تنويه بخصوص التعامل مع شركة داتا وي

[g8g.com]

وصلت لمرحلة ماعاد ينفع فيهم ان الواحد يحترمهم او يعطيهم مجال لإعتذاراتهم السخيفه المتكرره.

تنويه بخصوص التعامل مع شركة داتا وي dataway.me

الموضوع بسوالف
الموضوع بترايدنت

السلام عليكم
وكل عام وانتم بخير
بالبداية
يشهد الله ماودي أشهر بأحد او انزل مثل هالموضوع ولكن انحديت وحبيت أني انبهكم من هالشركة عشان ماتكون ضحية لإستغفال وإهمال وتعطيل مشاغلكم اذا فكر احد يبرمج او يطلب خدمه منهم.
وملاحظة ماراح اوقف بس فقط وضع موضوع اهنيه او بترايدنت
ان شاء الله الإجرائات بعد العيد عشان اخذ حقي عدل

بداية السالفة
كان المطلوب منهم برمجة سكربت العاب بمواصفات والتصميم من قبلي يكودونه على التصميم وزين يالله بيالله طلع التصميم مثل الي ابيه والاخطاء ماراح اتكلم بإمكانكم الدخول والمشاهدة. واتمنى بعد الدخول بالاكسبلورر وتشوفون الفضايح والله يعينا على الجلطات : )

الاتفاق تم وكان السعر مع المحتوى 4550 ريال
ولثقي العميا فيهم وكان لدور مطبلين سوالف الاكبر بأني اتجه للشركة ( اذا كانت شركة طبعا ندق على ارقام تلفوناتهم ولا حياة لمن تنادي - والدعم الفني الخاص بالموقع تشوف الدعم الفني اون لاين بس اتوقع بس تمويه عشان يتصيدون الفرائس )
دفعت المبلغ كامل وللأسف هذى الغلطه اني دفعت المبلغ كامل كان الافضل نصف المبلغ على الاقل اذا بطلع بخسائر بطلع بالي يبقى معاي على قولتهم ( العوض ولا القطيعه )
صورة من الإتفاق وابيكم تلاحظون التاريخ من متى عشان تحسون بالمعاناه شوي الي عانيتها .

التاريخ 7 مايو - 2011/5/7


تم الدفع
بتاريخ 14 مايو - 2011/5/14
صورة توضح الدفع


المماطلة الاولى تابع الرد على الرسالة بأي تاريخ وقلنا يالله ماعليه نطوفها
وابيكم تقرون رسالتي وشنو كنت خايف منه بشهر 5 وهذى الي قاعد يصير الحين كنت اخاف من المماطله بالرد والوقت الي ياخذونه اذا كنت للرد على الايميل او طلب تعديل على أخطائهم.

الرد تم بتاريخ 19 مايو - 2011/5/19


على كلامهم وموضح فوق ان البرمجه الي بيدهم قبل لا ياخذون طلبي راح تنتهي بتاريخ 21 مايو - 2011/5/21 اشتغلوا بطلبي بتاريخ 30 مايو وتم اخذ الطلب مع إهمال بالرسائل زي العاده كم مره مع الإعتذار منهم ونقول يالله ان الإهمال وعدم الرد على الإيميلات يكون سببه يشتغلون بذمه وضمير ويطلع الشغل مضبوط وقوي دامه بياخذ فترة 3 شهور ( الرسائل موجوده وبإمكان اي مشرف بسوالف لو حاب تتأكدون وترشحونه اخليه يدخل ايميل ويتابع الإيميل من طقطق الى السلام عليكم ماعندي مشكلة )

ماراح اذكر التفاصيل الى منها يرفع الضغط والي منها يعطيك بصيص امل ان الشغل مكتمل الي من تاريخ 30 الى الاسبوع الي طاف
سلموني البرمجه مع العلم يعطوني معطيني ديمو وطلبت منهم تغييرات وولا سووها مثل الي يقولون ياعم ده الراقل وجع نفوخنا اديلوا اي حاقه خلوه يمشي

