منتدى سوالف....كله مشاكل...!!!

[poll]

يعني ما أدري وش الحل مع سوالف
يعني هو منتدى ممتاز ورائع
بس كل 5 مواضيع لازم تلقى واحد منهم فيهم مهاوشة بين عضوين أو أكثر
ما أردي ليش هذا
السبب من إشراف سوالف ولا من الأعضاء
وشو هو الحل
يعني بصراحة الواحد صار يكتأب لما يدخل سوالف
صرت أفكر أبطل أحط رجلي فيه
شو الحل؟!؟!

[Net Hunter]

هلا اخوي
اظن الخلل في احد الاعضاء الي يكتبون الردود او في الموضوع اصلاً
بس ما وصل الموضوع لدرجة انك تخلي المنتدى .. الاختلافات و الهواش مب كثير لهالدرجة انا اشوف

تحياتي

[poll]

لا والله ملان خلافات
أنا أقدر أطلع لك أكثر من 5 مواضيع موجودة الحين وفيها خلافات

[faleh2002]

انا معي اخي poll والله ملينا خلافات ....لاكن وشو السواة

كل مادخلت منتدى سوالف سوفت .....شقت الهوشة طلعت على طول...

لاكن اتمنى من كل قلبى ان يلتزم الأعضاء بالشروط في بداية المنتدى ....واحترام الطرف الآخر لا أقل ولا أكثر

...انا اللي أعرفة من هدف المنتدى هو الفائدة للجميع وليس للمشاكل ..

....كلمة اخيرة ..ولا تزيدون فيها .......اتمنى ان يكون الحوار بيننا دائماً بناء وليس هدااااااام

.....لا اريد ان احدد اشخاص ...ولاكن ...؟؟؟

[سردال]

poll: هذا يعتمد بشكل أكبر على الأعضاء، لماذا لا يلتزمون أدب الحوار بينهم؟ هل يجب أن يطل المشرف برأسه بين الحين والآخر لكي ينبه الأعضاء إلى أدب الحوار؟ حقيقة كم أستاء شخصياً حينما أرى مستوى متدني من أدب الحوار، وإذا ما طالبت أحدهم بأن يكون متأدباً أكثر، ذكر لك من الكلام ما لا يذكره لعدوه.

الشيء المؤسف حقاً أننا نظن أن أسماءنا المستعارة تحمينا وتتيح لنا حرية التكلم من دون قيود، حتى أساء الكثير أدب الحديث مع غيره، وكأنه يقول: إذا مب عاجبك إشرب من البحر، ولا دق راسك في الجدار. وعندما تطلب منه الأدب كأنك تشحذ منه شيئاً ليتفضل عليك به.

أتمنى فعلاً أن نكون مسلمين قولاً وفعلاً.

[الزير سالم]

والله كلامكم صحيح..
لدرجة اني اليوم لما دخلت هنا للمنتدى الا موضوع مكتوب فيه :
الزير سالم مطلوب للعداله؟؟؟

ومكتوب عني إني نصاب وماادري ايش؟؟؟؟

تمنيت الحقيقه من الأخوان المشرفين في سوالف حذف الموضوع؟؟؟؟ لكن الظاهر تأخرو...واذا مو حاذفينه ياأخوان ينقلوه على قسم ثاني للمنتدى ...مو يخلوه في قسم تطوير البرامج...
والعتب الأكبر طبعاً على صاحب الموضوع...الله يسامحه.

[powerguy]

لماذا حذف الموضوع يالزير سالم؟؟

لانك ماتبي تعطينا حقوقنا ولا ايش؟؟؟

[llkl.net]

ههههههههههه ..

وهالموضوع اللي يناقش الهواشة بدأت فيه الهواشة ..

اخي poll
بالنسبة لي اعتقد الحل بسيط ..
اولا .. في مشاكل من وراها سبب .. يعني يمكن صدق في واحد مسوي مشكله او سارق من واحد شي .. ومن غيضة ما حصل الا المننتدى يطالبه فيه .. اضن هالشي ايجابي ..

ثانيا .. و للاسف انها الاغلبية .. هي تحديات او استهزاء بالاخرين او انقاص من شأنهم .. وحلها بنظري بسيط .. انا انتظرت اسابيع حتى اسجل بسوالف .. ما دام هم ما يحبون ينضغط عليهم .. انزين ليش ما يحاولون يسووون العكس .. يغربلون الاعضاء .. او بالاصح .. حذف كمن عضو في حالة انقاص او استهزاء من الاعضاء الاخرين واجب .. من جهة تردع اللي صاروا يتكلمون و الحسد عامي قلوبهم .. ومن جهة تعاتب و تفتك من اللي سوا المشكلة ..

و اذكر للمثال مب للحصر ..
شخص حط استايل بمبلغ و قدره ..
دخل عضو .. استايلك ما يسوا و جاهز اسويه مجانا و يا اعضاء لا تشتروه و بمنتداه اصلا ما موجود الا الاستايل العادي ..

زين ليش هالاسلوب في الكلام ..
والكثير الكثير ..

للاسف الردع هو الحل بنظري ..
وبالنسبة لي احاول اتجنب الكثير ..
وشكرا للموضوع الجميل اخي poll