في بيتنا نحل

[:saudi:]

السلام عليكم

امس الوالده الله يطول في عمرها حصلت شيء غريب في الشجرة
واستدعت قواة الطوارئ في البيت (خالد) للتمحيص والتدقيق بحكم ضعف نظر الوالدة
فكانت النتيجة وجود خلية نحل في الشجرة :eek2: وتم التعميم على جميع سكان البيت للاطلاع على هذا الكتز
وبعد الاجتماع العاجل والطارئ اجتمعوا على مداهمة الخلية بجميع وسائل الدمار الشامل
ولكن بنظرة ثاقبة مني :funny: طلبت منهم الصبر حتى إشعار آخر لنرى ماهي السبل الأمثل للتعامل مع الخلية وكيفية الاستفادة من العسل بدون طرد النحل

اليكم الصوره واتمنى من لديه الخبرة ان يفيدنا قبل المداهمة ولا اخفيكم اني من عشاق النحل

[iAlgorithms]

لا تسوي مداهمه لان النحل ما يلعب فلازم خبير في فك العبوات النازفة

[تسعاوي]

يا اخي حرام لا تداهم ولا تزعجه
تقدر تبيعه الثول بالكامل

هذا نسميه ثول نحل الكل مجتمع على الملكه

فيه حل انك تشتري خشبه نحل وتجيب خبير يخرج الملكه ويحطها بالخشبه والبقيه راح يلحقونها وبكذا تستفيدون من العسل

اول تحاول تحط الثول بالكامل في شماغ بحيث يكون مربوط من كل النواحي

والملكة تكون مميزه عن بقيه النحل

[:saudi:]

لا تسوي مداهمه لان النحل ما يلعب فلازم خبير في فك العبوات النازفة

نازفه اجل
فعلا النحل والله ماعنده مزح اذكر مره صارلي موقف معها وصراحه تهاجم بشراسة

يا اخي حرام لا تداهم ولا تزعجه
تقدر تبيعه الثول بالكامل

هذا نسميه ثول نحل الكل مجتمع على الملكه

فيه حل انك تشتري خشبه نحل وتجيب خبير يخرج الملكه ويحطها بالخشبه والبقيه راح يلحقونها وبكذا تستفيدون من العسل

اول تحاول تحط الثول بالكامل في شماغ بحيث يكون مربوط من كل النواحي

والملكة تكون مميزه عن بقيه النحل

العصر اليوم جبت واحد نحال وقالي أخبار سيئة صراحة

يقول ان هذا النحل بري مايطول بالكثير يجلس موسم انتاج واحد له

يعني يسوي خلية ويلقحون الملكة وتبيض وبعد مايفقس البيض ويتغذون من الخلية يهاجرون لمنطقة ثانية
وقالي كانك تبي العسل دخن على الخلية بدخان وينحاش وخذ العسل وانا مااعجبني هذا التصرف

وانا بصراحه ماودي اخرب عليه حياته بخليه زي ماهو وبكرمه بالموية والعسل وبسهل عليه سير حياته وان جلس الله يحيه وان راح الله يحفظه

[محمد نعمان]

و الله يا بعدي لو النحل مو مأذي الأهل و البيت ..


خليه ..

[:saudi:]

بالعكس غير مؤذي أبداَ

فيه حاجة غريبة بالصوره مين شافها ؟

[مشعل السليمان]

بالعكس غير مؤذي أبداَ

فيه حاجة غريبة بالصوره مين شافها ؟

بعد مافغصت عيوني :looking:، مالقيت شئ غريب غير لون النحل وحجمه :con2: ؟؟

[:saudi:]

ههههههههههه

فعلا النحل صغير حجمه مقارنه بالعادي

لكن ماهو هذا اللي اقصده

[محمد الجهني]

سبحان الخالق

أنا من محبي العسل ، أخوي سعودي تقدر زي ماقالوا الاخوان تدخن عليه

بعد ما تتأكد من وجود العسل وتاخذ منه لكن عن طريق مختص ، ابسط حقوقك

[فيصل الشريف]

هذا نحل أندونيسي أو أسيوي كمسمى أشمل يبني قرص عسل واحد وبعد فتره يتركه ويهاجر
لن تستفيد منه إلا إذا بتأخذ قرص العسل أما إذا حطيته في خليه فلن يبقى

قبل فتره كان باني له قرص عسل في أحد شبابيك منزلي جلس فتره وهاجر

[لامارتين]

ليته يلسعك يا :saudi:

ويريحنا منك ومن ردودك على بعض المواضيع ..