المهم تابعوا رؤوس اقلام
الرسائل وركزوا على التواريخ لن بالتفاصيل قمة رفعة الضغط ومضيعة الوقت



كنت ابي تحديد موعد نهائي للبرمجه متى استلمها لو تلاحظون بداية التصريف انه يبون يركبون البرمجه لي يعني عطوه البرمجه خلوه يسكت ازعجنا هالبني ادم وتحت بوريكم الاخطاء

مع رفعة الضغط الي جتني قلت بكنسل طلب المحتوى لن التعامل معاهم تعيس لأبد درجة وارغب بإستلام مبلغ المحتوى - حق مشروع لي
قلتهم انا بركب البرمجه بنفسي مع ملاحظة انه يوجد اخطاء بالديمو قلت اتوقع انهم معديلنا بالنسخة الي ارسلوها لي وكان توقعي غلط سكربت بصراحه لوحة تحكمه جباره بس 50 بالامية من لوحة التحكم ماتشتغل تبي تعطل اعلان ماتقدر لازم تعطلهم كلهم اذا جلبت لعبة فلاش من موقع يطلع بالسورس رابط موقعي بعده رابط موقع اللعبه يعني شغل مش حالك والاجمل ان اللعبه ماتشتغل لن الرابط غلط : )
فا تضطر بدال ماتجلب اللعبه انك تنزل بالاول بعدين تقوم بتحميلها على الموقع يعني بالعربي ( فلم هندي عشان لعبه وحده )

غير اذا تبي تحجب لعبه او تخليها بالارشيف انها ماتظهر اللعبه بالموقع - لا بالعكس تطلع اللعبه وتقدر تعلق عليها بعد يعني اتوقع معطيني سكربت مو العاب معطيني سكربت اسمه ( ارفع ضغطك وموت )
الاخطاء واجد وبإمكاني اصورها لكم فيديو + صور ماعندي مشكلة او مثل ماذكرت فوق اخلي اي مشرف ثقه بسوالف يدخل يشوف البلاوي الزرقه المتنيله بستين نيله سواء بلوحة تحكم البرمجه او الايميل. ومتأكد راح يرجع ويكتب الرد ( ادعولي بالشفاء العاجل متنوم بالمستشفى السبب ارتفاع الضغط )
ولحد الحين ماتم الرد على اخر رسالة مني



كنت طيب معاهم بخصوص اني بس بكنسل طلب المحتوى بس الحين دام فيها اكثر 5 ايام وماردوا المطلوب تحت

المطلوب منهم حاليا وعندي اليقين بمتابعتهم للموضوع
بالعربي والخط العريض لا ارغب ببرمجتكم ( لأني ماراح اثق بالتعديلات الي بتسوونها أو المحتوى الي بتركبونه - الكتاب باين من عنوانه ) اكتفيت وشبعت مماطلة المطلوب مبلغ البرمجه + مبلغ المحتوى كامل بدون خصم اي هلله لني اعتقد انا تعبت اكثر منكم بصبري عليكم يعني المفروض انتم تعطوني فلوس لصبري عليكم
او الخيار الي ببداية الموضوع ان شاء الله بتابعه بعد العيد
اللهم بلغت فاللهم فأشهد
نصحني صديق بالأجانب مع اقتناعي الدائم بالاجنبي بس قلنا نجرب شغل العرب: ) - بس الي مايطيع يضيع.
فمان الله
الموقع اذا حابوا تفرفشون وتضحكون على البرمجه شوي واخطاء التصميم ماعليه ترى بعض الالعاب ماتشتغل مو مني
العاب فلاش

[g8g.com]

اخر رسالة لي ارسلتها الحين عشان تشوفون سرعة الرد بس لا اكثر ولا اقل: )

[yy44.net]

كلامك وصل وعلى العين والرأس ننتظر الرد من داتا واي عشان نحكم

[g8g.com]

كلامك وصل وعلى العين والرأس ننتظر الرد من داتا واي عشان نحكم

يحق لك يالغالي السماع للطرف الثاني بس اتمنى تشوف التواريخ اعتقد مايحتاج تسمع الطرف الثاني

[أبوسعد]

والله اني اشهد والحق معك .. والله يعينك واعرفك صبور ..

