السيارات الأمريكية المستعملة..

[متصفح سعودي]

السلام عليكم

هل السيارات الأمريكية ( شيفروليه وغيرها..) المستعملة هل هي مضمونة ؟

سمعت انه لأ طبعا بس مدري قلت استشيركم في الموضوع

لقيت شيفروليه أفالانش 2005 ماشالله نظيف الحمدلله

مدري اتوكل على الله ولا كيف ؟

وشكرا

[ماجيك اعلان]

في مواقع السيارات
تعطيهم رقم الشاص ويطلع لك اذا كان مصدوم او عليه اي مشاكل < لاسمح الله
وخذ السياره ووديها ورشه بعيد عن المعارض وخليه يشوف الصدمات كيف << اهم شي
وربك كريم ان شاء الله

[متصفح سعودي]

اقدر اطلع السيارة برا المعارض عشان افحصها ؟!

[محمد المنقور]

نعم تقدر ( وتكون على الشرط ) وانصحك لا توافق اذا ( عرض ) عليك احد من ( المعارض او الشريطية ) انه يوديها لمكان فحص او ورشه يعرفها .. انت شف لك احد من اخوياك يعرف محل فحص ( وراعي ذمة ) .. وتوكل على الله

وهنا موقع للتاكد من السيارات الامريكية
http://www.carfax.com
ادخل رقم الـ VIN ( الهيكل او الشاصية) ..

وهنا صورة لمعرفة مكان الرقم



والله يعطيك خيرها ويكفيك شرها ..

[متصفح سعودي]

انا اعرف ورش بس كيف النظام يعني اخذ واحد من اللي شغالين في المعارض ولا كيف بالضبط ؟

[محمد المنقور]

نعم تاخذ واحد منهم على الشرط انها اذا ماكان فيها اي شي غير اللي قالولك عليها راح تتم البيعه ..

[فارس القبيلة]

تدفع العربون وتاخذ السياره تفحصها عند الورشه اللي تبي
واذا طلعت سليمه تكمل البيعه