مشكلة عويصة .. أرجوكم المساعدة - ضروري..

[farisalmaydan]

سلام .. أحباب سوالف

أما مصمم مواقع.. وحالياً أعمل في مؤسسة عالمية ومهمتي هو تصميم موقع المؤسسة العربي..


أنا متعود على فرونبيج لأنه سهل التصميم بالعربي.. بس المؤسسة يستعملوا الدريم ويفر الترادف.. حاولت قدر استطاعتي أن أعرب البرنامج لكن أنجح شيئ وصلت إليه أنني أظهر النص العربي وأحرره بس مثلاً لو في خطأ إملائي بدي أصححه لازم أنقل النص إلى ورد أو أي مكان آخر وأصحح العبارة أو الكلمة وبعدين أعيده إلى الدريم ويفر وهذا بالنسبة لي كابوس لأن المقالات بعض الأحيان طويلة..
.
.
فهل لديكم حل لتحرير نص عربي في الدريم ويفر مش فقط إظهاره..
.
أتمنى أن تكوني فهمتوا قصدي..

ولكم مني ألف تحية وسلام..

أخوكم المنتظر على أحر من الجمر لحلكم.

[llkl.net]

بالنسبة لي الدريم ويفر هو افضل برنامج .. فيه ميزات عجيبة .. لكن القهر دعمه الضعيف للغة العربية ..
هالنقطة تخليه كريه ..

اللي اعرفه و لو حبيت تعدل الكتابة داخلة ممكن تسوي هالخطوات .. اللي ما اعرف ان كانت بتساعد ولا لا ..

1- edit > preferences
2- fonts/encoding
3- وتحط هالاختيارات كما يلي
others
others
arabic transparent
14
simplified arabic fixed
14
simplified arabic fixed
14

ولا تضحك على اختياري لنوع الخطوط المذكورة فوق و الاحجام .. لانه ما يشتغل الا على خطوط معينة و احجام معينة .. ان ما طابقت اللي براسه هالعنيد ما يغير ال encoding على ال others

وبعدها اقدر اعدل الكتابة عادي ..
و لو كنت تعرف هالخطوة فاسمح لي او اني ما فدتك بشي ..

[farisalmaydan]

لا أصدق أن في كل سوالف لا أحد يستطيع الرد على سؤالي..

لازال الأمل يراودني في إجابة..

أخوكم محمد

[llkl.net]

ياخي ليش مستعجل

و اكرر اكيد بيساعدوك محد بيبخل ..
الا بس عدم معرفة هالبرنامج او عدم معرفة الجواب ..
مب اكثر ..
خلك طبيعي

و كنت بعدني ابحث عن طريقة للتصيح الاملائي ..
وصلت ان مكان الملفات يكون هنا ..

C:\Program Files\Macromedia\Dreamweaver 4\Help\Configuration/Dictionaries

هاتلنا ملف عربي نحطه هناك على نفس نمط الملفات الثانية ..
يله تساعدني ..

ولا اصرخ بعد شوي و اقول محد يبا يساعدني

[farisalmaydan]

آسف حبيبي.. رديت قبل أن أقرأ ردك..

أصلاً شفت موضوع ينزل تحت في القائمة وما في رد..

على أية حال.. الطريقة اللي ورتنا بها مشكور معروفة.. وفقط تبين لك النص بس لو تحب تعدل فيه مثلاً كلمة :
أبي فوق الشجرة

وحبيت تعدل كلمة الشجرة إلى الحصان.. يروح التعديل إما مكان (أبي) أو مكان (فوق).. ودواليك لو في معاك مقال طويل تحب تعدل فيه..

فهمت فصدي..؟!

بالمناسبة كمان المواقع مثل سوالف وغيرها من المواقع المتميزة.. إيش من برامج يستعملوا.. سمعت أن الناشر تبع صخر أحسن من فرونتبيج.. صحيح؟

على أية حال.. أنا مشكلتي مع الدريم ويفر ومن لقى له حل.. له من بوسة عل الجبين.. موووووواح مقدماً...

أشكراً عزيزي llkl.net مرة أخرى..

[llkl.net]

العفو اخوي ..
والحمدالله انك كنت تعرف هالاسلوب ..

و في شي ثاني انا اسويه مع هالعنيد هو ..

اذا كتبت ..

ابي فوق الشجرة ..

وحبيت اغير كلمة فوق .. شو اسوي انا؟
اضلل الكلمة من البداية .. حلو .. من الالف الخاصة بابي ..
وحرك الماوس باتجاه اخر الكلمة ..
بتشوف ان الكلام اللي ((((((( يتضلل ))))))) غير .. مب مهم .. ركز على الكلام اللي يتضلل .. حتى توصل لاول حرف من الكلمة اللي تريد تمسحها .. حرف ف من كلمة فوق .. اضغط الماوس مرة عشان احذف ما تم تضليله سابقا .. اضغط مرة ثانية و امشي .. لين اشوف كلمة .. فوق .. صارت مضللة مع انك لو انتبهت بتحصل الكتابة غير بالكامل على يمينها و يسارها .. المهم ابدا اكتب كلمة ثانية .. تحت مثلا

حل سخيف ..
بس هالشي اللي انا اسويه حاليا ..

وبخصوص القواميس .. طلعنا مساكين العرب كالعادة ..في دعم لثمان لغات مب من بنيهن العربية .. حصلتهم هنا
http://www.macromedia.com/support/dr...downloads.html

وبحثت بالنت بدون اي فايدة لاي معلومة ممكن تساعد ..

عذرا اخوي ..
واتمنالك التوفيق

[farisalmaydan]

شكراً أخي على محاولاتك.. نسيت أن لي نفس الطريق.. بس ياخي متعبة.. وبعدين لو في معاك نص كثير..

أشكرك على انتباهك مع أخوك.. آملين أن نجد واحد عنده حل..

على أية حال.. هل تعرف موقع ممكن أجد فيه برنامج الناشر نت تبع صخر..

وإلى اللقاء أخي العزيز

[llkl.net]

هلا اخوي ..

للاسف ما حصلت
شكله ماشي ..

حتى موقع صخر فيه معلومات وبس ..
http://www.sakhrsoft.com/Press/press...01mar/15-3.htm

في موقع ثاني يبيعه اونلاين .. بس غالي .. ما اعرف هذا سعره ولا مغلي .. وهل الموقع اامن ولا لا ..
http://www.futuretecltd.co.uk/itm00031.htm

مالك الا نسخة اصلية اخوي ..
واضني احسن لو تباه .. يعني دعما للبرمجة العربية

[farisalmaydan]

أخي الحبيب..

بالمناسبة كل برامجي في جهازي مشتراة.. ومن دعاة دعم البرمجة العربية.. بس أحببت نسخة ولو حتى مؤقتة.. حتى أرى كيف البرنامج وبعدين اشتريه..

لكن خير..

أشكرك أخي الحبيب على جهدك في البحث..

[llkl.net]

ممتاز والله ان كل برامجك خاصة العربية مشتراه ..
والله شي جميل

و شفت ..
اتحدى اي واحد يعرف عن الدريم ويفر غيري و غيرك في سوالف ..
اتحدى

واتمنالك كل التوفيق ..