ما هو أفضل بنك سعودي برأيك؟

[عبدالله بن سعود]

السلام عليكم،،،

اليوم حدثت مشكلة معي في فيزا الراجحي، وللاسف ياليتني ما اخذتها صراحه.


جاء على بالي اكتب موضوع هنا، عن آراءكم بخصوص البنوك

من ناحية الخدمات الإلكترونية الاون لاين
ثم خدمة العملاء في الفروع و سرعة تجاوبهم مع العميل
انتشار الفروع داخل و خارج السعودية!


تصبحون على خير

[yy44.net]

انا ارى الراجحي الأن وتغير كثيرآ عن السابق + تقدر تقضي معاملاتك كلها وانت بالبيت هذا من تجربتي والحمد الله مرتاح بفضل الله

[محمد بن سعود الفايز]

افضل شي : سامبا
بطاقة الصراف ، طلعتها بدون مبالغه خلال ثلث ساعه (:




اسوأ شي : الرياض
بطاقة الصراف ، طلعتها بدون مبالغه خلال 5 ايام (:
اروح له اقوله : اذا تسمح ابي بطاقه
يجاوبني : المكينه خربانه
جت بنت : ابغى اطلع بطاقه
جاوبها : روحي قسم النساء تلقينه ع يدك اليمين
قالت : اي بس يتأخرون ابي من هنا بسرعه
قالها : المكينه وحده للنسا والرجال :| بس عطيني سجلي بياناتك هنا ، وهالحين بطلعها
انا : وين يآخوووووووووي ، توك تقول المكينه خربانه ، وهالحين تقول .. بطلعها لك
جاوبني : إبتسامه غبيه



موقف اخر ،،،

نفس القصه مع البطاقه .. ولكن مع واحد من اخوياي

خويي : بطلع بطاقة
الموظف : انت طالب ؟
خويي : اي بكلية التقنية
الموظف : رح جب تعريف وتعال !
خويي : اوك
،،،،،،،،، راح للموظف اللي جمبه ،،،، كذا قام من عنده وشاف اللي جمبه فاضي وراح له

خويي : بطلع بطاقه
الموظف : اوكي امسك هالاوراق وعب بياناتك
خويي : اوكي عبيتها
الموظف : راجعنا بعد يومين والبطاقه جاهزه
خويي بعد يومين : شكرا يعطيكم العافيه
واستلم البطاقه


يعني اشوف فيه تخبط بين كل موظف وموظف ،، حتى اسلوبهم فيه شوفة نفس .. بعكس سامبا

[نور المنسي]

من معاملات قديمة

الرياض ثم سامبا ثم الراجحي

[محمد الجهني]

من ناحية الفروع كلها من سيء الى اسوء بسبب قلة الموظفين وكثرة العملاء والزحام
أما ناحية بطاقات الفيزا وخدمات أون لاين لم اجرب الا الرياض وهو جيد بلا مشاكل
بالنسبه لفتح حسابات صار من الصعب وتعقيد حتى بنك البلاد اللي عملاءة قليل

صعب نحدد بنك أنه الافضل فكلهم يفكرون كيف يستفيدون منك ويعطلونك حتى الرمق الأخير.

[:saudi:]

الراجحي خدماتهم ممتازه
الأهلي يتعامل معك باحترام وخدماتهم نوعا ما جيده
بنك البلاد بنك طموح وسيكون توأم الراجحي
بنك الرياض يتعامل معك كأنك حرامي وخدمات زفت وموظفين من العصر الجاهلي

[مهدي السبيعي]

الراجحي و الاهلي الي اشوفهم الافضل

بس الحين الفروع زحمه مره خاصه الراجحي الشعب كله يبي يفتح حساب عشان حافز

[عبادي القرني]

لا يوجد منافس للراحجي أبداً , أعتقد بنك الإنماء والبلاد مستقبلا سيكون لهما شأن كبير

أما بنك الرياض عقيم جداً عن تجربة حتى موقعهم لا يمكن فتحه إلا بمتصفح إكسبلورر !!

[يوسف التميمي]

لا تدور افضل من بنك الجزيرة

[Akwad Net]

SAMBA
مرتاح معهم من 12 سنة
أسوا بنك تعاملت معه كان الاهلي

[doctor9]

الرياض
خدمات انترنت وفيزا وكل الامور

[:[حبيبها]:]

افضل بنك اتعامل معه الرياض .

اون لاين و بطاقات ماستر كارد وغيرها


بالنسبة للي يقول انه موقعهم مايفتح الا على اكسبلورر , الان موقعهم شغال معي على كروم زي الحلاوة

[New Prison]

الراجحي افضل خدمة من خلال مباشر الاونلاين وكثرة الصرافات بالمدن


اما الاهلي فهو الافضل لبطاقة الفيزا والشراء عبر النت


اما كخدمات اخرى واهتمام بالعميل اشوف ساب ثم سامبا افضل شيء

[فتى الخفجي]

الراجحي +

[صالح]

الراجحي مباشر فقط
الفروع زحمه كل وقت + الصرافات دائما فيها مشكلة .

بنك انماء جديد وممتاز كبداية

بنك الرياض افضل مافيه الصرافات نادرا ماتلقى الصرافات خربانه .

بنك البلاد ممتاز بالفرع .

الافضل الكترونيا الراجحي

تحب تروح للفروع ايداع وحوالات قدم عند البلاد