هالمرة أنا مظطر فعلاً

[fantom6]

faleh2002

شباب ابي اعرف ليه مسيوم 3900

بس ايش فيه الموقع
المنتدي الوحيد المتحرك هو منتدي vBulletin

وباقي المنتديات ايش فيهم مافيهم حركه

وبقولك شي يعني حرام 3900 بس علي المنتدي

يعني لا فيه برامج لا فيه صفحه رئيسيه لا في دليل المواقع

واكثر سالفة دارالعرب تعريب واكثر نسخ تعبانة


واتوقع في شريطيه في الموضوع هذا

واخيرا ممكن نعرف اي شركه مستضيف فيها وكم باقي في الاستضافه عندك

[المهمة9]

abu3dm

albaity


حبايبي وراء ما اعطيكم الف ريال تشترون تيس وعنزه وتسرحون فيها وبالرفاه والبنين
WWF Manager
صدق لو يوافق بكره اكبر اعلان بينزل على جبهه اكبر صعيدي
fantom6
خمسه ريال دخان مارلبو والكلينكس يمكن تحتاجهم انت اكثر




يا شباب انا بلغت فتى الحجاز برايي وصدق لو وافق على سعري ان شاء الله بعطكيم خبر هنا وببلغكم عن المبلغ كم

[فتى الحجاز]

ابو عدم

هدي اللعب و الدعوة ماهي مستاهلة ذكر كلاب

ارفع من مستواك شوي يا خالي


----------

الفارس

فانتوم

الظاهر انكم بعدكم مبتدئين في هالمجال و مالكم خبرة .

بعدكم تلاميذ و ما الومكم على ذكر النسخ اللي اعربها بأنها سيئة .

لكن على قول المثل

اللي مايعرف الصقر يشويه .

ماهو من باب المديح و التفاخر

لا


لكن هالكلام انتم اللي حددتوه و الدليل


روحوا وشوفوا النسخ اللي عربتها كم مرة تم سحبها


و غير كذا انتم مالكم رأي لأنكم بعدكم مبتدئين خبرتكم ضعيفة واجد . و مصير دار العرب تعلمكم و مصيركم تعرفون قيمة دار العرب زين .




المهمة ناين

الظاهر انك صدقت الله يحييك


جيت بغيت الناس اللي افيدهم و يفيدوني ، يستفيدون مني ، لقيت اني جيت ارمي نفسي عليهم بشكل تطفلي و فوق كذا لقيتهم في غير النظرة اللي كنت اتوقعها مع الأسف .

لكن الأيام بيننا


تحياتي للجميع

[الفارس22]

بس يا فتى الحجاز ..في شي اسمه ادب الحوار واحترام الطرف الاخر مهما كان ...وانت قد اهنتنا انا والاخ الاخر ...ولا اقول لك سوى شكرا ..واسحب كل ريال كنت سأدفعه في موقعك لان الاخلاق اهم من اي شي اخر ....
ونصيحه لك اذا جاك 500 ريال بيع وانت الكسبان يا محترف!!!

[فتى الحجاز]

الظاهر بنقلب المزاد على من يعلم الثاني الأخلاق الله يسلمك

[WWF Manager]

شباب الرجال عايز يبييع يعني خلو العالم تقرا العرض بدل

ما تقرا هوااااااااااااااااااااااااااش

إخووووي دار العرب شووف طرش ميلات حق الناس أبرك لك

[الفارس22]

اخي العزيز.....انت فعلا قد تكلمت بطريقه غير حضاريه ابدا ...

انا انسان عرضت عليك سعر واشوفه مناسب جدا ..ولكنه لم يناسبك ..طيب ليش ماقلت لاء بدون اهانه وكلام جارح مثل الي فوق ..ياخي اذا ماعجبك السعر ..لا توافق بس بدون تجريح للناس الاخرين ....
اوكيه يا محترف!!!!!!

[فتى الحجاز]

أقول

الطريقة الحضارية ان السعر اللي تطرحونه مايساوي ربع اللي افكر فيه و تقول طريقة غير حضارية ؟


تبون الدعوة سرقة هي والا ايش ؟

فهمني الله يحييك

wwf manager

ماني مراسل ايميلات ولا شي

الظاهر اني بإستمر في الموقع لوحدي ابرك لي من اني اقعد على اعصابي في اسعار الله الغني عنها

شكراً لكم جميعاً

[u1901]

اقول المهمة 9 والله ماعندي مشكله

اعطيك رقم الحساب ؟

لاتنسى تجي عندي بعد ماتحول الفلوس عشان ترعى الغنم لي

[الفارس22]

اتهام جديد بالسرقه !!!!!!!!!!!!!!!!!!!!!!!!!!!!!!!!!!!!!!!!!!!!!
الله اكبر ........اتقي الله في كلامك اخوي ...
انت تبي اربعة اضعاف مبلغي ...يعني 4000*4=16000 ريال
...لن اعلق على هذا المبلغ ...لكن ب 16000 ريال ..انت تعرف وش ممكن اشتري !!!!

