منتدى للبيع

[زائرooqo]

شاب هذا المنتدى للبيع .. والله تعبت مررره فييه
عدد اعضاءه 810 عضو .. وهم في إزدياد
يوجد في الموقه مجله + ايميل لست + برنامج المواقع
عمر المنتدى سنه ...
المساحه المحجوزه 50 ميجا ,, ولا يدخل فيها مساحة الداتا بيس يعني المنتدى ما ياخذ اي شئ من مساحة الموقع
الباند ودث مفتوح يعني على كيفك .. والسيرفر جداً نظيف ..

البلغ المطلوب 15.000 خمسة عشر الف ريال سعودي

اللي يبي يشوف الموقع يضغط هنا

ولمراسلتي اضغط هنا


وتحياتي لكم .. وان شاء الله ان المنتجى على الاقل يعجبكم

اخوكم OOQO

[layale.com]

والله ياخوي لو انه مرصع بالذهب

وش 15.000 والله انا لقيت لومينا ب15.000 ماهو موقع

تعال انا ابيعك مووووقع كامل ومشهور وعنده جوائز افضل تصميم بالفلاش وموقع فيه كل اللي تبي

ومساحته 100 ميجا ماهو 50

وابي فيه الفين بس

تبي السراحه انت مرررررره مبالغ بالسعر

راجع نفسك يمكن الله يوفقك بواحد يشتريه

واتمنى لك التوفيق

[زائرooqo]

خليني اشوف موقعك

يمكن اشتريه

[TopUAE]

الاخ ليالي خل الجال يترزق لاتقطع رزقه

[المافيا]

ههههههههه 15 ألف طيب خلني ابيع سيارتي ب10 آلاف وادبر خمسة واشتري موقعك

[satam]

يا اخوان خلي الراجل يترزق الله

اذا عجبك المبلغ تقدم له واذا ماعجبك راسله وناقشه بالسعر

قطع الاعناق ولا قطع الارزاق
يمكن يجد من يفكر بهذا المنتدى سابقاً ويريده لو عرض عليه بعشرين بدل العشره

الله يوفقك

[زائرooqo]

والله اللي يبي يشتر أهلا وسهلاً ..
واللي ما يبي اهلاً وسهلاً ...

انا ودي ابيع ... بس إذا ما جاب هذا السعر مني مستعد ابيعه

أخوي ليالي .. المنتدى يختلف عن الموقع .. يعني المنتدى اللي الناس تكتب فييه زي منتدى سوالف هذا .. يعني كل يوم لازم تكون متواجد فيه 24 ساعه ؟؟ علشان ينجح ... مو لعب ...

انا الان عندي استعداد في ساعه وحده اسوي زي موقع واحسن ..
بس انك تنجح منتدى في زحمة المنتديات لازم تتعب علييه ...

بعدين يا اخي انت سيارتك بعشر الاف ريال .. وحلمك لومينا ..
يعني انا نهائياً ماقصدتك انت
يعطيكم العافيه .. والعرض ماشي إلا على الاخوان اللي ما يبون

أشكركم جكيعاً

[layale.com]

ياخوان انا الحين بتعليقي على السعر اكون قطعت رزق؟؟

عجيب امركم والله

الظاهر حريه الراي والنقد ممنوعه هنا يااقول الي يعجبكم يا اسكت صح

اخوي صاحب العرض والله اني اتمنى لك التوفيق وانشالله يرزقك الله باللي فيه الخير

ومعك حق المنتدى لازم تتعب عليه بس نسيت نقطه اعتقد منتدى سوالف من اول مادخل النت السعوديه وهو من المواقع الاوائل يعني حنا يدوب مواقعنا ماجالها سنه وهذا سبب اهم من التعب عليه

على العموم الله يوفقك والحلم الجنه ماهو لومينا

وموقعي http://layale.com