لخبراء مواقع الشعر ادخلوا بسرعة ابي رايكم

[سبع الهضب]

السلام عليكم ورحمة الله وبركاته

اخواني بشرح لكم حالتي من طقطق إلى السلام عليكم


انا عندي مواقع وما صمد من المواقع هذي إلا حبيبي شبكة الجزل الأدبية له عندي حدود 5 سنوات

www.aljzl.com

ومره افتح المنتدى ومره اقفله , واسوي إختراعات مالها داعي ..............الخ

ابي حل !!! ابي رأيكم في السكربت مع اني شاريه من اللوماني ويقول لو تبي ترقي النسخه علمني .

وانا ما ابي ارقي الحين ابي رايكم اغير السكربت واسوي تحويل روابط ؟ ولا السكربت حلو ؟

سياسة الموقع اغيرها ؟ يعني اخلي الموقع وأقفل المنتدى إلى أجل معلوم ؟

عطوني افكار ساعدوني تراني من أعضاء سوالف !

[فهد علي]

5 سنوات وترتيبه 6 مليون ..حاول تعلن عنه وتغير السكربت وتحط منافسات بين الاعضاء
والله يوفقك

[سبع الهضب]

اخوي فهد على فكرة شف البيج رانك كم !!!

وانا انشغلت وطلعت الخارج .

طيب وش تنصحني وش احط سكربت ؟

[عبدالله أبولبن]

يالغالي سوي لك برمجة خاصة تكون تقريبا شبكة اجتماعية للشعراء والشعر ...

اي مثلا يمكن التعليق على اشعار الاخرين ، إضافة شعراء ... مع محاولة الوصول لأعلى الشعراء واشهرهم ووضع اشعارهم مع الحقوق وما شابه

تحياتي لك

[سبع الهضب]

طيب برمجة خاصة !!!!!

منين القى مبرمج صاحي !!!!

مع إحترامي لجميع المبرمجين .

أنا من النوع " الحريص المهمل " , يعني ودي بالشيء الزين واذا طولت يجيني ملل .

مافيه مشكله نسوي فتحات إجباريه وروابط نصية وكلللل شيء بس اللي ابيه المبرمج ساااااااعدوني

[Nojom3rb]

لو وقفت على شغلك ينجح 100%

فكما قال الاخ عبدالله سوي برمجة خاصة بكل المميزات التي ذكرها وطبعاً بمميزات أخرى قد تجدها مناسبة وطبعاً تصميم راقي وجميل لانه الانطباع الاول

وافتح المنتدى : لانه المكان الوحيد الذي يمكن ان يجتمع فيه الشعراء للنقاش والتحاور والكلام

يلزمك اعلانات وقليل من العمل والمال والصبر وان شاء الله يكون في القمة

[فهد علي]

انا من اقتراحي مثل ماقال عبدالله
تعمل شبكه اجتماعيه .كل عضو له صفحه شخصيه ويمكنه بضغطه زر كتابه بيت شعر .ويجون الاخرين ويردون على بيته الشعر..صدقني بتنجح
ولا تفتح منتدى لأن المنتدى صار له نظره مو حلوه

[عبدالله أبولبن]

طيب برمجة خاصة !!!!!

منين القى مبرمج صاحي !!!!

مع إحترامي لجميع المبرمجين .

أنا من النوع " الحريص المهمل " , يعني ودي بالشيء الزين واذا طولت يجيني ملل .

مافيه مشكله نسوي فتحات إجباريه وروابط نصية وكلللل شيء بس اللي ابيه المبرمج ساااااااعدوني

اخي المشكلة ليست بالمبرمج !

المشكلة هي بالعملاء انفسهم مع احترامي الكامل

يعني كمبرمج إن لم اجد انك متفاعل معي وتوضح لي لن يكون العمل كما تتخيل ....

يعني مثل هذا مشروع يحتاج لمخططات ودراسات قبل ما تبدأ بالبرمجة ، وانا ارشح لهذه المهمات الدراسة بواسطة UML ، وتخطيط لواجهة المستخدم UI بوسطة WireFrames ، ويتم برسم الشكل النهائي للموقع بواسطة الورقة والقلم كما افضل انا ...

بذلك المبرمج سيشعر انه مراقب ، وان المشروع يستحق التعب ، وبذلك يشد حيلة ويبدأ بالعمل بشكل مميز ، ولا يتهاون .. لأنه يعرف ما سيفعل وكيف سيفعل ،،،

لذلك عليك البدء والاجتهاد بنفسك ، ولا تعتمد على غيرك في مشروعك ، وابحث عن المبرمج اللي له خبرة وتفرغ ومقدرة .. والمصمم المحترف اللي يعرف يميز بين الالوان المتناسقة مع مراعاة راحة العين وسهولة الوصول وقابلية الاستخدام والوصول ...

تحياتي لك