[فتى الحجاز]

انا لو ابي اقول ان الدعوة سرقة علناً و صراحة كان اقول ان الفارس يب يسرقني


لكن انا طرحته على مبدأ سؤال


و بعدين تعال

تدري من المسؤول كامل على الموقع اللي تبي تشتريه بهالمبلغ و اللي له تقريباً سنة ؟


أقسم بالله العظيم و هذا كلام احاسب عليه يوم القيامة

ان الموقع مافيه غيري انا اللي ماسك إدارته .

مادية ، معنوية ، زفتية ...................

يعني الموقع صرف مني مجهود اقسم بالله غير طبيعي و تبيني في النهاية ابيعه بهالسعر ؟

[u1901]

< -- انا منسحب من الموضوع زييين --!>

[فتى الحجاز]

أقول


قفل على هالموضوع
وقابلوني إذا اخذتوا نسخة جديدة بعد النسخة 2.2.5

لاني فعلاً استاهل اللي يجيني منكم

مع الأسف



لكن انا اسوي هالشي لأجل رب العالمين ماهو عشانكم يا حلوين .

انا يكفيني الأجر اللي بأخذه و ربي يحاسبني عليه .


استغفر الله العظيم .

هذا هو الجزاء اللي فعلاً استحقه من ناس من مستوياتكم و الله ، الحقيقة ينشد بهالظهر .

لكن

تجري الرياح بما لا تشتهي السفن

شبكة الفجر ركبت النسخة من دون علمي

وبعدين تعال

من متى و شبكة الفجر مسويه لي دعاية ؟


روح عند شبكة الفجر و كحل عيونك يا البيتي بالفوتر زين و تعرف قصدي



و إذا ان النسخة اللي تقول عنها بأنها سيئة .

اقول لك مشكور .

لكن الظاهر انه تحتاج إلى نظارة علشان تشوف المنتديات اللي شغاله بنسخة دار العرب يا حلو


منتديات لها سمعة كبيرة جداً و شغالة بالنسخة اللي معربها و لا فيها اي مشكلة ؟


لكن


اللي يده في النار مو مثل اللي يده في الما .

سلام

[forsanuae]

الله يوفقكم اجمعين

لكن اقول لكم

تعالو قابلوني اذا انتو في يوم من الايام تطورتو



دارالعرب انسى الموضوع احسن لك

الظاهر انته غلطت في العنوان و جيت تبيع موقعك في حراج قاسم ولا ما اعرف شو اسمه



و المثل يقول اللي ما يعرف الطير يشويه


و الربع كلهم يشوون طيور

[abu3dm]

سلام ياعرب

كيفكم تمام .

اخوي دار العرب ولا فتى الحجاز انا مهدي اللعب
ولكن ..انت عارف المثل الروسي الي يقول
من تدخل فيما لايعينيه يلاقي مالايرضيه

المهم ماعلينا

عزيزي خلينا نتكلم بواقعيه وجديه مثل ماقلت ..
انت عزيزي ..تقيمك لموقعك انه كذا وكذا .. وانه افضل واحسن الخ..
نقول في نظرك صحيح .. وصح كسبت اعضاء في فتره وجيزه وزوار ..الخ وبالعكس الشكل العام للمنتدى والدوماين ..الخ كلها 100%

ولكن انت تحس بشيء من التعب او التكلف حتى اسست موقعك وصار بالشكل هذا ...كلامك سليم ..خالي
ولكن ..تعال نتكلم بلغة البيع والشراء او لغة التقييم له من الناحيه هذي
واذا كنت مخطئ قولي انت مخطئ..تمام ..

اولا تبي انت في الموقع قيمه اكثر من هذي بناءاً على ايش ..
بصراحه ارى ان القيمه الي وصل لها تمام ..وجيده ..وحقه بعد ..وانا ماأنقص من قيمة الموقع المعنويه ..بصراحه الموقع مرجع وتعبان فيه ..ولكن نرجع لنفس السؤال .. بناءاً على ايش .. تريد قيمه اكبر من هذي فيه ..

