من قوقل , للي يتفسلفون بالدومينات القديمه !!

[Fancy Qtr]

السلام عليكم

تفضلوا الفيديو

http://www.youtube.com/watch?v=vWW5BCWADNM&NR=1

واللي يبي شرح بالعربي يقولنا

[الهاجس]

ممكن توضيح بالعربى

[Ahmad Alharthi]

مافي فرق في التعامل مع الدومينات القديمة و الحديثة من ناحية تقسيم البيج رانك

[MOHAMED IDELSSE]

رغم هدا فأكيد فيه فرق في التعامل

[خلايا]

رغم هدا فأكيد فيه فرق في التعامل

:nice::app::app::court:

[yy44.net]

من عام 2008 ونحن نقول الكلام هذا انه من ناحية تجدد 10 سنوات قدام عشان تكون محبوب لجوجل لأسف هذا خبل + دلخ 666 ولأسف من ضمنهم واحد اعرفه اقول والله مافي فرق يقول لا أنت ماتعرف

[ahmed.aladin]

الفرق يكمن في شئ واحد فقط
لو موقع شغال من سنة 2004 مثلا
وله صفحات كثيرة فبالتأكيد فقط لعمره الزمني اكثر من 5 سنوات ولأنه متجدد

لكن كــ دومين فقط لا غير بدون موقع مثله مثل دومين سنة 2010 يصير عليه اللي يصير على دومين 2010 من قواعد وضوابط جوجل لا فرق بين الاتنين

[Fancy Qtr]

اسلام سوفت وخلايا !! يعني كانكما تكذبان شخص صاحب سياره تعرفون اكثر منه بسيارته!! جيبو لكم دليل وضعوه هنا وياليت لو من الشركه نفسها .. لنتعلم جميعنا جزاكم الله خير

الفرق فقط عندما لما تسجل دومين او تحده لمده اطول من سنه الا وهي خمسه سنوات واكثر
تبيني اقنعك اكثر؟ طيب , السبامرز واللي بس يسجلون كيورد دومين فقط لتحويلها لموقعه الشخصي 90% منهم يجدده لسنه فقط فليش تكون ركيك البنيه مدد مده دومينك منها ترتاح من وجع راس التجديد لفتره ومنها لعلاقه اقوى مع قوقل بالبيج رانك والارشفه ووو
للحين موب مقتنع؟ شوف المواقع الكبيره كل وحده لكم سنه مجدده
للحين موب مقتنع؟ هههه خلاص تراك لحست مخي ..

حيث المده الطويله كانك تقنع قوقل انه موقعك مستمر وليس سنه فقط ويسكر فهي صايره مثل علاقه وثقه وهكذا ..

لاني صج شايف تلاعب بعقول الناس وانا دوميني قديم يعني صديق قوقل القديم وووو..

بنفسه وهو يشرح قام يضحك : هنالك نظريات مجنونه عن ال Search Engine Optimization البعض قام يتفلسف بها !!
فاللي تحصل بعضهم دومينه من 2002 تحصله يمكن يجدد كل سنه بسنتها وحتى لو جدد لفتره اطول شوي بس وين الصفحات المورشفه فقط دومين وتم تجديده !

بالاخر ياخوان كل واحد يحب يضع خبرته ويفيد الحمدالله انا متابع للمواقع الثقه والرئيسيه بخصوص هالمواضيع وليس احد اخر

والله يوفقنا جميعا ونتطور اكثر واكثر للافضل

[Musleem]

بغض النظر شنو الواقع
من مصلحه قوقل تقول هالكلام

[star top]

ويحول يا انا جالس ادور دومين قديم خخخخخخخخخخخخـ

ايه اجل نمخمخ على جديد بس

[فتى الخفجي]

فعلا كلام صحيح المشكله موقعي بعد شهر ينتهي وزاد زواره وقام يرتفع بقوقل , انا بقولكم الحل موقع تصبر عليه محتوى متجدد تطوره ومنها تكون عندك خبره وتستمر ولاتوقف ومع السنين يثق فيك قوقل