النتائج 1 إلى 11 من 11

الموضوع: التجربة الشرائية لمكينة القهوة المجنونه Breville BES860XL

  1. #1
    عضو سوبر نشيط
    تاريخ التسجيل
    Jan 2008
    المشاركات
    754

    التجربة الشرائية لمكينة القهوة المجنونه Breville BES860XL



    السلام عليكم
    اسعد الله اوقاتكم بكل خير اخواني الكرام

    ماشاءالله لاحول ولاقوة ال بالله



    هذا تقرير بسيط

    عن مكينه القهوة

    Breville BES860XL Barista Express Espresso Machine with Grinder

    المكينه في بيتنا ويستخدمه الكل

    قبل كل شيء
    انا بحثت في الرياض ماحصلت شيء
    وشفت بعض المكائن توصل سعره ٤ الف ريال
    ولا عجبتني
    واكثر شيء شفته توماتيك ولا عجبتني بصرحه
    انه تسوي لك كل شيء من نفسه
    جلست تقريبا اكثر من شهرين اسآل وابحث عن مكائن



    واذ نسيت احد اعذروني



    وتقيمي الالة

    ماشاءالله جدأ ممتازه
    الرغوه ممتازه نفس محلات القهوى ستار بوكس و دكتور كيف وباقي المقاهي


    بعد تشغيل جهاز الرغوه تحتاج اقصى شيء ١٠ ثواني الى ١٦ ثانيه وتبدء تشتغل

    طبعا اذ كنت مطفيها وتبي تشغله تاخذ الوقت الي قلته فوق واذ كنت مشغلها وتبي ترجع تسوي رغوه تشتغل لك بسرعه


    القهوة تنزل في الكوب اقل من ١٠ ثواني

    حرارءة الكوب مثل المقاهي نفسه تقريبا

    الرغوه على حسب الكوب المستخدم

    من دقيقة الى دقيقة ونص تخلص الرغوه

    وماشاءالله جربته رغوه جدا كثيفه وتجلس في الكوب لين يخلص كوبك
    :new7:


    لالة يوجد فيه مطحنه تجيب القهوى طازجه حبوب وتحطه وتطحنه توماتيك


    الإغراض إلي جت معه

    نحاس حديد الذي تحط منه القهوة

    جاه منه ٤ حبات
    اعتقد ٢ منه الاحتياطيه
    نوع صغير حق كوب واحد ونوع ثاني كبير حق كوبين

    فيه ملاحظه واحده
    بس ماشوفه عيب ولا شيء
    انك ماتقدر تستعمل
    الرغوه وانت تسوي القهوى يعني تشغلها في وقت واحد
    بس ماشوفه عيب ابد

    اول شيء سوي الرغوه الحليب وبعد ماتخلص شغل حقة القهوة ماتخذ ولا ٧ ثواني ال كوب حقك جاهز

    المكينه 110 فولت

    220 فولت
    يبغلها شهرين اني ماحصلتها في امازون الايطالي


    سعرها
    تقريبا

    $579.99

    بس انا خذيته مع

    ساعة قياس حراره الجالون الحليب + الجالون الحليب
    بس ملاحظه تر الجالون صار صغير مره
    اني توقعته كبير في الصوره
    وهي اصلن جاي معه جالون بس مره صغير
    الي خذيته مع العرض اكبر منه بشوي
    طلعت سعرها
    $599.01

    طبعآ هي الان ارتفعت سعرها
    انا خذيته ارخص يمكن با
    ٥ دولار
    طلعت علي مع الشحن الى البيت
    تقريبا

    ٣ الف ريال
    شركة الشحن فيدكس
    تقريبا المده ١٠ ايام

    والمكينه جدا مشهوره له في يوتيوب اكثر من ٢٠ مقطع

    صناعه
    شفته من الخلف مكتوب صينيه
    بس يقولي واحد من شباب

    ان شركة الإمريكية والقطع الإمريكية بس التجميع في الصين
    على فكره مكتوب في الكاتلوج انه تسوي اكثر من ٦ انواع
    اعتقد موكا ولاتيه و الكابتشينو وباقي مدري عنه
    بس ماجربت ال الكابتشينو ) موكا ودي اجربه بس ودي اتاكد انه ينفع اسويه على هل مكينه او لا
    ان واحد يقولي الشوكولاته له مكينه خاصه

