تعطيل زر من ازرار الكبيورد

[سليمان عبدالعزيز]

السلام عليكم ورحمة الله وبركاته
كيف حالكم اخواني
مالكم بالطويله الصباح كنت جالس اشرب نسكافيه واتصفح فالمواقع صقعت بيدي كاس النسكافيه وو يطيح على اللابتوب
وهينا بدت المشكله اول 5 دقايق مسحته بالمناديل والح
مدلله كل الامور سليمه بعدين بداء يصير شيء مو طبيعي الزر معلق كني معلق عليه طعط. جرب تعلق عليه دقيقتين وو تصفح النت صراحه شي يرفع الظغط
ابي اعطل الزر كيف ؟ مابي خلاص زر كنترول اللي على اليسار بستغني عنه
مامداني اتهنى بونديوز 7 توني مالي ساعاات عليييه >منحوس
داخخل من جوال اللحين وعساكم فههمتو شيء

[TlT]

تصدق والله عندي نفس المشكلة لكن الزر اللي بيضغط مستمر هو زر الماوس الايسر في التاتش ولا ادري الزر اللي بالاعلى ام بالاسفل

اتمنى اعرف طريقة اغلق بها هذا الزر نهائياً

[AD4host.ae]

الأمر سهل .. فقط حاول تفك الزر نفسه (اخلعه) وحاول تنظف تحته .. ولو ماعرفت وديه لمهندس يفك لك الكيبورد او الزر فقط وينظف تحته .. لانه بيكون النسكافيه لزق بالزر نفسه ( الداخلي ) وصار كأنه ملتصق!

هذا اعتقادي والله اعلم ، لانها حصلت معي قبل كذا بس مع بربيكان ( هذي حياتي )

[سليمان عبدالعزيز]

لا مهندس ولا شي ..
المهم لاحظت ان الديل ما شاء الله ازراره ثابته 5 دقايق احاول افك الزر .. اذكر عندي توشيبا تنفك ازاريره من نفسه 5 حروف طايحه والمسافه والشفت ^^

المهم الي سويته فكيت الزر بعد معاناة وطفيته ونظفته وماظبط ..
شغلت المكيف على البارد وحطيت قدام المكيف 4 ساعات ماظبط
حطيته في شمس الرياض 10 دقايق وبعدها ولا كان فييييييه شي رجع مثل اول واحسن
بس عاد الزر ماركبته مشوار وشكلي سكرته مافكيته

عموما جزاكم الله خير جميعاً
TlT : إن كانك في الرياض ترى والله شمس الرياض نعمه .. 10 دقايق وامورك منتهيه