حقيقة اليوم السابع و فضيحة رئيس التحرير

[ayklam]

لكل مصري اتخذ اليوم الساقع مصدر له خصوصا اثناء الثورة

مكالمة تليفونية تكشف حقيقة اليوم السابع و تفضح رئيس التحرير خالد صلاح

http://www.youtube.com/watch?v=6QvxYUHfveI

[mo2men]

دى مش مكالمه تيلفونيه
ده شات على الانترنت

من زمان وانا مش مسريح للراجل ده

و طبعا الوضع ده طبيعى جدا فى صحافه مصر و الوطن العربى

هدفها الوحيد ارضاء المسؤل و اللعب بعواطف و مشاعر القراء

[abogalal]

اكثر جريدة كذابة منافقة هي اليوم السابع
كما قال رئيس تحريرها في هذا التسجيل انه يقوم بعمل 5-6 اعداد لكسب المصداقية ثم يبدأ النفاق

وهذا هو نص المكالمة

-----------------------------------------

خالد صلاح :اخبارك ايه
عمرو :كله تمام الحمد لله
خالد صلاح :استني هاحط السماعة
عمرو:ماشي
خالد صلاح :واحشني
عمرو:وانت كمان يا باشا
ضحك من الطرفين
خالد صلاح :اخبارك ايه
عمرو :كله تمام
عمرو:حلوة قوي المقالة بتاعتك
خالد صلاح :ربنا يخليك ..المقالة !..انت شفت المقالة ؟!
عمرو :خليت وليد-وليد مصطفي رئيس مجلس ادارة اليوم السابع - يقراهالي يا باشا

ضح من الطرفين
عمرو :لا خليته يتصفحلي الجورنال كدة علي السريع عقبال ما توصلي وبعدين المقالة بتاعتك خليته يقراهالي ..حلوة قوي ..يعني بص والله العظيم "الكونتانس "بتاعتها هايلة هايلة

خالد صلاح :وبأدب
عمرو :وبأدب وبكلام وبتاع ..عايز أسألك سؤال بقي يا باشا ..انت ليه قاصد تقطعلي الخلف كل ما تطلع علي التليفزيون ؟

خالد صلاح :بص يا عمرو وركز معايا واحدة واحدة ..دلوقتي إحنا طالعين علي أرضية ان احنا جريدة رجال اعمال ..وسيبك من اشاعة ان ممدوح اسماعيل بيمولنا ..والكلام اللي الناس في السوق بيقولوه وهو غير صحيح ..ماشي سيبك من اننا نطلع نقول كدة ..احنا متهمين اننا جريدة رجال اعمال ..فمشهتبقي مع الناس وهتبقي مع الحزب الوطني ..وخالد صلاح اصل هو معتدل فبالتالي هما بيؤهلوه علشان يطلع يبقي حاجة تانية في المستقبل وممكن يكون الحكومة دعماه ..

يكمل خالد صلاح :لأنا النهاردة مقدرش أروح في صف الاخوان ولا في صف أي حزب معارض تاني ..وانا علي الهواء النهاردة اتكلمت علي حزب الوفد كويس وقولت ده حزب أنا شخصيا بحبه ..اتكلمت علي الناصريين وقلت ان انا كنت حاضر مؤتمرهم ..وكان لازم اختم بطريقة تبين إن انا مش مع الحكومة لان الجورنال لما يتوصف انه مع الحكومة يبقي فيه خطورة شديدة جدا عليه ..أفا بعمل ايه دلوقتي انا كل شوية اضرب وألاقي أضرب وألاقي وقاعد عمال أقول ايه الأستاذ جمال مبارك فيه مشروع في الحزب سواء نزل كذا او نزل كذا .

