السلام عليكم ورحمة الله وبركاته
انا اخوكم احمد من مدينة الرياض
فتحت مكتب على قدي وحبيت اصمم له شعار ودورت بالشركات ودخلت على شركة اسمها فكرة العلامة
وياليتني ما دخلت نصبوني بمبلغ 1480 ريال سعودي
وفوق هذا كله معطيني حظر من الواتس آب ومتصل علي شخص اسمه سامي الحربي
سبني وقال كلام ما ينقال عشاني طلبت انهم يرجعون مبلغي
بداية الحكاية اتصلت فيهم قالو حول عشان نبدأ وتم التحويل واليكم الصور :
(( شافوني معصب وكذا ضحكو علي باعتذار وانا على نياتي صدقت ))
انظرو لتاريخ اول رد لي وتاريخ التسليم وانظرو الشعار اللي سلموني اياه :
اعطيتهم فكره غير وسوولي عمل مغاير عن اللي طلبته يعني يسكتوني عشان يلهفون 600 ريال
بلله هذا شعار قيمته 1480 ريال يا اخواني ؟
المفترض يتم التسليم خلال 6 ايام وانا عندما لاحظت انهم متاخرين ومايردون علينا لاحظو بالصوره :
قلت ابي فلوسي لاني عارف بيشوفوني ابي فلوسي بيمشوني بشغل اي كلام عشان يرجعون لي 880 ريال
وبيقولون عشان التصميم ما عجبك ومشكلتك
انا سبقتهم مثل منتو شايفين وطلبت فلوسي ولكن للاسف لا حياة لمن تنادي
شي آخر يثبت انهم نصابين انظرو لشعار شركة صلة اللي يدعون انهم صمموه :
مع كل اسف نصابين الشركة التي صممته هي شركة دوت كونكت واصبحت انا من عملائهم اليكم الرابط :
http://logo.dconnect.com.sa/ar/clients.html
الشي الاخير هو جزء من محادثتي معهم اليكم الصور :
المصيبه جميع ما ذكر حصل بشهر رمضان المبارك والله اني ادعي عليهم بكل صلاه
والفلوس مجرد وسخ دنيا وبنلقاها عند رب العباد ولكن احذروا منهم
شركة نصابة ولهم سجل تجاري مدري شلون لكن انا مابسكت وبروح لهم للمقر وبأرفع عليهم شكوى
لين اطلع حقي منهم ولكن انتبهوا وهناك شركات افضل واسعارها مناسبه ويعطونكم تصميم باقل من الوقت
الحمدلله انا اتفقت مع شركة اخرى وخلصتني بيومين ولكن هذول بافضحهم بكل موقع وبكل مكان
اتمنى ان لايحذف موضوعي وان يصل لأكبر عدد ممكن لايقاف النصب والاحتيال
واسف على هذا الموضوع وانا سجلت من زمان وانشغلت ورجعت عشان اكتب من حررة مافيني
وفقكم الله لما يحبه ويرضى واشكر لكم اهتمامكم
رد مع اقتباس
