الكفيل ومشـــاكله .. موقف

[صلاح الديب]

السلام عليكم ورحمه الله وبركاته

والله حبيت اشاركم موقف حصل لصديق لى لسا عارفه اول امس وترددت اني انزله بس قررت اشاركم بيه عشان ندعي للكفيل هذا

كلنا عارفين تخوف الناس من الكفيل .. وفعلا فى ناس مش كويس وفى ناس كويس .. يعني صوابع ايدك مش زي بعض

عندنا بمصر عشان تاخد فيزا للسعوديه .. تعد تدعي وتقول يارب الكفيل يطلع كويس ومايمسح بيا الارض هناك

عندنا بمصر مقتنعين تماما ان كل الكفلاء مش كويسيين .. الا الكفيل للفيزا الحره او بمعني اصح الى يعطيك الفيزا وماله صالح بيك غير كل سنه ياخد مبلغ بسيط وانتهي الموضوع

انا عن نفسى كنت متعقد من موضوع الكفيل وكان بالنسبه لي زي البطيخه .. يا تطلع حمرا يا قرعه

ولما شوفت موضوع الاخ بيشو قولت مش بمصر بس دا بكل الدول العربيه

قصتي النهارده مختلفه تماما مع كفيل يكفل صديق ليا وكلمته شخصيا وشكرته

الكفيل صاحب مكتب عربيات ... صديقي اول ما راح الكفيل اخد باسبوره .. الولد قال يادي المصيبه دا هايطلع عيني

الولد دا انسان محترم جدا وكان متخوف جدا جدا من الكفيل

خلال شهر اتصاحب مع الكفيل الى هو فى سن والده تقريبا .. وقاله انت ليه خدت الباسبور مني

قاله يا ابني انت مش عارف احنا بيحصل فينا ايه .. انا اكفلك وانت تضرني

فى واحد تكفله يسرقك ويعمل مشكله معاك ومع غيرك .. وفى دقيقه يسافر بره البلد وانا الى انضر .. ؟ هل يرضيك !!

قاله بس مش انت بس الى بتعمل كدا دا كل الكفلاء تقريبا رد وقاله الراجل الحكيم كلنا اتلسعنا .. وشوفنا كتير من الناس الى بنكفلهم

اكيد زي مافى الوحش فى الحلو بس انا اريح بالى عشان ما اقع بمشاكل فى شغلي ومع الحكومه فى السعوديه وانت ببساطه تسافر ومحدش يقدر يجيبك

صراحه وجهه نظر بردو ... المهم ان الولد تعب بعدها بحوالى 6 شهور من عمله واكتشف ان عنده ثقب بالقلب وحاجه كمان فى شرايين القلب وكان محتاج عمليه مكلفه جدا فوق استطاعه الولد ...

الولد خاف وخبي عن الكفيل عشان لا يقوله مالك شغل عندي انزل بلدك اتعالج

بيوم من الايام الولد اغمي عليه بالشغل والكفيل جاب دكتور واكتشف ان الولد تعبان والولد صارحه

ليه يا ابني ما قولتلى .. الولد رد خفت لا ترسلني مصر ... الكفيل يا ابني هو احنا كفره !! لا سرقتني ولا ضرتني والمرض بيد المولي سبحانه وتعالي

قوم يا ابني اتوضي وصلى لربنا ركعتين شكر انه سترها معاك اليوم وبتتكلم وواقف علي رجلك

وخلال اسبوع الولد اتفاجىء ان الكفيل حجز له فى مستشفى كبيره جدا وتكفل بكل مصاريف علاجه .. وعمل له العمليه والولد شهر ما يشتغل وعطاه راتبه كامل !!!

ولما الولد قال هاسدد منين .. الراجل قال سدد لربك .. ربنا الى دفع لك فلوس علاجك مش انا

بجد استغربت وقولت لسا فى ناس كويسه فى الزمن دا كدا

كفيل واخد باسبوره اول ما راح .. احنا نقيسها علي انه انسان مش كويس وهايمرمطني لكن مش عيب ان الراجل يضمن نفسه من المشاكل

والله والله والله لو شفت هالرجال لاقبل يده ورجله واقوله ياريت العاللللللم كله زيك

ياريت ما نظلمش الكفيل ونعرف انه ليه حق علينا .. خد باسبورك .. انت اشتغل بضمير وراعي ربنا واكيد الكفيل مش هايكون وحش معاك

تحياتي للجميع

[نور المنسي]

اخي صلاح ..

