بخصوص دومين موقع عسـل www.3sl.com

[ماجيك اعلان]

ليش مركب ادسنس بذي الطريقه ؟
يبيك تاخذ باند علي الدومين ؟؟

[ميديا]

اخواني النطاق يوم كان مسروق كان معروض في سيدو من قبل شخص مصري

الان اللي حصل يوجد شخص كويتي اشترى النطاق من المصري عبر الموقع الوسيط سيدو بمبلغ
2000 دولار وشوي وتم انزال البيعة في قائمة النطاقات المباعة في سيدو

والان الكويتي هو صاحب النطاق الجديد ومسوي صفحة الادسنس في الصفحة الرئيسية

[وليد]

اخوي صاحب الموضوع

اللي ربي كاتبه لك بيصير
ومثل ما جاك دومين عسل
راح يجيك دومين اطيب منه
معوض خير ولا تشيل هــم
الظالم يلقى جزاه دينا وآخره

[star top]

الله يعينك ان شاءالله

راح تتسهل امورك باذن الله باستراجاعه


لكن الغريبه يردون يقولون اختفى !
عجيب

[بوكت]

برأأي مالك حق مع السارق او اي شخص

حق اذا تبيه تاخذه من الشركة اللي ضيعت عليك الدومين هم المسؤولين

انا عندي دومينات اقوي من عسل بس حاطها عند شركات لها قيمتها ولو ينسرق منهم او يضيع

احاسبهم هم واحط السعر اللي ابيه ويدفعون لي

غصب عن خشومهم

دومين قوي مثل هذا السبب في ضياعه انت لانك ما عرفت قيمته ولا عرفت وين تحط الدومين

واسمح لي علي هالكلام صديقك من صدقك

[سليمان عبدالعزيز]

اخوي صاحب عسل السابق ..
اشوف الموقع رجع إذا كان انت فـ الف مبروك
إذا للآن بيد السارق يرجى إضافتي على ايميلي الي بالتوقيع
واي شخص يقدر يوصل له الموضوع ياليت

[بيت الإقلاع]

السلام عليكم


حاس فيك وبالقهر اللي بقلبك


صار لك مثل ماصار لنا


http://web.archive.org/web/200707011...eqla3i.com/vb/

هذا موقعنا راح مع دميناته قالوا لنا انحذف من السيرفر نتيجة غلطة بسيطة من احد الموظفين

مابقى لنا الا ندخل على الارشيف نبكي عالاطلال ونمشي

حسبي الله على كل حرامي نصاب الله جايه بالدنيا قبل الاخرة الله لا يحلله


الان دوميناتنا الجديدة عند ترايدنت وهي شركة ثقة الله يوفقهم وعلى راسهم تركي الودعاني

[عرب كوم]

الله يعينك يارب وحقك مايضيع كيف يباع الدومين واي شركه تبيعه المفروض فيه قانون رادع فوضى اهي

وسبق كلمت شخص من الي ماسك بعض مواقعي كنت بشتري عسل منك لكن قالي الرجال يقول مسروق الدومين

والله انه نقلت كل دوميناتي من 7 سنوات اخذتها عبره من اول دومينات طارت

حماية الخصوصية شي مهم في الدومينات ياالربع لا احد يسلم اي شخص الواحد مايثق في اخوه الحين

الله يعينك يارب

[محمد المبارك]

http://www.traidnt.net/vb/traidnt1940872/#axzz1WxzBJPNg
خالد معروض للبيع هنا

[ربيع نجد]

مافي إلا حل واحد فقط وخير الكلام ماقل ودل راسل الشركة المسجل عليها الدومين وتابع معهم التحقق من بيانات الدومين لاتصبر والوقت من صالحك عشان ماينباع الدومين من شخص لشخص وتعال دور الحرامي وشلك بالشقى راسلك شركتك وبيراسلونك ويطلبون منك التحقق من البيانات السابقة لدومين وبيرد إنشالله

دومين مثل هذا المفروض تضعه علا رسيلر دومينات خاص لك وعقد شراء بينك وبين الشركة الي شريت منها يعني شغلك يكون رسمي

والله يرجعه لك إنشالله

[ربيع نجد]

الدومين شغال أخوي الله يعينك من جد

الي شرااه رفع عليه تصميم

[c5c]

اتوقع الطيور طارت بأرزاقها

النطاق انباع بسيدو بـ 3000 دولار ,

ممكن المشتري الجديد على وجهة , ما يعرف شسالفة !!!

افضل حل لازم تشتغل على المصري ,
او تعوض الي شرا الدومين بـ 3000 دولار المبلغ , و تسترجع النطاق مرة ثانية