بس أعجبني ان قوقل شالت الـ SD ، اللي قلنا من زمان انه مالها داعي
. اصبروا شوي وبيشيلون الـ micro usb
، وبيخلون البطارية ثابتة لا يمكن تغييرها
أما الأمر الذي أضحكني حقيقة هو: Pure Google
وش قصدكم يا قوقل؟ ان الباقين عكرين يعني؟ والا هجين يعني؟ والا وشو بالضبط؟
هذا التسويق بهذه الجملة، فيه هضم كبير لحق المتعاونين معكم على تبني ونشر هذا النظام
ارسوا لكم على بر يا قوقل. تبون نظامكم يكون مفتوح المصدر، أعطوا الشركات فرصة تتبناه ولا تنافسونهم
اما اذا انكم شايفين ان الشركات مهب جالسة تسوي أجهزة بنظام أندرويد عليه الكلام، قفلوه مثل أبل ونزلوه مثل ما تبون وانتهينا
ليه الحوسة هذي كلها، اللي خلت الأندرويد كأنه لينكس، له أكثر من توزيعة! هل الفكرة هي اغراق للسوق؟ في فترة تتعطش فيها الشركات لنظام تشغيل بعد موت سيمبيان؟
لا أقول حديثي هذا كله من باب التقليل من شأن أندرويد. فبالرغم من أنه لم يعجبني على الاطلاق، الا أني أتفهم بأنه يستحق الاعجاب
أقوله لأني لم أفهم بعد هذه المسارات العدة والمتنوعة التي تتخذها قوقل لأندرويد! وأخشى عليه من أن ينتهي به المطاف لأن يكون لينكس الجوال، له عدة توزيعات، وملائم لهواة التقنية فقط، فيخرج عن منافسة iOS . ولا أحبذ أن يهيمن لا iOS ولا غيره على السوق