فيديو متهور يسوق بسرعة 200 في شوارع الرياض

[MANTEK]

قبل لا تشوف المقطع شوف اول المقطع في هذا الموضوع
http://www.swalif.net/softs/swalif12/softs310672/

والحين طلع لنا هذا الوسخ يطير بسيارته في شوارع مليانة سيارات فيها عوائل اطفال ونساء
وممكن تكون مع اهلك في السيارة وياغافل لك الله ويجيك واحد ماشي 200 من جنبك يربشك او يصطدم فيك وتروح ملح انت وعيالك وتسير لقطة في اليوتوب

الحين السؤال وين المرور ووين الدوريات عن هذا المجرم

http://www.youtube.com/watch?v=5EGh51o7Gk8

[أزدي]

ما يرفع ضغطك إلا هالعينات اللي يبتليك بنفسه وانت من حالك في بالك

و بعد الله يعينكم يا اهل الرياض على المشاوير, عشان تزور خويك ولا قريبك تسافر سفر لو هو شمال و انت جنوب

[فتى الخفجي]

تموت مرضخ ولاتموت مقطع خلك رايق << يقوله هههههههههههههههه مو صاحي والله

[محمد بن سعود الفايز]

الولد حذف قناته ، وحذف جميع مقاطعه ، وانه نادم على اللي سواه.
ما اقول الا الله يثبته

[مهدي السبيعي]

وش سالفه القسم العام قالب اسبوع المرور

[# عبدالعزيز الحربي #]

صراحة تهور لابعد درجة ...

لكن الحق ينقال

الولد طارة ما شاء الله

[متعب الحربي]

آنا لو مثله سويت آكثر < آنتبه ..

اني آسوق 200 شيء طبيعي ! لكن بطريق فآضي ..
ذآ معه سيآره لهآ 10 سنوات وهو يسوقهآ طبيعي يعرف الـ CM > بآلتخشيش ..
انا اخشش لكن مو زي كذآ ..
ماعمري سويت حركة تلــزق بآلواحـد لين يتفح لك ..
اخذ حذري . ممكن لأن الموتر جديد له 4 آشهر بس .. ^_*

لكن السواقه مُتعه اذا كانت بآلتخشيش وتاخذ من المسآر الايسر لليمين والعكس ..

[بوابة التميز]

بلاه والله ماحد وقف الموتر ومردغه لين يحب الزفلت ,, عشان يعلمه سواقته ,,

ترى اللي سواه ماهي مُعجزة وسهله ماهي ذيك الصعوبة لكن , الطريق له حقة وبرضو هالناس اللي تمشي لهم حقهم , أدنى وقوف للجميع في الدائري وهو على سرعته راح يصدم باللي قدامه واللي قدامه راح يصدم اللي قدامه ولا يدري يمكن يُصاب اللي قدامه مع الرقبه من قوة الدفع ,, للاسف الكثير لا يعرف معنى الحُريه ,, فقط يعتبر تصرفاته الرعنا حُريه , ضارباً حُرية الغير عرض الحائط ,,,

وبعدين الدائري مو ذيك الزحمة