خالد صلاح :لازم الناس تحس ان فيه شجاعة في شخص رئيس التحرير
عمرو :متفق معاك بس عايز اقولك علي حاجة يعني فيه حتة انت كنت حتي ضبطها ورجعت خالفتها تاني لما قلت انه هو مؤل-يقصد جمال مبارك –ورجعت قلت انه هو في المنصب فاهم أقصد ايه يعني هو مش هاينزل عشان هو مؤهل –يقصد الترشح للرئاسة –علي قد ما هينزل علشان هو في المنصب
خالد صلاح مقاطعا :أنا بقول ان هو في موقع المسؤلية يعني جمال في موقع المسئولية ..
عمرو مقاطعا:يعني دين أم ..يعغني مش لاقي غير أيمن نور ..ما تخترك أي واحد تاني يناظره
خالد صلاح :طب اديني ..لو انا قلت أي حاجة تانية ..انا قبلها بدقيقتين شاتم في الوفد وبقول ان الوفد تراشقوا بالرصاص مع انه حزب كبير لازم شويه كدة خلي بالك ده مش آخر لقاء تليفزيوني لازم نضرب في حته ونلاقي في حتة يا عمرو علشان الناس ....

يقاطعه عمر :اعملك رصيد معاهم ..بص خلي ايه ..يعني بنتناقش مع بعض ..فاهم أقصد ايه ..عشان نقد ايه ..يعني عارف لما تبقي بتدردش في موضوع ..يعني اعمل رصيد واعمل اللي انت عايزة بعد كدة فاهم

خالد صلاح :يعني الرصيد اللي لازوم يتعمل دلوقتي راجل الشارع ..الشارع لازم يحس ان الجورنال ده مش جورنال سهل ..ولا جورنال ممكن يكون بيجامل الحكومة في شيئ

عمرو :يا حبيبي ما الجورنال النهارده ..مأنت النهاردة مش طالع هادي برضه ..فاهم أقصد ايه يعني ما فيش محاذير فيه ..أنا بكلمك ..في حاجات انت بتقولها ..فاهم أقصد ايه
خالد صلاح :انا فاهمك كويس
عمرو :بس خللي بالك ده مخه صغير يعني –يقصد جمال مبارك-.
خالد :أنا بدعوك انك ما تقلقش صدقني ما تقلقش صدقني ما تقلقش انت لو شفت النهاردة هالة مصطفي عاملة ايه في المصري اليوم ..يعني المصري اليوم فيه حوار لهالة مصطفي شاتمة فيه جمال شخصيا
عمرو :مين هالة مصطفي ؟
خالد صلاح:هالة مصطفي دي كانت في امانة السياسات وكانت من المقربين جدا لجمال طالعة النهاردة شاتماه ..انت النهاردة بتقول انا من هنا لحد ست خمس اعداد مراهن علي الشارع ..ان الشارع يحس ان الجورنال ده بتاعه وانه مش جوةرنال رجال اعمال وانه مش جورنال مشبوة ..وانه مش جورنال متمون مش عراف منين .زلازم الناس تاخذد الرسالة
ي بكل الطرق ..بس في نفس الوقت تيجي تبص للعدد تلاق ياعدد فيه انت لما تلاقي صاعدون وهابطون –قسم للشتيمة والمدح في وزراء وشخصيات عامة –عندي وزراء يا راجل محييهم وعندي ناس تانية محييهم

ويكمل خالد :وبعدين خد بالك يا عمرو انا برضه في ناس بيتصلوا من الكبار من الكبار قوي يعني من الي..........

يقاطعه عمرو :أيوة ما انا فاهم انا عايزك تعيشني معاك في الصورة فيه ؟

خالد صلاح :لا عايز اقولك ان فيه بص ان بمنتهي الامانة اهم وأنظف وافضل مؤسسة وأشرف مؤسسة واخلص مؤسسة في مصر مبسوطة من الجورنال ومبسوطة مننا مش ها قولك اكتر من كدة

عمرو كطب ما توضحلي ايه اهم واشرف واخلص لغبطني اكتبلي طب مش لازم تقول –يقصد ان يكتب له الاسم علي غرفة الدردشة المفتوحة بينهما علي الانترنت –حطها علي الشات كدة وبعدين ما ىتقولش اسمي ولا أنا أقول اسمك
يكتب خالد صلاح علي الغرفة الدردشة علي الانترنت حيث يسمع من التسجيل صوت دقات أصابعه علي لوحة المفاتيح الخاصة بالكمبيوتر

عمر :ايه ياعم ده انا مش عارف أقرأ ..طب اكتبها بالانجليزي ..الانجليزي العربي عشان انا مش عارف أقرأ
يكتب خالد صلاح مرة اخري ويسمع صوت لوحة المفاتيح