ولكن معروف ياخوي حال الشركات العربية من حيث الالتزام صفر وعيونك .

والله يعينا ..

اطيب تحية .

[yy44.net]

يحق لك يالغالي السماع للطرف الثاني بس اتمنى تشوف التواريخ اعتقد مايحتاج تسمع الطرف الثاني

والله اليوم افكر اصمم عندهم لكن بعد هذا مستحيل







بصراحة انا مو عارف شو العيب في التصميم او البرمجة حاس الدنيا ملخبطه

[g8g.com]

والله اني اشهد والحق معك .. والله يعينك واعرفك صبور ..

ولكن معروف ياخوي حال الشركات العربية من حيث الالتزام صفر وعيونك .

والله يعينا ..

اطيب تحية .

مشكور ابو اسعد الصبر موجود بس نصبر اكثر من مره واهمال هذى الواحد الي ماعاد يستحمله

والله اليوم افكر اصمم عندهم لكن بعد هذا مستحيل







بصراحة انا مو عارف شو العيب في التصميم او البرمجة حاس الدنيا ملخبطه

بهالنقطه اخوي ان لما اجلب صورة لعبه من برابط خارجي يجلبها اوكي بس المشكلة انه مايعطيها مقاسات معينه يعني لو كانت الصورة كبيره يجلبها كبيره عادي مايعطيها مقاس موحد يعني اسخف الملاحظات مو مهتمين فيها.

[الكاهن الأخير]

اخى الكريم
انا مالى علاقة بهم من بعيد او قريب
لكن استحمل واصبر قليلا كما صبرك الشهور السابقة حتى لا يضيع حقك
الموقع ديمو فمن الطبيعى ان تكون هناك أخطاء بالموقع سيتم علاجها لذلك اصبر عليهم
وواضح انهم مستعجلين بتسليمك الموقع حتى حقوقهم مكتوبة فى الاسفل خطأ
تصميم وبرمجة DTATWAY © 2011

[g8g.com]

اخى الكريم
انا مالى علاقة بهم من بعيد او قريب
لكن استحمل واصبر قليلا كما صبرك الشهور السابقة حتى لا يضيع حقك
الموقع ديمو فمن الممكن ان تكون هناك أخطاء سيتم علاجها لذلك اصبر عليهم
وواضح انهم مستعجلين بتسليمك الموقع حتى حقوقهم مكتوبة فى الاسفل خطأ
تصميم وبرمجة DTATWAY © 2011

عزيزي استحمالي للشهور لأنهم قاعدين يشتغلون وهذى حق لهم ولكن ان يتم تسليمي برمجه ناقصه الكثير هذى الي الواحد مايقبله والي مايقبله انه يتم تجاهل طلبه بالرد على الايميلات هذى الي الواحد مايقبله او يقدر يتحمله
انا عميل دافع مبلغ يعني يا أنك ياشركة يامحترمه تكونين قد المسؤوليه او لا تستقبلين طلبات اكبر من حجمك.

[K. ALHRBI]

الله يعينك

[g8g.com]

صراحه من عنوان الموضوع حسب الكلام عن سيرفر او vps

ودخلت الموقع قبل ماأقرا الموضوع وشفت التصميم بصرااحة قلت حرام دومين على هالتصمم زبالة الله يكرمك