تعاملت مع الكثير الكثير الكثير من الاخوة السعوديين ،

لم اجد ألا :

الصدق ، الامانة ، النزاهة ، الطيبه و الكرم و النشامة .. و الله يشهد علي ما اقول .

سماحة اخلاق و ادب والله لو تمنيت يكون لي بلد تاني .. هيكون السعودية .

موضوع الباسبور صحيح 100% و هو ضمان حقوق للطرفين ، و فيه نظام بمكتب العمل يتحدث دورياً لحفظ حق الكفيل و العمالة .

اللي اتمناه فقط ان يتم تغيير مسمي الوافدين العرب من ( اجنبي ) إلي وافد عربي لاننا عرب

[Isaak Wahb]

صحيح الخير موجود في كل مكان وفي كل مكان في الخير وفي الشر
في سفرتي الاخيرة للرياض كان في الطيارة اسرة سعودية مسافرة مع بعض وكانت معهم شغالة وتعاملهم مع الشغالة كان جدا محترم والشغالة كانت معها بنتها ويعاملونها كانها فرد من الاسرة ...

في نماذج كثير جدا ممتازة وتعكس قيمنا واخلاقنا الاسلامية .. وهناك اشخاص للاسف يعاملون العمال لديهم كعبيد

[بوابة التميز]

شُكراً لطرحك الرائع ...

لا يوجد لدينا فيزا حره ولكن كُلها فيزا عادية ,, أما يتداوله الأخوان في مصر بكون الفيزا الحره لا تعمل لدى الكفيل وتعمل في اي مكان فهذه المُميزات التي أُعطيت فهي من الكفيل وليست من الدوله ,,

الكفيل ليست بيده سوى حجز الجواز خوفاً على مصالحه ,, لإننا فعلاً نقع في مشاكل ,, هروب , العبض ممن يعمل يهرب ويعمل في أي مكان , ويرمي نفسه للجوزات لآجل الترحيل ببلاش ,, وبعض الأحيان الجوازت ترغم الكفيل دفع قيمة التذكرة ,,,

كان على كفالتي عامل , ليس عربي ,, طبعاً فتحت له المجال ان يعمل في اي مكان ,, ولكن كانت هُناك مُشكلة حدثت وكان هُناك جولات من الجوازات ,, قال له عمي تعال اشتغل عندي وأعطيك راتب , رفض وقال مابي ,, المشكلة أني ماقدر أنقل كفالته ,, المهم مسكته الجوازات يعمل في محل خردة والنظام ممنوع يعمل شخص بمحل خردة وهو على كفيل ثاني ,, الجوازات ارغموني على دفع قيمة التذكرة ,, وسفروه ,,


وفيه مواضيع كثيره ,, فيها المشاكل وفيها اللي بدون مشاكل ,,

البعض يعتقد أن الكفيل لا يتحمل المسؤولية لدى الدولة , هل تعلم لو أن شخص على كفالتي وغاب فتره ولم ابلغ عنه هروب وعمل مُصيبة , وتم القبض عليه هل تعلم ما المشاكل التي ستواجه الكفيل من تحقيق ,,

وأيضاً حتى أكون مُنصفاً , بعض مرات الهروب العاملين وارتكابهم الجرائم تقع على عاتق بعض الكُفلاء , بتحميل العامل فوق طاقته , ومنع الرواتب عنه شهوراً كثيره ,, وطبعاً هذا ينمُ على عدم فهم قانون الكفاله لدى بعض رب العمل السعودي ,, ويعتقد أن العامل عبداً له , ويتصرف به كيفما شاء ,,



وبرضوا مثل ما تفضل أخوي Isaak Wahb أن هُناك كُفلاء لا يرحمون المكفولين ,,

تفضل هذا الموضوع قد يُفيدك , وهو نقاش في ندوه
نظام الكفيل..«تجاهل الثغرات» كشف «سلبية التعامل»!
http://www.alriyadh.com/2011/04/26/article626948.print