عمرو :أه خلاص
خالد صلاح :فيه أفضل من دول

عمرو لا مافيش .زبس خلي بالك ان الصغير دماغه صغيره وانت اكيد عارف الكلام ده
يكتب خالد صلاح فيسأله عمرو :بعد الاصدار ولا قبل ؟ها بعد ولا قبل ؟
يكتب خالد مرة اخري ويرد عمرو :طب هايل
خالد صلاح :بص أنا ما بعتقدش ان فيه .؟.طب خليني أقولك ان ..ثانية واحدة
عمرو :انا ما عغنديش شك في ذكائك ..بس انابتلاقيني الفترة دي بسألك ليه
يكتب خالد صلاح مرة أخري علي الشات ويقول :ولا حتي بابا
عمرو :لا خالص
خالد صلاح :بص مش عايز أقولك ان الدواير
عمرو :بس ما هو خللي بالك لازم تفهميني الخيوط ماشيه ازاي فاهم أقصد ايه علشان أبقي فاهم

خالد صلاح :بص فيه ناس محترميين جدا جدا وشايفين احنا سواء من شغلنا علي الانترنت او من اللي طلع في العدد الاول بيقول ان احنا ماشيين في خط وطني محترم وان مصر هيا الاساس ..احنا معندناش أي موقف داخلي ولا يضر سياسات بلادنا .بل علي العكس ان الكلام اللي بيدور في كل الدوائر المحترمة في البلد انةاحنا ما بنزعلش من النقد طالما النقد ده نقد بناء وطالما ليه اساس وطالما بيهم مصلحة البلد

يكمل خالد :أنا لما يجي حد يكلمني من امن الدولة ولا من الحزب ولا من أي حد كبير تاني بقولهم كلمه واحدة ادوني فرصة ..انا مع النظام وانا معغ الدولة دي وانا معي ان النظام ده يبقي وانا شايف ان الحزب الوطني ..والكلام ده أنا مش "هاجخ "-أكدب بالمصري العامي –عليك انت يا عمر أنا شايف ان الحزب أقوي وأفضل من أي حد تاني بس كل الحكاية ايه ..وقولتلهم كدة بوضوح بس ادوني فرصة اضبط وضعي في السوق أنا معايا ناس مساهمين ودافعين دم قلبهم ما ينفعش ان انا اطلع اقوزلهم ما علش ما وزعناش غير 3آلاف نسخة ولا وزعنا زي روزاليوسف ما قدرش احنا عايزن نظبط في السوق ربنا يكمرنا يارب عغلي معدلات كويسه تليق بالسنة الاولي يعني مش عايزين نسمع 8أو 9أو 10ألاف ...

استمع الى نص المكالمة ...

عمرو :هو أول عدد باع كام ؟
خالد صلاح :احنا كنا طابعين 50أف با 35ألف وحتي بتوع التوزيع في الاهرام قالوننا ان ما فيش عدد بيعمل كدة في الاول بس أنا بقي من قلبي ما برضاش ليه لاان انا بقول لا ده تحت تاثير ان فيه سمعة كويسة من الموقع فاحنا مطالب مننا ان احنا نحافظ علي لاأن الاتنين وتلين احتمال ينقصوا العدد اللي جاي ودة طبيعي نفقد مثلا كام 8أو 6لكن ما نفقدش 10و15

عمرو مقاطعا :انا عيز أقولك ان فيه 3أسباب علشان يبقي واضح للحساسية اللي عندنا واحد (جهلنا بالمهنة )اتنين (الموضوع التاني وانتي عارفه)ثالثا (الموضوع اللي جايللي فيه أمين )
خالد صلاح :تمام
عمرو :فاهم أقصد ايه ؟ الموضوع اللي جايللي فيه امين ده ..ده عشان ايه حتي للي بيدعبس ما يعرفشي يلاقي فهمتني انا أقصد ايه –يقصد معرفة أصحاب الجريدة الأصليين والمساهمين من الخارج –بس
خالد صلاح :يومأ بالمعرفة
عمرو :بس هما دول الثلاثة اللي مخليين الواحد ايه بيروش بيسأل ..بيبقي عايز يتكلم معاك يعرف ايه الموضوع فاهم أقصد ايه
خالد صلاح :تمام ..تمام
عمرو :أما النفس فأنا بأطمنك إن النفس طويل ..طول ما جلناش لمبة حمراء –يقصد بالنفس تمويل الجريدة واللمبة الحمراء تحذير من السلطات –فاهم أقصد ايه

