والمعروف 30 يوم
14 يوم ارشيف و 14 يوم إستخبارات و مدري ايش
ضاعت البطاقه كان الملونه الشكل الجديد
رحت له وظبطت اوراقي وعطيته اياه بعد 5 ايام دق علي قالي تعال صور وبصم
بعدها بـ 5 ايام ثانيه والبطاقه طالعه

عاد مدري كيف الوضع نظامي او لا المهم حاول تشوف احد
واحوال الدرعيه ترى مافيه زحمه افضل لك

[EJR7.COM]

^_^

خذ العلم وهذا الي صار معي

رح الجوازات ويعطونك خطاب للأحوال عشان تغير بطاقتك ومن ثم يصورونك ويخلونك تبصم بالعشره الأحوال:app: ويعطونك الكعب ويقولك تعال خذ البطاقه بعد اسبوعين

عاد انت رح بالكعب للجوازات وحاول فيهم اذا مانفع ادخل على الضابط واشرح له ظرفك وانك تتعهد راح تجيب لهم صورة البطاقه الجديده اذا طلعت

وراح تمشي أمورك بإذن الله ,, أنا صار معي كذا وطلعت الجواز في نفس اليوم ^_^!!

[وليد المطيري]

لا ياأخوي هذا الكلام أول والشباب بارك الله فيهم اللي ردوا بهالموضوع أقلهم مطلعها قبل ثلاث أشهر إن ماكنت غلطان ولا لا ياأخ Ejr7

الحين الشرقية والرياض تطلعها عادي جداً بالبطاقة القديمة أنا طلعت ولا سألوني أي شيء
وقبل ماأروحلهم كلمت فرع الشرقية إذا ماوافقوا الرياض مستعد أطلع الشرقيه وأجدد
بس قالوا لي تقدر تطلع جواز جديد أو تجدده (مثلي) بالبطاقة القديمة بشرط أن بطاقتك القديمة باقي عليها مدة طويلة على الإنتهاء يعني سنة وانت طالع أحسن علشان مايتعذرون
وبس خذ صور لنفسك 3 حبات وعب النموذج اللي برا ولا واسطة ولا شيء
ويطلع جوازك بنفس اليوم

[M H J O L]

الله يعطيكم العافيه يا شبابا ماقصرتوا

لا ياأخوي هذا الكلام أول والشباب بارك الله فيهم اللي ردوا بهالموضوع أقلهم مطلعها قبل ثلاث أشهر إن ماكنت غلطان ولا لا ياأخ Ejr7

الحين الشرقية والرياض تطلعها عادي جداً بالبطاقة القديمة أنا طلعت ولا سألوني أي شيء
وقبل ماأروحلهم كلمت فرع الشرقية إذا ماوافقوا الرياض مستعد أطلع الشرقيه وأجدد
بس قالوا لي تقدر تطلع جواز جديد أو تجدده (مثلي) بالبطاقة القديمة بشرط أن بطاقتك القديمة باقي عليها مدة طويلة على الإنتهاء يعني سنة وانت طالع أحسن علشان مايتعذرون
وبس خذ صور لنفسك 3 حبات وعب النموذج اللي برا ولا واسطة ولا شيء
ويطلع جوازك بنفس اليوم

ان شاء الله بروح يوم السبت واشوف السالفة ، الله يوفقك ان شاء الله

[خالد السعيد]

اخوي مهجول اذا كنت بتجدد الجواز ف البطاقه القديمه تمشي

واذا كنت بتصدر لاول مره جواز فالواجب منك تجدد البطاقه وانا اخوك

خذ مني العلم الوكاد <<< عقيد

[M H J O L]

السلام عليكم

يعطيك العافيه اخوي خالد

للاسف تم رفض البطاقة القديمة وتم اصدار الجديده وراح انتظر 14 يوم والله يعين

شكرا لكم