    رابطه في امازون

    تقيمي
    اقول

    ١٠ على ١٠

    شريت هل قهوة ٢٥٠ جرام

    ٣٠ ريال
    للتجربه

    من ستار بوكس


    واعذروني على الإخطاء الإملائية اني كتبت تقرير وانا مستعجل

    وإن شاءالله يكون هذا الموضوع تقرير وتبادل الخبرات عن مكائن القهوه
    صورة كرتون المكينه





    هذي اكواب طلبته مع المكينه
    حلوه مره بس كبيره بزياده

    بعض الإغراض المكينه





    هذا حديد الي تحط فيه القهوة
    جاي معه اربع حبات
    طبعا استخدمت كرتون وكرتون ثاني هو الاحتياطي

    صورة المكينه وهي مشتغله



    هذا سويتش
    الطاحونه القهوة


    هذا صندوق القهوة



    هذي القهوة بعد الطحن



    هذا الحليب بعد ماخلصت منه

    وهذي هي الرغوه




    وشريت احلى اكواب من ستار بوكس
    الواحد
    ٤٠ ريال

    احلى اكواب الكابتشينو سويتها







    وهذا هو الحليب ٤٨ ريال
    :new3: م
    :new7:

    طبعا انا جربت الحليب الطازج ماعليه جيد
    بس اخوي يقولي كل المقاهي يستخدمون الحليب غير طازج مثل دكتور كيف وستار بوكس يستخدمونه
    هذا الي خلني اكنسل الطازج



    هذا خازان امويه آلي في المكينه

    طبعا فيه فلتر من داخل
    انا ركبته جاي معه

    دعواتكم يااخوان
    وبالتوفيق للجميع










  2. #2
    عضو جديد
    تاريخ التسجيل
    Apr 2013
    المشاركات
    2


    وعليكم السلام ورحمة الله وبركاته


    االله يباركلك فيها وتتقهوى بالعافيه

    شيء جميل هالماكينه كثير يمدحونها ان شاء الله
    يجينا الدور ونجربها ..

    اشكرك على الموضوع جدا مفيد استاذي






  3. #3
    عضو سوبر نشيط
    تاريخ التسجيل
    Apr 2010
    المشاركات
    699


    وعليكم السلام ..

    موضوعك افادني جدا..

    لي صديق يبحث عن المكينة لوضعها في كوفي تجاري صغير .. (( بجانب محطة ))

    هل تنفع للعمل اليومي بكثرة ؟؟





    __________________
    || سبحان الله وبحمدة ... سبحان الله العظيم||
    راسلني

  4. #4
    عضو سوبر نشيط
    تاريخ التسجيل
    Jul 2002
    المشاركات
    977


    إذا شربت القهوة ماتنزل للمعدة كباقي المشروبات ولكن تصعد إلى الدماغ !!

    لذلك تستاهل أن تدرس طرق عمل القهوة في المناهج الدراسية !!

    know your coffee






  5. #5
    عضو فعال
    تاريخ التسجيل
    Jan 2008
    المشاركات
    1,718


    بيني وبينك حنا مايسمر روسنا غير القهوة العربية

    المكينة اذا كانت شخصية اعتقد اختيارك خاطئ لانها كبيرة
    هذي مناسبة
    http://www.amazon.com/gp/product/B00...2&tag=mn0ce-20





    __________________
    الشيطان يعدكم الفقر ويأمركم بالفحشاء والله يعدكم مغفرة منه وفضلا والله واسع عليم [البقرة:268]

  6. #6
    عضو سوبر نشيط
    تاريخ التسجيل
    Jan 2008
    المشاركات
    754


    وعليكم السلام ورحمة الله وبركاته


    االله يباركلك فيها وتتقهوى بالعافيه

    شيء جميل هالماكينه كثير يمدحونها ان شاء الله
    يجينا الدور ونجربها ..

    اشكرك على الموضوع جدا مفيد استاذي
    حياك الله
    وعليكم السلام ..

    موضوعك افادني جدا..

    لي صديق يبحث عن المكينة لوضعها في كوفي تجاري صغير .. (( بجانب محطة ))

    هل تنفع للعمل اليومي بكثرة ؟؟
    ايه نعم ماشاءالله جدا ممتازه
    والله هي بتمشيء له بس تر الكوفي بعاده يحتاج شيء ضخم

    إذا شربت القهوة ماتنزل للمعدة كباقي المشروبات ولكن تصعد إلى الدماغ !!