خالد صلاح :واحدة من الحاجات اللي هاتشوفها في العدد التاني إن انا لا الراجل الكبير وال اللي تحت منه موجدين اصلا في العدد ولا صفحة والشغل كلة ماشي في سكة تانية خالص لان انا بقول والرسالة بتاعتي ..أنا حتي في الموضوع اللي انا كاتبة عن الحزب مش كاتب اسماء صفوت الشريف ومش كاتب أي حد

عمرو مقاطعا :لا وكتابة رسالة منطقية جدا ..يا جماعة دة حلم جميل بس اعملوة صح
خالد صلاح :بالضبط كدة ..أنا بحط رجل في حتة والرج التانية في حتة تانية هو ده طلبي ومش هاخد في الموضوع دة إلا 5أو 6اعداد صدقني وبعد كدة هاظبط في التراك اللي أنا عايزه النهاردة المصري اليوم ما حدش بيعمل منهم حاجة لانهم واخدين أرضية في السوق وانا محتاج الأرضية دي وبعدين ألعب زي ما أنا عايز
يكطمل خالد صلاح :هاقولك علي حاجة من الحاجات الجميلة ..أنت عاندك احنا مهاجمين رشيد محمد رشيد لكن عرف مهاجمينه علي لسان مين علي لسان محمد نصير اللي هوه واحد من اهم رجال الاعمال في مصر ومقرب من رجال السلطة بيهاجم رشيد ..فانا مش ههاجم لله في لله ..انا هلعب في منطقة أضرب في حتة وألاقي في حتة لحد ما الجورنال ده يبقي ليه مصداقية عند الناس أول ما يبقي ليه مصداقية عند الناس نعمل اللي احنا عايزينه بس

ويستطرد خالد صلاح :قضية أيمن –يقصد أيمن نور –هيا قضية جماهيرية ..أناعارف ان أيمن في جزء نصب كبير أنا عارف ده كويس جدا
عمرو :بالضبط أيمن راجل نصاب أساسا انسي القضية اللي راح فيها مش دي السبب لكن ما يمنعشي اني انا متعاطف معاه إن نفسي يخرج كبني ادم لكن مش دي ..لكن ما عنديش استعداد ان اضرب رأسي في الحيط نظير واحد تاريخه مش نظيف اساسا ولا ...فاهم أقصد إياه يا خالد يعني مش عايز اخش في معراك تخللي حد يصغر دماغه
خالد صلاح :لا انشاء الله مش ها يحصل لأن أنا هاقولك علي حاجة لطيفة جدا
عمرو مقاطعا:خصوصا عن لازم تتوقع حاجة إن هاتلاقي اكترمن واحد بيدعبس في اللي كان قاله حمدي رزق
خالد صلاح يوما بالمعرفة ويقول :معاك معاك
عمرو :دي اللي انا بلمها في الفترة دي مع سي عتريس اللي جايللي ده
خالد صلاح :أه أه ..لا انشاء الله متقلقش وبقولك ان هما باين جدا في العدد التاني ان احنا متوازنين جدا ومعندناش موقف تجاه أي حد بل علي العكس احنا شاتمين الاخوان في صفحة او اتنين ..مهاجمنهم هجوم كاسح وباين جدا ان الجورنال ضد الاخوان وباين جدا ان الجورنال مش معي أي حد وباين جدا إن الجورنال مش قليل الادب لانه مش شاتم أي حد بل علي العكس بيوجه رسالة شيك وعايز اقولك أن أنا بعمل حاجات علي الهواء برجع أصلحها في الظل يعني بكلم واحد في امن الدولة أقوله مثلا كذا وأبعث برسالة للحزب الوطني أبعث ببوكيه ورد لعلي الدين هلال ..أنا عامل في الميزانية عاندي هنا مخصصات للحجات اللي بي الشكل ده ..ببعث مثلا ورد ..كروت معايدة إعلان مثلا .....

