ماذا تفعل اذا استلمت تصميم كثيره الاخطاء فيه + التكويد للورد بريس ملف ثيم مجاني !!

[star top]

سلام عليكم


مرحبا اخواني الاعزاء

قبل رمضان توكلت على الله وقلت ابجدد الموقع
استغليت ( يعني سعره مرتفع ) كم مصمم ومن ظمنهم فيلاريت مع اني كنت امنى النفس اني اصمم عندهم بس قلت غالين
شاهدت اكثر من مصمم والبعض مايفهم ايش اللي انا ابغى وطحت با اشخاص قالو ابد تطمن راح نضبط العمل وتوكلت على الله واخذتهم
ثيم ورد بريس + استايل للمنتدى
مع خيار عده الوان

قبل البدايه قالو اسبوع الي 10 ايام ( ما اذكر بالتحديد ) لكن طول هذه الفتره جالس اشرح لهم ومافهمو علي
صممو لي الهيدر بالبدايه واعجبت بالعمل كمبدئي وقلت اتوكل على الله
وهم كانو متعاونين مع شركه استضافه كبرى بالوطن العربي

انطلقو بالتصميم وكل اسبوع عذرا على التأخير
مليت انا معهم وطفشت بنفس الوقت واذا رديت عذرا على التأخير
استمريت على الحالي الي يومكم هذا

من بدايه رمضان الي هذا الوقت والتصميم لم يعتمد على الموقع

شهر واحد ماعطيتهم الفلوس لاني كنت بازمه

سلمتهم الفلوس وكل الامور تمام

وكان استايل المنتدى فيه اخطاء بسيطه وطلبت التعديل وللان لم يتم التعديل

المهم نجي الي صلب الموضوع

بالبدايه قالو لي نبي طريقه عرض المواضيع عندك بالمدونه لانها جديده
هنا شكيت انهم مايعرفون للتكويد وجلسو يتعذرون انهم اول مره بس علشان يعرفون كيف يعملوها !
قلنا مو مشكله نعطيكم الملفات المطلوبه اهم شي يخلص شغلكم
عملوها

بالمصادفه
رحت اشوف القوالب قلت لعلى وعسى يكون التصميم نازل
والقى رابط موقع للثيمات مجاني واصدار مجاني ! شكيت بالامر وش السالفه
ضغطت معاينه الا ثيمنا المطلوب هو
دخلت الموقع وشيكت على الاصدار وشاهدته والا فيه شبه لشكله بس يفرق التعديل
دخلت على المحتوى الا هو الشكل القديم قبل طلبي للتعديل لشكل افضل

شيكت اليوم على القوالب قلنا خلهم يخلصون بس ونفتك
الا اشاهد اصدار الثيم ورابط الموقع محذوف ! هنا شكيت بالامر

وقلت الثيم اللي راح استلمه
معدل + مضاف عليه تصميم

للاسف كنت ابغى تصميم يبداء من جديد
لكن صار التصميم معدل من ثيم مجاني


سؤالي التالي
بالحاله هذي وش العمل مع العلم اني دافع تقريبا حوالي 1800 ريال !

[New Prison]

ما اقول غير الله يهديك ويعوضك خير

انا اخذتها قاعدةادفع زيادة وآخذ شي نظيف وخاص فيني

صممت مسبقا عند فيلا ارتس وما خذلوني ماشاء الله ومنتداي بالتوقيع

وايضا من اسبوعين طلبت منهم تصميم قالب العاب وانتهى تقريبا وساعرضه باقرب وقت دقة مواعيد واحترام وامانه وصبر واحتراف فيستاهلون لو طلبوا زيادة عن غيرهم بصراحة


في حالتك حاول تناقشهم بهداوة وتوضح لهم الأمر عشان تتوصلون لحل لانك اذا هاوشتهم ماراح تستفيد شي

فخلك حكيم

[star top]

هلابك يالغالي
والله ماهوشتم ولا حاجه

صاير معه حبيبي ومهنا حليلي

لو كنت متهاوش معهم ذكرت من هم



فيلارتس
يكفي مره راسلتهم وقالو لي مشغولين
هذولا لا مشغولين ولا حاجه
وبعد 20 يوم قلت ليش ما تعجلون علينا قالو مشغولين بتصميم موقع اخر !!!

[New Prison]

هلابك يالغالي
والله ماهوشتم ولا حاجه

صاير معه حبيبي ومهنا حليلي

لو كنت متهاوش معهم ذكرت من هم



فيلارتس
يكفي مره راسلتهم وقالو لي مشغولين
هذولا لا مشغولين ولا حاجه
وبعد 20 يوم قلت ليش ما تعجلون علينا قالو مشغولين بتصميم موقع اخر !!!

