البرواز

[محمد الهاجري]

اخاوني الله يعطيكم العافيه
انا عندي سؤال وصدقوني ما سألت الا لما تصفحت سوالف كلها ولا لقيت اجابه
وسؤالي هو ممكن تشوفون الصفحه هذي وتعرفون شنو المشكله عندي
http://www.7oob.net/vb/forumdisplay.php?s=&forumid=2
المشكله طبعا بالبرواز عريض حيل ولو تلاحظون ان الصفحه الرئيسيه مظبوطه وبعض المنتديات ايضا مظبوطه ولكن المشكله في 3 منتديات عندي وهي المنتدي العام والسياسي والاقتراحات
اتمني اللي عنده حل للمشكله ما يبخل علينا واكون شاكطر وممتن له ومشكورين مقدما

[ice]

أعتقد والله أعلم ان الامور كلها على ما يرام لكن لما يجي العضو
ويكتب موضوع جديد ويكون الاسم طوييييييل جدا تحدث هالمشكله

مثلا لو تدخل المنتدى السياسي عندك راح تلقى موضوع اسمه

تحذيرررررررررررررررررررررررررررررر وهو أعتقد الي ساحب المنتدى

سحب فأعتقد المشكله في مشاركات الاعضاء هذا مجرد

رأي والله اعلم

[محمد الهاجري]

فعلا اخوي صراحه مادري شقولك انت حليت مشكله دخت فيها وطافتني والله
بس اخوي شنو الحل جذيه راح يخرب عنوان الموضوع تصميم المنتدي اذا فيه حل يا ليت تدلني عليه ومشكووووور من قلبي والله وانشالله نردها لك..تحياتي

[ice]

هلا أخوي الحمدلله طلعت هي المشكله اما حل هالمشكله

والله ما اعرفها لكن اكيد فيه طريقة او كود معين يحد من هالشي يعني

مهما يكتب العضو اسم الموضوع طويل ما يتاثر شكل المنتدى العام ..

الحل المؤقت هو انك تحط اعلان في المنتدى تتكلم عن هالعيب وانه يأثر

على شكل المنتدى ولازم الكل يراعي عنوان الموضوع هههه

لين ما تلقى حل مناسب ومفيد من احد الاخوة الكرام في المنتدى ,,

[محمد الهاجري]

اشكرك اخوي والله وباتضار الحل من الاخوان ياليت يفيدونا

[ice]

انزين شوف أخوي اعتقد فيه حل بسيط لكن قبل كل شي لازم

تحتاط يعني وتسوي باك اب للتمبليت الي راح تعدل فيه احتياطا

شوف الحل هو انك تخلي المنتدى كأنه محفور ..

اتبع الخطوات ,,

في الكنترول عندك روح للتمبليت تحت واضغط عليه ودور تمبليت اسمه
forumhome اضغط عليه واعمل الكلام الي فيه كوبي واحفظة عندك

وبعدين دور الكود هذا

<table cellpadding="0" cellspacing="0"
 border="0" bgcolor="#555576"  width="100%" align="center">
<tr><td>
<table cellpadding="4" cellspacing="1"
 border="0"  width="100%"> 

غيره وحط هالكود انا حطيت اللون قريب على لون منتداك

<table cellpadding="0" 
cellspacing="0" border="0" bgcolor="#BDA6BD"  width="100%" align="center">
<tr><td>
<table cellPadding="4" width="100%" border=1 borderColor=#BFB29B 
borderColorDark=#FFFFFF borderColorLight=#876D43 cellspacing=1> 

واعمل حفظ

وبعدين روح للتمبليت forumdisplay_threadslist

ودور هالكود

<table cellpadding="0" 
cellspacing="0" border="0" bgcolor="#555576"  width="100%" align="center">
<tr><td>
<table cellpadding="4" cellspacing="1" border="0"  width="100%"> 

وحط بداله هالكود

<table cellpadding="0" 
cellspacing="0" border="0" bgcolor="#BDA6BD"  width="100%" align="center">
<tr><td>
<table cellPadding="4" width="100%" border=1 borderColor=#BFB29B 
borderColorDark=#FFFFFF borderColorLight=#876D43 cellspacing=1> 

أهم شي تسوي احتياطاتك واذا شفت خلل رجع كل شي مثل ما كان

تحياتي

[محمد الهاجري]

اخوي اول شي اشكر تجاوبك اللي فاجأني صراحه
بس عندي سؤال اللي تقول عليه الحين راح يغير من شكل المنتدي ولا لا؟

[ice]

هلا أخوي التعديل هذا فقط لعمل واجهة المنتدى كأنه محفور وبيكون تغيير طفيف بين الاقسام ..

انا عدلت الكود شويه لانه كان طويل جدا وما قدرت القى اقونة الرد على

هالموضوع ..

المهم هذي محاوله واذا ما فلحت اكيد الشباب عندهم طريقة أخرى

واسأل أهل الخبرة مثل الاخ عماد (الكهف) وغيره ..

تقبل تحياتي

[alkahf]

يجب تحديد عدد الحروف المسوح في خانة العناون لدى كتابة موضوع ..

مثلاً أنت تريد أن يكون أكبر عنوان موضوع 40 حرف فماذا تفعل ؟؟
تذهب إلى التمبليت newthread
تبحث عن السطر :

<input type="text" class="bginput" name="subject" value="$subject" size="40" maxlength="85" tabindex="1">


فتحذفه و تضع بدلا منه :

<webbot bot="Validation" B-Value-Required="TRUE" I-Minimum-Length="5" I-Maximum-Length="40"><input type="text" class="bginput" name="subject" value="$subject" size="40" maxlength="40" tabindex="1">

ثم اضغط حفظ و تنتهي المشكلة ..
ملاحظة :
لاحظ مايلي : I-Maximum-Length="40"
40 يعني 40 حرف و يمكن زيادتها أو إنقاصها كما تراه مناسباً لك


و السلام عليكم

عماد

[ice]

شكرا أخي الكهف على الافادة والطريقة المفيده ..

ice

[محمد الهاجري]

كل الشكر اخوي عماد وشرح ولا اروع صراحه الله يجزاك الف خير اخوي
ice تسلم والله يالغالي وعساك ذخر