عمرو :قولي يا باشا مش المفروض عز عامل معاك حوالر –أحمد عز -؟
خالد صلاح :أه يا باشا ما هو العدد اللي جاي ..هو با عتللي رد كبير

[محمد سيف]

خالد صلاح زيه زي اى رئيس تحرير مصري بالصحف القوميه ومازل

لو عايزه تتكلم على تغطيه عندك المصري اليوم والوفد والباقى كله اردم

خالد صلاح انت بتتكلم فى مكالمه انا كنت بشوف خالد صلاح ع الجزيره والعربيه بيقول كلام وعلى دريم مع منى الشاذلى بعدها بدقايق بيقول كلام تاني خالص

يعني زي ما بالمصري اربط الحمار مكان ما يرتاح صاحبه بيقول اللى يريح المذيع

وانا بعتله رساله وكتب كومنت على مقالة له فى اول الثورة ووضحت له وجهه نظري فى شخصه وطلبت بما انه بيقول انه جريده حياديه ان ينشر المقاله ولا جانى رد ولا الكومنت متنشرش

ان كان ممتازا لقط او اسامه سرايا مع النظام فالناس دي كانت واضحه بطبل بووضوح للنظام

لكن الاخ خالد صلاح كان خبيث فلاول وهله للويب سيت تعتقد انه مع الثوره ولكن تعمق فى المقال تجده مع النظام

سواء هو او مصطفى بكري

فى الاحداث الاخيره وجوه كتيره جدا انكشفت من اعلاميين حتى ورجال اعمال فانعكست الايه كنت احترم بهجت كرجل اعمال شريف

ولا احترم ساويرس الان احترامي لساويرس زاد عن بهجت ووقع اخرون كابو العنين واخرون

والمشكله ان الشعب قادر ع التمييز فنحن لسنا بهذه السذاجه ولكن مازلوا يعتبروا ان الشعب اهبل

مثال تانى لليوم السابع ورفعوا المقال من الصفحه الرئيسيه بعدها بدقايق

نشرت امس الصحيفه بان مؤيدي النظام فتحوا صفحه ع الفيس بوك باسم جمعه الوفاء وان عدد اعضاء الصفحه وصولوا 140 الف مشترك

دخلت الفيس بوك اكبر صفحه كان فيها بين 2000 الى 3000 الاف مشترك وان جمعنا كل الصفحات على افتراض مفيش حد متكرر مش هيكملوا 10 الاف

كتبت كدا فى الكومنت دقايق دخلت الصفحه الرئيسيه لقيت الخبر محذوف منها

وامثله زي دي كتير زي مثلا خالد صلاح قال انه عند مصدر داخل النظام لمصري ومقرب من مبارك وفى نفس الوقت نشر خبر هو يعلم تماما انه كاذب نقلا عن صحيفيه كويتيه لحشد تعاطف الشعب مع مبارك

[أحمد الزنارى]

فعلا النفاق ظهر هذه الايام
اليوم السابع التى كانت تدعو للتهدئة بعد تنحى الرئيس تحولت 180 درجة
ضحكنى قولة ( اضرب من هنا و الا قى من هنا )
فعلا حاجة تكسف لايوجد اعلام محايد الكل منافق باستثاء قلة قليلة جدا جدا تاهو فى وسط هذا البحر من النفاق

[محمد سيف]

فعلا النفاق ظهر هذه الايام
اليوم السابع التى كانت تدعو للتهدئة بعد تنحى الرئيس تحولت 180 درجة
ضحكنى قولة ( اضرب من هنا و الا قى من هنا )
فعلا حاجة تكسف لايوجد اعلام محايد الكل منافق باستثاء قلة قليلة جدا جدا تاهو فى وسط هذا البحر من النفاق

وتتبع نفس سياسه الحزب الوطني سابقا

يعني كتبت تعليق ضد الموضوع وكتب صديق لى من هولندا ايضا تعليق ضد الموضوع فلم ينشر كليهما

عدت لنفس الموضوع وكتبت تعليق مع الموضوع فنشر

[محمد كيوان]

كلام سماكين

[أحمد الزنارى]

وتتبع نفس سياسه الحزب الوطني سابقا

يعني كتبت تعليق ضد الموضوع وكتب صديق لى من هولندا ايضا تعليق ضد الموضوع فلم ينشر كليهما

عدت لنفس الموضوع وكتبت تعليق مع الموضوع فنشر

لم ينشر تعليقى ايضا