فيلا ارتس يعطوك الصدق بموقعهم لو تدخل الحين كاتبين بنر بهالشي وايضا في امكانية تحجز عندهم انا يوم طلبت تصميم موقع الألعاب قالولي والله بنتأخر عليك وقالولي المدة قلتلهم عادي خذوا راحتكم لاني ابي شغل نظيف وتعجبني الصراحة بالتعامل


على كل كلمهم وان شاء الله تتوصلون لحل اذا شايف انك مغبون وضح لهم وجهة نظرك واذا هم متفهمين ويخافون الله بيردون لك ولو جزء من المبلغ

[لامارتين]

villarts هم أفضل من تعاملت معهم ..
يعني جيدون بنسبة 90%

توت ستوديو مبدعون لكن بسبب ضغط العمل يعطوك شغل ناقص او لا يصل لطموحك ..

[عبدالله أبولبن]

شباب انتم ما شفتوا المصممين المبدعين ، لنه احيانا الواحد يستعجل وترجع على راسه !

يعني عندكم

عبدالله سعيد => asaeed.ws

احساس ميت [ جرافيكس لقاء وتواصل بترايدنت ] => يعمل بشركة مستويات على ما اظن ، وليس له موقع معين

هؤلاء صراحة مصممين مبدعين جدا

تحياتي لكم

[Cisco]

الله يصبرك ياغالي

[star top]

نيو برسون انت تعاملت معه يالغالي
ورضيت بالعمل وهذا اهم شي

لكن من ناحيتي انا وش العمل !

حتى التصميم اذا سويت له عرض تحس انه مركب تركيب !



لامارتن
كيسكو

مشكورين على المرور


عبدالله
ما استعجلت
جلست فوق الشهر ابحث عن مصمم
بعض المرات اقتنع بالمصمم لكن يقول صريحه ما اعرف للورد بريس
وبعضهم اطلب منهم اشياء يقولون مانقدر اعذرنا
هذولا قدرتهم على صدق تعاملهم

لكن المصمم الجديد هذا
قال مستعد نطلعه لك باحترافيه !!
وتنصدم بالعمل والسعر حول 2000 ريال !! ازود 500 واخذه من الاشهر افضل لي

[ahmad sadiq]

ماذا تفعل اذا استلمت تصميم كثيره الاخطاء فيه + التكويد للورد بريس ملف ثيم مجاني !!

اتعلم التصميم

او كيف ما قلت، ثاني مرة بروح للمشهور

[EJR7.COM]

والله وانا اخوك رأيي الشخصي: ان كان تصميمهم عجبك خذ الـ PSD وحاول تفهمهم أنك تدري ان الثيم مجاني وانك ماتبي المشاكل واما يجيبون واحد يعرف يشتغل والا يرجعون لك مبلغ التكويد

[star top]

اتعلم التصميم

او كيف ما قلت، ثاني مرة بروح للمشهور

اتعلم التصميم
مشكله مافيني هوايه التعلم وفوقها ماعندي وقت بالاساس اني اتعلم

[star top]

والله وانا اخوك رأيي الشخصي: ان كان تصميمهم عجبك خذ الـ PSD وحاول تفهمهم أنك تدري ان الثيم مجاني وانك ماتبي المشاكل واما يجيبون واحد يعرف يشتغل والا يرجعون لك مبلغ التكويد

1+
كلام سليم

التصميم معجبني كاشكل قبل التكويد لكن بعد التكويد
تحسب انه مركب تركيب

[ahmad sadiq]

اتعلم التصميم
مشكله مافيني هوايه التعلم وفوقها ماعندي وقت بالاساس اني اتعلم

قصدي من القهر يعني

[a7tweny]

للأسف ياخوي لست انت اول واخر شخص تعرض لهم

انا هم بعد تعرضت للنصب منهم واخذو مني مبلغ 2250 ريال ولاآ هم سلموني جزء من العمل بشكل سيء ومتى عاد سلموني اياها بعد تعب لاني خلاص طفشت وحتى 2250 مو حقها اصلن لكنه اخذها حسبي عليه والسبب :

1- عدم الالتزام بالمواعيد .
2- عدم الالتزام بالمتفق عليه بما هو مطلوب بالعمل .. يعني ينفذ لك شغله ويترك شغلتين .
3- اعطاءك عمل وكأنه شخص مبتدء .

بعدما طفشوني وهم حاولو معي اني ارسلهم باقي المبلغ ول مايكملو العمل عرفت انهم مجموعة نصابين
اتمنى ما احد يجي ويطبل لهم لاني اعرفهم زين

انا سبق وكتبت عنهم كتحذير لكن ما قصرو سوالف صايرين مع ناس وناس للأسف واكتفيت ب إني احذر عنهم بالتوقيع

ولعلمك ترى تعاملي الاخير كان مع خالد الثويني ( كلاسيك ديزاين ) وهم بعد اهو لا يقل عنهم سوء في رداءة عمله والتزامه بالمواعيد انا ماراح امدحه ولكن راح اتكلم بشكل صريح اهو عارفني زين وعارف وش سوا

ياخي يستلم الدراهم يسلم العمل لمصمم مصري وليتني استلمه على الاقل بشكل ممتاز ومثل ماهو متفق عليه ولو مايهم نتعاون معاه ونتغاضى عن فقره فقرتين من العمل لا ,, استلمته تعبان وحاس علي السكربتات حتى الله لا يوفقه ,, يا اخي عقبها عفت الموقع بصراحة بسبايبه ولك بالنظر على عمله بموقعي خير دليل