بالنسبه للاعضاء عيوني بكره تبيعه .. والله مايقبل احد لانهم جايين يبون دار العرب .... انت خادمهم بشرح وتوجيه والخ ,, من المسائل هذي
فاذا رحت بتقل نسبة زيارةالاعضاء ..وليس الزوار

بعدين الصحبه ..او الشباب الي معك ماسكين الاشراف معك بدون ذكر اسامي كلهم تربطك بهم اقل شيء .. صداقه وعلاقه قويه ..واذ بعت الموقع .. يمكن يروحون وهو الاغلب في الظن .. او مايحرصون على الردود على مشاركات الاعضاء واسئلتهم ...

زائد انك عارف وماجهلك .. انك الان فقط تبيع دوماين قيمته من 40$ إلى 50$ شريته تمام ..
واعضاء .. وبيانات قاعدة بيانات . فقط .. ونسخه من تعريب دار العرب
هذا الي اشوفه ..
وبصراحه حتى مساحه مافيه .. او اي شيء ثاني حتى اقدر او يقدر المشتري انه يستفيد منه . يعني عطيته الاعضاء والدوماين بس ..
وخلينا واقعين .. ليه فلان وعلان بيشتري الموقع..

كل هذا حب في المنتديات ..على العموم النقطه هذي على اساس مايجي واحد ينشب في حلقي ويقول انا احبها ومادري ايش ..اقوله النقطه هذي او الرأي هذ اتكلم به عن نفسي انا ..اوكيه

كلها املا في زيادة اعضاء منتداه الي عنده ودمج .. وماني عارف ايش لعله ينشهر الموقع .. وتزيد نسبة الزوار ويجي له عروض اعلانيه ..او خلافه ..

ولكن وحسب الي نشوفه .. مافيه اعلانات عندك .. او يمكن جاك عروض اعلانيه .. من قبل .. وخلينا من كلام تبادل اعلاني . واعلان مدة مادري كم بقيمه كم الي مامنه فايده .. اكلمك عن الاعلان .. الي له تقييمه الصحيح .. الي هو نتيجة شهرة الموقع ...

يعني نرجع واكررها عليك ..تاسيس موقع ..
ودوماين ومساحه 500 ميغا تمام مدة ستةاشهر اقل شيء ..تمام

انت عارف كم قيمتها ماتتعدى 800 ريال ... اوكيه ..وانت عارف الزملاء ..
اقل شيء بيجيك ميه .. في اول اسبوعين ..
والله يخلي ادلة المواقع ..وتبادل إعلاني هنا ينفعك .. التبادل .. وانت اخبر مني خالي .. تمام .. ولو خصصنا بالكثير ..مبلغ وقدره .. الف ريال ..
لمدة شهر .. وممكن اقل من شهر حسب الزوار ..
25000 مشاهدة و 200 ضغطه وزياره ..في سوالف تحصلها بقيمة 600 درهم يعني 650 ريال مع قيمة الحواله . تمام
وانت عارف كم بيجي لك ..من عضو ...
يعني ممكن .. بالكثير اخسر كمان الف ريال ..واكرر عملية الاعلان في موقع ثاني ..

وانشاء الله بالكثير شهرين ثلاثة والاعضاء كثر الي عندك ..تمام ..
ولكن عزيزي .. الاعضاء الي عندك انت ماجاءو علشان دوماين ..ولا تصميم شكل المنتدى.الخ
جايين علشان دار العرب

ساعدني يادار العرب .
أنقذني وينك يادار العرب سؤال لدار العرب استفسار منك يادار العرب
دار العرب كيف اصير مثلك ... وهلمااااا من المواضيع هذي
هذي اسباب الاعضاء عندك .. والزياره ..خالي .. واذا رحت قص يمناي ان لاحظت اي تقدم قياس على وضع المنتدى من بدايته ..او يوم كان لك واشتغلت فيه حتى تتركه ..

هذا الواقع يادار العرب خالي ولاتزعل مني .. كان قلت شيء يزعل ..ولكن بصراحه اقنعني .. واقنع المشترين غيري.. بانهم يشترون اعرض لهم مميزات الموقع .. ايش هي .. الي تبي فيها اكثر من السعر هذ؟؟؟؟؟ قولهم ايش هي ..

مافيه شيء دوماين واعضاء .. واحلى نسخه منك ركبتها لانك مركبها لنفسك ..

ولكن ..والله اتمنى لك كل الخير ..والتوفيق ..ولكن لا تسئلني ليه اني بشتري بالقيمه هذي حسب سؤالك لي اني ماقلت سعرها الي تستاهله .. وعلى العموم كل الكلام هذا بصراحه الي قلته ..هو الي اشوفه .. سبب ..

واتمنى لك التوفيق ..عزيزي..والله ..والله يرزقك انشاء الله ..

وتحياتي المكعبه ..