    لذلك تستاهل أن تدرس طرق عمل القهوة في المناهج الدراسية !!

    know your coffee
    بيني وبينك حنا مايسمر روسنا غير القهوة العربية

    المكينة اذا كانت شخصية اعتقد اختيارك خاطئ لانها كبيرة
    هذي مناسبة
    http://www.amazon.com/gp/product/B00...2&tag=mn0ce-20







  7. #7
    عضو سوبر نشيط
    تاريخ التسجيل
    Jan 2008
    المشاركات
    754


    بيني وبينك حنا مايسمر روسنا غير القهوة العربية

    المكينة اذا كانت شخصية اعتقد اختيارك خاطئ لانها كبيرة
    هذي مناسبة
    http://www.amazon.com/gp/product/B00...2&tag=mn0ce-20
    لا هذي فيه طاحونه حقتي
    افضل






  8. #8
    عضو سوبر نشيط
    تاريخ التسجيل
    Jan 2008
    المشاركات
    754


    مافهمتك والله
    وش نسوي ههه ادمان






  9. #9
    مشرف
    تاريخ التسجيل
    Apr 2007
    المشاركات
    3,030


    الله يعطيك العافية على كتابة التجربة يا خالد

    القهوة وما أدراك مالقهوة

    أنصح بتجربة مكائن القهوة اللي تستخدم الكبسولات. لأن تحضير القهوة معها سهل وسريع، والنتيجة رائعة (حسب موديل الماكينة طبعاً ونوعية القهوة).

    شخصياً أستخدم Nespresso، موديل Essenza ومبسوط جداً منها:

    وهذا فيديو لها:
    http://www.youtube.com/watch?v=jDMCYadTTQU

    بس هذي مخصصة لعمل القهوة السادة. فيه موديلات أخرى للي يبغى اضافة الحليب





    __________________
    جدني في فيسبوك
    تابعني على تويتر
    فضلاً، قم باقتباس ردي حتى يصلني تنبيه أنك قمت بالرد علي

  10. #10
    عضو سوبر نشيط
    تاريخ التسجيل
    Jan 2008
    المشاركات
    754


    الله يعطيك العافية على كتابة التجربة يا خالد

    القهوة وما أدراك مالقهوة

    أنصح بتجربة مكائن القهوة اللي تستخدم الكبسولات. لأن تحضير القهوة معها سهل وسريع، والنتيجة رائعة (حسب موديل الماكينة طبعاً ونوعية القهوة).

    شخصياً أستخدم Nespresso، موديل Essenza ومبسوط جداً منها:

    وهذا فيديو لها:
    http://www.youtube.com/watch?v=jDMCYadTTQU

    بس هذي مخصصة لعمل القهوة السادة. فيه موديلات أخرى للي يبغى اضافة الحليب
    الله يحيك
    ايه معروفه
    Nespresso
    يمدحونه
    لقيته في امازون
    1100 ريال مع الشحن

    وهي موجوده هنا لهم فرع بسوق المملكه
    ٢٢٠٠ ريال

    بس مشكله اكثر شباب لي خذوه يقلون الي حق كيف في القهوه ماتصلح له
    ههه انه راح يمل منه
    انه نوعيه بن واحده
    وكبسولات اذ خلصت بتتوهق
    عكس مكائن الاحترافيه تحط اي قهوه وتشرب قهوه طازجه مطحونه في وقته
    بس انا اقوال الي يبي شيء سريع وحلو
    ياخذ Nespresso

    ام الي حق كيف وفله تصلح له
    Breville BES860XL








  11. موضوع اكثر من رائع وماكينه ممتازة





    __________________
    لا اله الا الله وحده لا شريك له
    له الملك وله الحمد وهو على كل شىء قدير





ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

أضف موقعك هنا| اخبار السيارات | حراج | شقق للايجار في الكويت | بيوت للبيع في الكويت | دليل الكويت العقاري | مقروء | شركة كشف تسربات المياه | شركة عزل اسطح بالرياض | عزل فوم بالرياض| عزل اسطح بالرياض | كشف تسربات المياة بالرياض | شركة عزل اسطح بالرياض