مادري المشكلة من فين لكن من جد تصميم ماش بقوة

لكن والله غريبة عندهم أعمال حلوه لكن الي عندك بقوة مو متناسق

يمكن عندك مشكللة بالدوال بخصوص اللوحة



والله يعينك

التصميم والتوزيع من اختياري وتصميمي معطيهم صورة عنها كان من الممكن يطلع بشكل افضل لو مهتمين بالتفاصيل الي كنت اذكرها لهم ولكن عمك اصمخ
وعشان اقطع الشك باليقين اذا كانت المشكلة بالدوال او قلت <-- نيتي شريفة ان المشكلة بالفي بي اس قلت خلني ادفع اكثر شوي يمكن الخطا من ال vps وطورت الخطه امس بس يالله شوفة عينك الوضع على ماهو ولو كان فيه دوال كان المفروض يبلغوني بخيارات التركيب بس اشوف ان المشكلة مو بالدوال المشكله من برمجتهم السريعه والي مش حالك

[محمد الجهني]

الله يعينك أخوي ويرجع لك حقك

توضيح فقط: لا نقول على مجموعة اشخاص هواة لايتجاوز عددهم عن خمس أو ست أشخاص (شركة)
فالمنشاة التي تحتوي على 500 موظف الجهات الرسمية تعتبرها مؤسسة لذا وجب التنبيه

ثانياً:أكثر المطبلين لهؤلاء وغيرهم هم إما أصدقاء لهم أو عضويات تابعه لهم أو من نفس جنسيتهم
فلا نعتمد عليها

ولا ننسى أن الله يحب إذا عمل أحدكم عمل أن يتقنه.

[بوابة التميز]

الله يعينك يالغالي

لكن أنتظر لحين سماع الطرف الثاني

[g8g.com]

الله يعينك أخوي ويرجع لك حقك

توضيح فقط: لا نقول على مجموعة اشخاص هواة لايتجاوز عددهم عن خمس أو ست أشخاص (شركة)
فالمنشاة التي تحتوي على 500 موظف الجهات الرسمية تعتبرها مؤسسة لذا وجب التنبيه

ثانياً:أكثر المطبلين لهؤلاء وغيرهم هم إما أصدقاء لهم أو عضويات تابعه لهم أو من نفس جنسيتهم
فلا نعتمد عليها

ولا ننسى أن الله يحب إذا عمل أحدكم عمل أن يتقنه.

يعين الجميع مشكور يالغالي
هذي مشكلة قديمه بسوالف مع المطبلين

الله يعينك يالغالي

لكن أنتظر لحين سماع الطرف الثاني

يعين الجميع يالغالي مشكور
تعتقد انهم راح يردون ؟
ماردوا علي انا ( العميل ) على الايميل صارلهم خمس ايام وغير الرسائل القديمه الي تاخذ اكثر من اسبوع تتوقع انهم راح يرد الطرف الثاني
المقصد من هالموضوع مو ردهم او انتظر رد منهم المقصد تحذير منهم لا اكثر ولا اقل سواء الي يبي يتعامل معاهم من ناحية البرمجه او اي تعامل آخر.
لن اشوفهم مشاء الله عليهم لهم ردود اهنيه اي واحد يطلب خدمه تلقاهم عارضين خدماتهم كان المفروض قبل لا يعرضون خدماتهم يخلصون العملاء الي على اعصابهم.

[bilba]

اخوي الغالي داتا واي مشهور لهم بالامانه والالتزام
والدليل شوف الاعمال الي سووها بموقعهم تبهر الصراحه تصاميم وبرمجه خياليه

شوف هذا الموقع من برمجتهم www.t7t.com
الظاهر انت استعجلت عليهم كثير وانا متاكد ان شركة داتا واي راح يضبطون لك موقعهم افضل من ما تتخيل
ارجع وقول ادخل موقعهم وشوف اعمالهم وسبق وتعاملت معاهم اخجلوني بتواضعهم واهتمامهم

ليس عدم رضا عميل واحد يعني ان الشركه سقطت لا بس متاكد ان ظروف طارئه صارت

قسما بالله لا اطبل ولا شي لكن هالشركه لها سمعتها مستحيل تفرط فيها عشان تصميم او برمجه

انا منتظر رد داتا واي صراحه