صدمــة ماتوقعتها والله وليما الحين في بالي ؟

[woooo]

السلام عليكم

البارحة في الليل وبحدون الساعه 8 المساء دخل على احد الاخوه

ومعاه شخص عندي في المحل وانا قاعد اضبط موقع لاحد الشباب

وسالت ماذا يريد قالي ارجوك انا مستعجل ابي موقع وهذا موقعي

انقله بسرعه

طلبت منه معلومات الاف تي بي عطاني ما قدرت على الدخول

حاولنا اندش المنتدي علشان اخذ نسخه من قاعدة البيانات لم اقدر

مغلق المنتدي سالته منهو اللى معطيك الموقع قالي واحد عنده سيرفر

قلتله عنده محل عن عنوان ثابت قالي لا بس تلفونه دقينا عليه

وكلمته في قمت الادب وقلتله بننقل موقع الرجال فالي حاظر قلت

بس افتح الموقع نص ساعه طبعا الصفحة الرئيسيه تعمل وممتازه

بس مسكر المنتدي قالي حاظر خمس دقايق وافتح المنتدي ؟

تدرون شنو سوي لاظمير ولا احساس عنده ؟ مسح الموقع بالكامل

وكل ماندق عليه يبلغنا صبر شوي لا الموقع موجود وبالاخير قام بقفل

جهازه بالمره (((( مع العلم ماخذ كل حقوقه بالكامل وفوقهم زياده ))))

اتصلنا على واحد يعرف وهذا الشخص اللى يعرفه يقوم بعمل الصفحات

وكذلك يقوم بجل الزبائن وعطاني اخر باسورد ويوزر للاف تي بي فرحت

فرح كبير لمن شبك ؟؟؟؟؟؟؟؟؟؟؟؟؟ مفاجئه مفاجئة مفاجئة

بس موجود ملف صاحبنا وفاضي وطبعا الملف على اسم موقعه ؟؟؟

مفــــــــاجئة كبيره للعالم اللى طاحوا بهذا النصاب ؟

حصلت عنده فوق 100 موقع في نفس المكان وموقعه تقريبا 1000 امبي انصدمت وصابتني الدهشه ومقسم المواقع كل حسب ملفه الخاص وحصلت قاعدة البيانات وملفات وصور قله بالادب وعالم لا يعلمه الا الله سبحانه والله حرام ولف حرام اشكال هذا النصاب

حاولت امسح بعض الملفات طلعت محمية الا القليل قبل النسخ

وملف صاحبنا فاضي

رديت دقيت على رفيجة اللى عطاني الباسورد وانصدم لمن قلت الملف
فاضي قالي اكيد سواها وشال الموقع

سالت صاحب الموقع

قالي مستلم فلوسه وفلوس التصميم بالكامل فوق 350 دينار
وكل يومين يسكر المنتدي بدون سبب ولمن ادق عليه يقولي فيه هجوم على موقعك من الهكرز

وصارلي معاه شهرين ماشفت موقعي الا 7 ايام بالكثير

حسبنا الله ونعم الوكيل لا اله الا الله

[kalifa]

ممكن اسمة وعنوانه وانشالله اجيبلك اللى يسعدك

تحياتي لك

[woooo]

السلام عليك

اشكرك على الرد نعم انا من الكويت والاخ من الكويت وصاحب السيرفر

من الكويت ؟؟؟

والحمد لله تم الاتفاق معاه وماقصر اعترف في غلطة ورجع افلوس صاحب الموقع ولكن اخذ حق الدومين وهذا من حقه وتم نقل الموقع
على سيفرنا الخاص وحاليا موقعه شغال مية مية وتحت التطوير
وقمت بتسليمه جميع اوامر الدخول والارقام السرية وكل شي يخص موقعه معنا

الغريبه ان صاحب السيرفر طلع متعاون مع وسيط اردني بالاردن وكل المشاكل تحصل من صاحبه بالاردن لدرجة انه يترجاه تكفا بطل الموقع الفلاني والفلاني

الله كريم اشكرك اخوي من الاعماق

[TopUAE]

حد يدفع 350 دينار حق تصميم؟
مافيه غير تصمم موقعك روحك وانت مرتاح
وتاخذ الهوست اللي تبغيه من شركه غير عربيه

[J l jJ j]

?

غريب الكلام كله
وش دخل الاردن بالموضوع القصه كلها غريبه شوي

[AbuAnas]

أحد معاه مويا ؟!؟

أبغى أبلع السالفة ..

[woooo]

الاخ J l jJ j والاخ AbuAnas

ادري ماصدقتوا السالفه بس والله هذا اللى صارا ولساعه هذي مغلق المنتدي وممسوح الموقع بالكامل

ادعاء صاحبنا الكويتي حق صاحب الموقع يقوله انا ماخذ السيرفر
من واحد بالاردن ( وفعلا كلمه بالماسنجر جدامه ويترجاه نفس الطفل تكفا يافلان افتح موقع صاحبنا افلان علشان ياخذ قاعدة البيانات يقول ددقيقه افتحه وكل شي على هذي القصه حتي يومنا هذا الدقيقه تصير بالساعات ويكرر كل شوي دقيقه وبالاخير وكل يوم بعد مايقومون يوسلون فيه وينقعهم سته وسبع ساعات يروح بقلت ادب ايسكر الماسنجر )

صاحبنا الكويتي اللى ماخذ من الاردني الظاهر كل المواقع عن طريقه فوق مية موقعه وكلهم مسجل لهم الدومن من مكان واحد ورقمهم السري واحد حاولنا ناخذ الدوميين رفض وقال والله عندي فوق 100 دوميين على رقم واحد اسمحولي اللى اسويه لكم احول الدوميين حتي ينتهي اشتراكه وسجلوه من جديد

يقول ان الاردني هذا ماخذ سيرفر من رفيجه في امريكا امريكي

وشوف جم عربي من بينا ضحية هذي الشله النصابه يصيدون ناس غثيمة في هذي السوالف ويسوون لهم مواقع فرعية من مواقعهم الاصلية ويحولون النطاق عليها

سالت صاحبنا ليش مايعطيك الارقام واليوزر حق الاف تي بي يقول يعطيني وكل يوميين يروح يغير ويوقلي يامعود مواقع العالم اخاف عليها انت بس عليك من ملفك هذا

استغل العالم الله يستر

من ضمن ملفات المواقع اللى حصلة عنده بالاف تي بي

كحيله ونوره وناصر ومحمد وعلى 1 وعلى 2 وهاجر ومصطفي ونونو وشات ايرسي وشغال وعالم غير جدا جدا

انا حطيت الموضوع للفائدة وعلشان اكصر الشباب يراجع حساباته ولا يطيح في اشكال هذا العالم المنحط والله يستر

[kalifa]

منو هذا الشخص اللى تقول عنه الكويتي يمكن اقدر افيدك