ما رأيكم في خدمة بيع وتبادل الايميلات

[TopUAE]

السلام عليكم
ما رأيكم في خدمة بيع وتبادل الايميلات بين اصحاب المواقع؟
انا من رأيي أنها إزعاج للناس وخصوصياتهم
طبعا مافي احد يرضى (بمافيهم أنا) بأن يفتح ايميله كل يوم ليجد 4 او 5 ايميلات على الاقل من اماكن يعرفونها....
وبعدين الموقع الناجح ينتشر بالسمعه الطيبه مش بالازعاج
انا عن نفسي لما اجد هذي الايميلات على طول اروح امسحها من غير ما اشوفها.. وكذا يسوي معظم الناس..........
كما أرجو المشاركه في التصويت
واذا يسمح لي سيدي المشرف بان يثبت الموضوع لأهميته

[forsanuae]

لا اؤيد اطلاقا لانه تطفل في خصوصيات الناس

[http]

اقترح ان يكون لدى الانسان اكثر من بريد ولنقل اثنين

الاول خاص خاص جدا

الثاني دعه لمعلوماتك في المنتديات وللاشتراك في مواقع الاخبار
ولامانع من رسالة من يمين او رساله من اليسار لاعلانات اخواننا العرب

لانها وسيله لاخبارك بما عند الاخرين


هذا رايي المتواضع



وصلى الله وسلم على نبينا محمد

[الزير سالم]

انا أعارض أصحاب المواقع اللي يرسلون كل يوم وكأنهم بالعافيه يبون زوار لمواقعهم..

يعني انا مع الإستخدام المعقول (( استخدام حشمه يعني)) يعني اذا صاحب الموقع عنده شي جديد ومفيد مو مشكله يرسل ..

انا عندي قائمه بريديه ويشهد الله ماستخدمتها إلا مره قبل فتره لما افتتحت موقعي بعد إنقطاعه من موقع العرب سامحهم الله
ولو عندي شي جديد برسل مافيه أي مشكله....بس مو كل يوم..
يعني تكون الرساله مابين الساعه 6 المغرب إلى الساعه 10 بالليل أهو وقت مناسب..واللي مايبي يسطفل يمسح الرساله ويسوي حظر للبريد اللي جت منه الرساله..وماراح يجيه مره ثانيه من هذا البريد..مثلي انا اسوي كذا أحياناً لكن والله تجيني رسائل من مواقع جميله جداً واتابعها دائماً لأنها مفيده ...وأشكر الشخص اللي وصل لهم إيميلي..


المهم المفروض إننا مانعطي هالموضوع فوق طاقته ونكتب فيه مواضيع...وإلا ايه رأيكم..خلونا في البرامج هنا وبس

وآسفين على الإزعاج..

[GHOST]

والله انا اشوف عادي ولكن يكتب في اخر رسالته طريق الغاء الاشتراك .

[TopUAE]

انا برايي الصراحه
(تطفل)

[awm88]

لا اؤيد اطلاقا لانه تطفل في خصوصيات الناس



واعتبرها تدخل في خصوصيات الأخرين


الواحد يستحي يرسل الى شخص هو ما يعرفة ولا عمرة سجل عندة


وش اسميها

[البرواز]

طبعا هذا تطفل بس هذي مشكلة قائمة ولا لها حل لذا اعتقد ان الواحد يسوي له اكثر من ايميل يعني انا مثلا عندي حاليا حوال 7 ايميلات نشطة كلها افتحها يوميا كل ايميل لغرض ( هذا غير عشرات الإيميلات الي فتحتها ونسيتها )

[malswidan]

السلام عليكم

انا رأيي الشخصي انها تطفل ولا أؤيدها بتاتاً

اخوكم محمد