نصيحة من محب :

رح اضربه بغصن شجرة بقوة .. وانتظر لحظات .. سوف يهرب النحل .. وتأخذ العسل

لكن اذا ظربته بقوة لا تذهب وابقى تحت الشجرة ..


المهم ..

اظربه بقوة .. وكرر ذلك .. ولا تبتعد ؟؟

[na3eem]

عجبتني الصورة
التكوين والإضاءة كبداية أراهم جيدين
عندك حس حلو
قلت أدخل أنصحك تتعلم التصوير

[:saudi:]

سبحان الخالق

أنا من محبي العسل ، أخوي سعودي تقدر زي ماقالوا الاخوان تدخن عليه

بعد ما تتأكد من وجود العسل وتاخذ منه لكن عن طريق مختص ، ابسط حقوقك

فعلا سبحان الخالق الواحد لو يتأمل في حياة النحل يرى العجائب

وانا ماني متأكد هل يوجد عسل في القرص او لا لأنه النحل مايفارق الخليه نهائي ولاتقدر تشوف الخلايا

هذا نحل أندونيسي أو أسيوي كمسمى أشمل يبني قرص عسل واحد وبعد فتره يتركه ويهاجر
لن تستفيد منه إلا إذا بتأخذ قرص العسل أما إذا حطيته في خليه فلن يبقى

قبل فتره كان باني له قرص عسل في أحد شبابيك منزلي جلس فتره وهاجر

فعلا زي ماذكرلي الأخ النحال اللي اطلع عليه امس انه راح يهاجر بعد ماينتهي من موسم التبييض بس ماذكرلي انه اسيوي لان خشم وعيون النحل عدلات ذكرلي فقط انها بريه

ليته يلسعك يا :saudi:

ويريحنا منك ومن ردودك على بعض المواضيع ..


نصيحة من محب :

رح اضربه بغصن شجرة بقوة .. وانتظر لحظات .. سوف يهرب النحل .. وتأخذ العسل

لكن اذا ظربته بقوة لا تذهب وابقى تحت الشجرة ..


المهم ..

اظربه بقوة .. وكرر ذلك .. ولا تبتعد ؟؟

لسع النحل ان شاءالله انه شفاء كما يذكر الطب الشعبي وممكن يعالج مشكلتك معي

عجبتني الصورة
التكوين والإضاءة كبداية أراهم جيدين
عندك حس حلو
قلت أدخل أنصحك تتعلم التصوير

التصوير كان عبر آيفون 4 مع زوم خرب الصورة والا كان شكلها أجمل :nice:
وانا عندي خبرة بسيطة في التصوير ولم أجتهد في تصوير الخلية وإظهارها بشكل أجمل كانت عفوية ولا أخفيك اني من محبي التصوير


وشكرا للجميع

[share-sa]

ليته يلسعك يا :saudi:

ويريحنا منك ومن ردودك على بعض المواضيع ..


نصيحة من محب :

رح اضربه بغصن شجرة بقوة .. وانتظر لحظات .. سوف يهرب النحل .. وتأخذ العسل

لكن اذا ظربته بقوة لا تذهب وابقى تحت الشجرة ..


المهم ..

اظربه بقوة .. وكرر ذلك .. ولا تبتعد ؟؟

ههههههههههههههه ياخي نذل انت


توصية ماشاء الله وبحرص لاحظ (رح اضربه بغصن شجرة بقوة .. وانتظر لحظات .. سوف يهرب النحل .. وتأخذ العسل)
حلوة اخر شي وتاخذ العسل هههههههههههه يعني على بالك اغراء الحين عشان يصدقك

[:saudi:]

ههههههههههههههه ياخي نذل انت


توصية ماشاء الله وبحرص لاحظ (رح اضربه بغصن شجرة بقوة .. وانتظر لحظات .. سوف يهرب النحل .. وتأخذ العسل)
حلوة اخر شي وتاخذ العسل هههههههههههه يعني على بالك اغراء الحين عشان يصدقك

مايحتاج واضحه عشان يفتك من ردودي
بس عاد حنا وش يفكنا من مواضيعه يالله بخلية عقارب