عملية الليـــــــزر . . . الكل مطلوب

[عبدالله بن سعود]

السلام عليكم .. هلا شباب وش اخباركم


انا بسوي عملية ليزر الاسبوع الجاي ان شاء الله

لكن ابي نصيحتكم عن دكتور في الدمام ( المنطقة الشرقية بشكل عام )

ولد خالي سواها عند الدكتور عادل في الكحال وماشاء الله عليه ممتاز بس يقول في عين يشوف فيها بنسبة 90 _ 95 % لان كانت عيونه حساسه للعدسات ..

عكسي انا عيوني عادي لو البس عدسات ماعندي اي مشكلة ...


المهم ابيكم تنصحوني بدكتور ممتاز و سعرهم لاهنتوا

اذا ماسويت العملية اسال شخص تعرفه، الموضوع مهم ياشباب

[star top]

لو انت قايل بالرياض كان علمناك

[محمد بن سعود الفايز]

إذا ودك تسويها عندك هالخيارين لأنهم الأفضل بناءً على رأي اخوي وواحد من الشباب :

1- مستشفى السعد
2- مغربي

تلقاهم بالخبر ، وماتشوف شر

[نادر الزهراني]

مرحبا عبدالله بن سعود
ابعد عن مستشفى سعد

اعرف كذى شخص سواها في الكحال والكل يمدحة

[لامارتين]

والله ياخوي اذا النظارات تمشي الحال

ونظرك مستقر


لا تسويها

ترى النظارات صارت الحين تزيد اناقة وجمال الواحد

والعمليات بصراحة تخوف

واي خطأ راح يكون ثمنه غالي لا سيما انه في العيوووون

[عبدالله بن سعود]

والله بصراحة الكل يمدح في الكحال ..

ولد خالي سواها فيه ويمدحه لكن فيه غبش بسيط وانا بسويها عنده بس حبيت اخذ معلومات اكثر

[متعب الحربي]

وآلله كثير يمدحونهآ بالأردن
انا بسويهآ لكن ان شاء الله بعد سنتين ..

ابو عآبد اذا وصلت 22 سوهآ ..
اذا اصغر لاتسويهآ الافضل بعد 25
لان يكون النظر ثبت ..

[Commred]

نصيحة لوجه الله
ترا هذه العملية تحولت الي امر تجاري 100%

بما انك ممشي حالك بالعدسات استمر عليها او خلك علي النظارة وابتعد عن الليزيك نهائيا

لاتستعجل خصوصا ان كنت اصغر من 50 سنة وهذا المتوقع عنك

[عبدالله بن سعود]

اوه الموضوع مغبّر : (

سويت العملية زمان، عند الدكتور عادل ماشاء الله عليه رجل خلوق

الان الحمدلله كل شيء تمام